Halloween遇上把鬼1+1

毛毛：媽咪著到鬼五馬綠咁去邊呀？

我哋約咗你ｄ朋友仔去帝都 1+1 餐廳食飯慶祝Halloween囉！

＊＊＊＊＊＊＊＊＊＊＊＊＊＊＊＊＊＊＊＊＊＊

今日呢一餐真係十分把鬼嘅一餐，呢間真係一間把鬼餐廳，無論食物、環境、服務等等............都係差到無人有！

首先我哋訂枱時已經講明有狗，但去到時，隔離枱ｄ客即時變面，但我唔怪嗰ｄ人，因為如果酒店安排好ｄ就唔會發生ｄ咁嘅事！

跟住ｄwaiter就搬ｄ植物出嚟間開我哋，叫我哋唔好俾ｄ狗行出去，咁都算啦，但嗰枱客仲唔滿意，又話要轉枱，又話要去食環處投訴，咁ｄ waiter又再搬過ｄ植物再間開ｄ，又要搬我哋ｄ枱，攪嚟攪去，淨係搬枱都搬咗成個鐘，咁仲使唔使食嘢呀？

ｄ食物就更差，得ｄ燒雞翼同腸仔，炒麵又係斷晒，總之無樣好食，都要收百幾二百蚊一位，真係不知所謂！

我係一定唔會再去呢間不知所謂又唔識尊重人嘅餐廳，等執啦你哋！

＊＊＊＊＊＊＊＊＊＊＊＊＊＊＊＊＊＊＊＊＊＊

雖然係咁，我哋都識得自得其樂嘅，你有你嘈，我哋有我哋玩，你奈得我哋何咩！

呢兩件係我哋喺日本買返嚟俾細毛同CoCo架，佢哋兩個著得好靚呀！

毛毛：我今日呢個造型嚇唔嚇人呀？

大合照時間，不過地方太細，狗太多，最終都影唔晒所有狗狗～～～

小朋友同小狗係可以共存架～～～

全晚最好食嘅就係歡爸帶嚟嘅日本蜜瓜～～～

 

2010 狗狗日本東北賞楓之旅(Day 8)

第八天:  東京→成田→香港

真係話咁快就到咗第８日，真係十萬個唔捨得！

早餐係我鍾意嘅日式早餐～～～

小朋友今日要搭機，食埋早餐同佢哋去酒店嘅dog run放下電，等佢哋一上機就可以覺覺豬，時間快ｄ過～～～

玩咗一個鍾，返房洗乾淨ｄ腳仔，10點鐘準時出發去機場啦～～～

Suiran Green Park → 日本通運株式会社 (Tel : 0476-32-8011)***(61.3KM 58分 1,750円 IC-59KM) @1:00 pm 一般道路  45.9KM 1時40分

11點已經到咗日本通運株式会社，不過我哋要去動物検疫所成田支所做咗檢疫先，嚟咗日運先喺因為佢旁邊有座停車場，可以泊低架車先！

日本通運株式会社 → 動物検疫所成田支所-検疫第1課-貨物事務所 (Tel : 0476-32-6655) @11:30 am ***步行５分鐘

首先要經過一個閘口，需要填張入閘紙先可以通過，張入閘紙要keep好，俾動物検疫所吸返個印，出閘時需要交回架～～～　

好可愛嘅招牌呀！

準時11:30到咗，最重要嘅文件交收時間，要打醒12分精神，唔可以有嘢錯！

交晒ｄ文件就等獸醫同毛毛，歡歡檢查身體啦～～～

呢個就係獸醫叔叔啦，body check話咁快就覺掂晒～～～

12點3已經攪掂檢疫手續，下一站去日本通運攪埋ｄ貨運手續～～～

首先梗係要交低ｄ路費先啦～～

歡歡：乜要咁多張銀紙架？　　　

攪掂晒ｄ手續就可以同兩位小朋友去便便同行一陣，一點鐘先要再交返兩位小朋友俾日運，行得攰攰地又未夠鐘，我哋又返上車休息一陣，總之拖到最後一分鐘先交狗啦！                 

毛毛乖呀，要坐飛機返屋企啦，一陣媽咪會喺香港接返你，知道嗎？

坐穩機啦兩位小朋友～～～

還車 - Toyota 成田空港[東京] at 2:00 pm  (Tel : 0476-32-1020) 
CX 521 TOKYO NARITA - HK (1700-2040) 04HR 40MIN 

話咁快就飛到返香港，我哋班機本來話會早到，點知又遲咗大半個鐘先到，好在毛舅父手車勁又熟路，好快就車我哋去到超級一號貨運站，不過我哋去到時文件未到，又要等，好心急，因為仲有廿分鐘漁農處就交更，如果趕唔切喺佢哋交更前去到，就要等多半個鐘先接得返兩隻小鬼架啦～～～

一攞咗文件，毛舅父幫我去交文件費同交提單，我同歡媽歡爸用９秒９時速跑去漁農處，交更前５分鐘成功到達！不過漁農處ｄ人就黑晒面囉～～～

我每次帶毛毛去日本毛舅父都會嚟接我哋機，因為佢熟晒成個提貨過程，所以我可以好專心去漁農處攪手續，其他所有嘢毛舅父都會幫我攪掂晒，而帶寵物去旅行返香港提貨呢一part都全部係毛舅父教我架，所以我同毛毛都好鍚毛舅父架！

