2012-01-08 Kakato 狗狗訓練與服從分享會

星期日，天氣晴朗，一家三口今日有人幫我哋安排咗好豐富嘅節目

今日我哋會出席Kakato 舉辦嘅狗狗訓練與服從分享會，講吓點解我會去呢個分享會先，出發點當然係為毛毛！

呢幾年，毛毛差不多每年都會同我哋一齊去外地旅行，為毛毛準備旅途上嘅食物係令我非常煩惱嘅事，平時毛毛係食一半乾狗糧同一半蒸肉，好多時旅途上未必有設備或者地方俾我蒸肉俾佢食，所以毛毛每次去完旅行返香港都必定瘦身成功！所以我好希望搵到隻好嘅罐頭俾毛毛，等毛毛可以喺旅途上可以食得飽，又食得開心，咁我又可以放心Ｄ帶毛毛去多Ｄ旅行，唔洗俾毛爸哦我囉！

喺網頁上知道Kakato嘅罐頭肉含量高達78%，選用新鮮、品質上乘的供人食用材料, 全無添加，不含人造色素、人工香料、防腐劑、增味劑或任何化學物質，所以我哋今日要去睇吓同試吓佢Ｄ罐頭～

地點係蓮花犬舍～

未到１２點已經去到，毛毛放低Ｄ嘢俾Daddy就去同Ｄ朋友仔玩一陣先！

今日公關公司仲安排咗攝影師幫我哋Ｄ小朋友影相，瞓晒身架！

影得我毛毛幾靚女！
 

 

第一個節目係BBQ，燒嘢食，我最鍾意架啦，起動啦！

跟住嘅節目有訓犬師張松照先生為我哋講解如何訓練犬隻和令犬隻服從之秘訣，仲即場試範俾我哋睇！

豆豆你好專心喎！

張松照先生嘅徒弟為我哋試範點樣用遊戲訓練狗狗～

我都好想我隻女乖Ｄ，所以好留心聽書架！

張松照先生嘅徒弟張小姐，為我哋試範點樣訓練警衛犬～

好勁呀，唔知我做唔做到呢...

我就應該唔得啦！

毛毛：Daddy你又偷影我！

 
即場幫有問題嘅家長教小朋友，仙太朗第一個出嚟試！

由咁樣

 

到咁樣,，唔洗一分鐘，仙仔即刻乖晒，聽晒張師傅話，勁！

真係拍爛手掌呀！


呢位小朋友嘅問題係唔肯跟主人行～

都係同一個結果，唔洗一分鐘，即刻乖乖跟住張師傅行，今日真係獲益良多呀！

毛毛：媽媽張師傅好叻呀！

毛毛：不過我唔想出去試啦，你放過我啦！
 

跟住就由Kakato嘅代表為我哋講解佢哋隻罐頭嘅成份同好處～


張小姐為我哋講解有關狗狗飲食需注意之重點～
 

當然唔少得即場開Kakato 罐頭試食啦！

我試完到毛毛試，我試咗雞＋南瓜，同我平時整俾毛毛食Ｄ一樣味，而且毛毛都好肯食！

試食完到鬥快食遊戲，毛毛都係志在參與，一定唔會贏，希望佢唔好輸太多就OK啦！

一叫開始，個個小朋友都光速咁食，唯獨是毛毛...

望吓右...

望吓左...

再諗吓...


仲要聞吓添...


好啦，終於肯開始食啦！


但三秒唔夠，又要再諗諗食唔食好...

阿女唔該你食啦！ 

 

唉...攪咗一大輪，終於開始食啦！

毛毛：媽媽唔好催我，我已經食得好快啦！

輸咗...


連一半都未食到呀...


毛毛嗰組係初級組，呢組係高級組，快好多呀！

第二個遊戲係鬥耐性，呢個無問題，我個女一定得呀！

毛毛，你頭先輸幾條街呀，今次要叻Ｄ，唔好再包尾啦！

呢個遊戲係要鬥stay得耐，家長要背對自己隻狗架！

我對我個女好有信心，第一個準備好！

準備開始啦！


開頭大家都好聽話～～～


有人開始引 佢哋玩，慢慢開始有狗郁啦！ 

再出動食物引誘，幾乎全部狗仔都去晒碗肉肉度，得返毛毛同豆豆！ 

豆豆開始忍唔住啦...起步！


噢...豆豆都出埋局～！


毛毛一直坐到我叫佢come佢先郁，我懷疑佢頭先瞓咗囉......


毛毛第一次參加服從比賽就贏咗第一名，連張師傅都讚佢叻呀！ 

 

毛爸仲得到張師傅親自指點教狗方法，睇怕我個女可以戒到Ｄ壞習慣啦卦！


再嚟一張大合照，今日公關公司安排得好好，我哋玩得好開心又學到好多嘢，仲有好多禮物攞返屋企試，真係多謝晒你哋！


毛毛：媽咪，你講咗咁耐，幾時有得食呢？

今日開咗罐三文魚＋魚湯俾毛毛食，我偷食咗少少，Ｄ魚好好味，第日我食麵包無嘢揸都可以借毛毛Ｄ罐頭用！

一罐70g同我平時俾毛毛食嘅份量差唔多～


一放低，毛毛即刻走去食，除咗脆肉鯇，好少見毛毛咁積極食嘢！


毛毛平時唔肯飲水，所以佢早餐同晚餐都要加水，如果飲唔夠水驚佢個腎會有事，有時加咗水毛毛會唔肯食，不過呢罐三文魚＋魚湯就算我再加水毛毛都好肯食，好囉，第時多個選擇啦！


我隻超級咀尖嘅毛毛竟然一次過食晒一罐，無扭我餵佢，所以呢隻罐頭我會俾毛毛試一排，遲Ｄ再同大家報告毛毛食咗嘅情況啦！
呢個清兜嘅場面，係我哋屋企唔係成日見到架！

Kakato有19款味道，真係啱晒我個女，佢三兩日就要轉一轉口味架！