2016 志賀＋輕井澤滑雪之旅 (Day 3 - 7 Feb 2016 Sun)

東館山スキー場 (Higashitateyama Ski Area) Day 1

http://www.shigakogen-ski.com/lift-operation-status/detail?place-id=6

今日比預期中早起身，唔知係咪腳痕呢，咁早起身，唔似我作風囉！
一早已經見剷雪車開工，噚晚一直有落雪，今日雪質應該會唔錯～

梳洗後又未夠鐘食早餐，諗起噚晚食飯件事，仲好嬲，
我仲有幾晚喺度住，要我受你咁多日氣，無可能囉！
出發前一直有同酒店負責人email聯絡，安排我哋嘅接送同伙食問題，
於是就用我極爛嘅英文寫咗封極唔客氣嘅eamil俾佢啦！

我７點打好封email俾佢，7:30落去食早餐，落到去唔見噚晚招呼我哋個女職員，
換咗係Checkin counter識講英文個男職員加另一個女仔招呼我哋，
個男職員裝束好好笑，恤衫西褲加圍裙，擺明係啱啱俾人點嚟認對我哋嘅投訴啦！

男職員第一件事就係道歉，我哋都同佢講無問題，以後唔係咁就OK!
跟住早餐全程都係佢招呼我哋，做返晒溫泉酒店應該要有嘅禮儀，
但我見佢全程係手震住嚟做囉，唔通我封email真係寫得太客氣...
中段時間噚晚招呼我哋女職員有親身出現同我哋道歉，
算啦，我只係想俾你知，你做得呢份工就要有呢份工嘅專業，
之前我唔理你受過Ｄ咩人咩氣，都唔應該發洩係其他客人身上，
我唔係嚟幫之前嚟得罪你Ｄ人還債，你咁對我哋，你都一樣要還架！
你嘅表現係失禮晒你成個團隊！

早餐都係一般啦，食得飽嘅！


酒店正門～

Ski pass要喺下面間屋仔用酒店俾我哋嘅飛換，行落去再行返上嚟都幾係嘢，
好斜再加上鬆雪，行一轉已經成身汗，最好嘅熱身運動啦！

住得近就係咁好啦，我哋出嚟玩時仲未有人～

呢個場真係好識合初學，好好好鬼闊！

小朋友第一次落真雪玩，全身彊硬...XDDD

玩玩吓放鬆咗心情同適應咗真雪，開始玩得好開心～

雪道旁邊有好幾間餐廳，一陣準備喺度食Lunch~

毛爸今日會全程照顧呢個小朋友，希望佢可以快Ｄ上手，
咁就可以同我哋一齊去劈山！

小朋友玩咗半日都未夠，攰到呢...呢個我好明白，初學係最攰！

咁食個Lunch休息一陣啦～

好好味嘅大根，100円1件

睇呢幾碗麵就知今朝邊個辛苦啦...XDDD

飯後當然要甜品...XDDD

兩款都好味！

食飽有能量繼續練啦～

初學者嘅惡夢就係飛咗落Ｄ鬆雪度，真係爬都爬唔到出嚟架，
我真係試得太多，小朋友舅母好明白你而家嘅心情架！加油！

有惡夢都有美夢嘅，可以自由自在飛落山，真係爽爆架！

喂！好起身啦，夠鐘食飯呀！

第一日就直到板，叻仔！

玩咗大半日，進步唔少，後生仔學嘢真係快好多！

教得好個外甥仔，毛爸開心到飛起...XDDD

今日特訓完畢，返酒店啦～

個個攰到Ｃ，去浸個溫泉消吓Ｄ攰氣先，
未嚟之前小朋友怕去溫酒泉架，而家浸吓浸吓愛上咗...XDDD

房間望出去黃昏嘅雪山真係可以醉人～

好一般的晚餐，我未試過溫泉料理會食漢堡扒囉～

好在我哋旱有準備，返房睇Running man兼食宵夜!

咖啡我都有買定～

小朋友仲要食埋個碗麵先滿足～

志賀高原発哺温泉　ホテル東舘

http://www.hoppo-spa.com/index2.html

〒381-0401 長野県下高井郡山ノ内町平穏7149 発哺温泉 

TEL：0269-34-2534 　FAX：0269-34-2950