東館山スキー場→ 一の瀬ファミリースキー場
早餐其實算少嘢食，不過食多兩碗飯都可以食得飽，好在日本米好食！
今日天氣差，全日都大風雪，見小朋友兩日都進步唔少，
今日準備帶佢去一の瀬ファミリースキー場嗰邊玩。
去一の瀬有兩個方法，一係坐巴士，二係坐纜車上行頂，喺山頂過～
喺山頂一個場過一個場，小朋友都應該要識，所以我哋決定山頂過！
不過個地圖有Ｄ搵笨，由東館山過一の瀬條山路比地圖睇到嘅長好多窄好多，
對小朋友嚟講係太大嘅挑戰，沿途係我行前面搵路，小朋友行中間，
不過佢中途跌咗好多次，慘慘呀！毛爸行最後，睇實小朋友!
過到一の瀬大家都好攰啦～
今日一直都好大風雪，小朋友又跌到pat pat開花，所以玩咗無耐就去食飯啦～
午餐大家都好似餓鬼咁，係咁不停叫！
個個餐都夠晒份量，頭先消耗嘅能量即時補充返啦！
我就最檢點，因為我要留肚食甜品～
當我哋連甜品都食埋時，先發展大家都忘記咗頭先一入門口就第一時間order嗰個巨型Pizza！係！我哋仲係order個加大碼嘅！
個size係幾咁誇張！
仲要呢個pizza係好好味，唔係都唔知點算！
最後當然可以食晒啦，一粒都無剩...XDDD
天氣差，加上嚟嗰段山路，小朋友嘅體力消耗得七七八八，
下午唔滑啦，決定坐巴士返酒店～
無計啦，咁等回頭車囉，不過要45分鐘之後先開，真慘！
等車嘅時間我哋周圍睇吓有無可能行返去，或者滑返去，可惜係無嘅！
於是就乖乖等囉，順便欣賞下雪景～
雪不停落，好在有個侯車室俾我哋等車，唔係凍C都得囉～
返到酒店差不多３點，放抵小朋友我就同毛爸出去玩powder啦，
落咗咁耐大雪，必定會係勁厚powder啦，超級爽！玩到4:30人哋收工先走～
返到酒店仲夠晒時間去沖埋涼，浸埋先去食晚餐！
今日無乜拍片，無得做賽後檢討，咁一齊圍埋睇Running man囉...XDDD
志賀高原発哺温泉 ホテル東舘
〒381-0401 長野県下高井郡山ノ内町平穏7149 発哺温泉
TEL：0269-34-2534 FAX：0269-34-2950
沒有留言:
張貼留言