瞓...瞓...瞓...

天氣咁熱，加埋有屋企有３隻小狗，個懶媽媽有晒藉口唔帶我哋出街玩，咁我哋３個呢兩日嘅活動就係瞓...瞓...瞓...啦！

唯一唔瞓嘅時候就係有嘢食啦！

狗朋自遠方來，不亦樂乎？

小鄉姑ee同uncle姑爺有遠遊，就將兩位愛女Creamy & Cola帶咗嚟我屋企寄宿啦，一到步先嚟個complimentary massage先，你睇吓我兩個老友幾咁enjoy！Daddy幾時到我吖?                                                

而家做massage要排３個，真係有排等吖，Daddy變咗紅牌阿爸添～～～

初初嚟到都有掛住ee同uncle架，成日望住個門口，不過．．．．

唔使好耐已經適應咗啦，各自各攞玩具玩，玩得攰就揾個好位瞓，Creamy好鍾意我個飛機籠，入咗去都唔願出嚟，ｅｅ你喺日本買個返嚟俾Creamy啦！

Cola : 家姐，我諗媽媽唔會唔要我哋卦?

Creamy : 梗係唔會啦，我係ｅｅ度住咗好多次架啦，我哋嚟渡假架咋，住幾日就返屋企架啦！　

夜晚瞓瞓吓覺，媽咪出去偷影佢哋瞓覺個樣，點知搞醒晒佢哋，媽媽你唔好咁衰啦！　　　　　

噚晚雖然俾媽媽搞醒咗，但係我兩個朋友仔，今朝都早過我起身！

大家都好無聊，因為我哋都係等緊個爛瞓媽媽起身整早餐俾我哋食~~~~

喂，Creamy，平時你哋媽媽會唔會咁晏都唔起身架?

好嘢，終於都開餐啦！

九月，開學啦！

九月有咩好做，梗係返學啦！

當我哋嘅狗狗向日本出發趴地圓滿結束後，咁我哋寵物遊學課程就要開學啦，其實我未必可以解答到大家全部嘅問題，但我願意將我哋嘅經驗同大家一齊分享，大家聽咗我哋嘅經驗，可能就會諗到解決問題嘅方法，再唔係我哋有咁多人，一齊研究，一定會有解決方法架！

建議大家如果一齊去嘅，最好一齊嚟，因為大家都了解咗成個過程，咁以後嘅工作就可以分工合作啦！

暫時先安排一堂，睇吓大家進度再決定要唔要加多一堂。人數都定住８個先，因為怕太多人兼顧唔到就唔好啦！有興趣又願意付出二十大元嘅朋友就留言俾我啦，記得話我聽人數喎！

日期　：　２００８年９月７日

時間　：　１１：００－１３：００（２小時）

地點　：　馬鞍山嘉華星濤彎地下會議室

人數　：　８人

費用　：　HK$20.00 （包括租場同筆記費用）

 

 

 

毛毛＠東Touch

有一日，有一位姐姐同一位哥哥，帶咗好多嘢嚟我哋屋企，話要同我傾吓計同影吓相喎，Silvia姐姐同Daddy媽咪傾計，而攝影師哥哥就幫我影相相，哥哥好好心機，幫我影咗好多相，仲影到趴咗係地下，都唔怕我ｄ毛毛整污蹧佢件衫，真係夠晒專業啦，最後仲幫我做咗成個鐘頭Massage先走，佢走嗰陣我都唔知幾唔捨得阿攝影師哥哥同Silvia姐姐吖！

Silvia姐姐好好心機咁將我哋去日本旅行嘅經歷介紹俾東Touch嘅讀者，希望更多狗狗可以同爸媽一齊去旅行！多謝你呀Silvia姐姐同攝影師哥哥！