今次唔駛清關，嘟埋晶片就走得！

開開心心返屋企啦～～～          

2010 狗狗日本東北賞楓之旅(Day 7)

第七天:   那須 →  東京／成田

毛毛：晨早流流兩老話要去沖涼洗頭，狗哋都未瞓醒，無啦啦又話要帶埋我去喎，真係煩ｃ狗架！

毛毛：你哋沖啦，我喺度坐吓得啦！　

梳洗完我哋就去食早餐，有ｄ時間就又影吓相先啦～～～

呢度每一件擺設都好靚，好有心思，如果有時間喺度慢慢睇就好啦～～～

落到到大廳，今日又有好多新朋友喺度等緊毛毛，毛毛去同小朋友玩吓啦！

毛毛：各位，我唔客氣，食早餐啦！

今朝呢個早餐非常好味，芝士牛角包，面脆，但個心嘅芝士無溶，只係軟綿綿，上枱時個包仲係熱辣辣，口感一流，自家製嘅麵包真係唔同ｄ～～～

呢個餐包其實都唔錯架，不過我哋食咗個牛角包先食佢就覺得佢麻麻地，其實對佢唔係幾公平囉～～～

今日我哋無要嗰盤麵包，所以淨係得返呢個全盒，OK咁嘅份量我哋handle到嘅！

不過呢樽奶就無能為力啦，唯有帶住佢，中途飲啦～～～

呢位小朋友都係店主養嘅，佢瞓係度都好大隻，如果企身，一定高過我！

臨走前梗係要同呢幅咁經典嘅披頭四畫影返張相啦～

拜拜啦，有機會我會再嚟架～

今日我哋要返東京啦，一開車，毛毛就同歡爸密密傾，唔知傾咩呢？

不過走之前，我哋要去買ｄ香腸，cheese cake同生果先走得，第一站 The Cheese Garden，買咗腸同cheese cake先，日日都有嚟Cheese Garden，但原來無影過佢相喎，今日臨離開那須前補返兩張相先～～～

第二站，買生果，個豬PS又老點，都係靠我哋自己揾返呢間生果舖！全部打包同我運返香港！（發夢中......)

OK齊貨啦，可以起程去台場啦！

Pen Tel Kan Imagine Dog→台場VenusFort (Tel : 03-3520-0510)***(200KM  3時12分 4,600円 IC-187.5KM) 一般道路  182.2KM  7時11分

嚟到台場，主力都係買返ｄ小朋友用品，不過經過一間免稅店，就咁喺度又跌咗ｄ錢囉，呢間店平時應該係做我哋國內同胞生意，幾乎全部店員都識講普通話，不過因為釣魚台事件，全個場靜過鬼，得我哋４個人２隻狗喺度攪攪震～～～

跟住過隔離Pet Paradise買小朋友嘢～～～

俾我喺呢度見到架我好鍾意嘅寵物車，不過............

嘩！要成５千銀呀，就算喺我最鍾意嘅３個轆又點吖，呢個價錢真係買唔落手！

而家Pet Paradise出咗好多大狗衫，即刻有dog model試俾你睇，仲係孖住上！

毛毛：做咩呀你哋，未見過靚女咩？

日本嘅寵物店，地方都設備都比香港好好多！

隻８哥仔好可愛，佢仲要全埸最貴，要成３萬幾港紙架～～～

呢間PECOS好大，咩寵物用品都有，尾站入貨啱晒～～～

毛毛：呢件好似幾好喎～～～

毛毛ｌ：要波波定骨骨好呢？　　　　

毛毛：都係要嗰個日本姐姐攞住嗰隻啦！

毛毛：我都話我有選舉障礙架啦，而家一件都揀唔到添........

呢度仲有間好大嘅動物病院，好靚，好乾淨！

食個早嘅晚餐就要返酒店，聽日返香港啦～～～

台場VenusFort →Suiran Green Park (Tel:0475-34-5400)***(63.5KM  1時10分 1,800円 IC-59.3KM) 一般道路  60.5KM  2時28分

呢間酒店我哋之前嚟都住過，今次發現佢有ｄ地方翻新過，好住咗！

毛毛係一個去廁所好乖嘅小朋友，佢見到尿片就識去嗰度便便，所以帶毛毛去旅行可以煩少一個好多人都覺得好難攪嘅問題～～～

間房幾闊大架～～～　　　　　

梳化係超矮嘅，好方便小朋友上落，讚！

今日有宵夜食，麵包，cheese cake同生果！個cheese cake正呀，去那須真係一定要食呀！　　　　

食飽，我有我執行李，毛毛有毛毛玩～～～

Suiran Green Park (Tel:0475-34-5400)
〒299-4125　千葉県茂原市大沢251
http://www.suiran-rp.com/
1部屋：16,800円 (1泊+朝食, 2人價錢)，寵物免費 , 駐車場 - 無料