Italian Wine Dinner

我同毛爸都係好少飲酒嘅人，第一次參加Wine Dinner，但志不在酒，因為今次係應大廚嘅邀請嚟試菜嘅！

每人有６隻酒杯，而且隻隻杯都做咗marking，好認真架！

第一杯係一隻汽酒，好好飲，又易入口，啱晒我哋呢ｄ少飲酒嘅人！

其實幾隻酒都幾好飲，不過我就唔係好識分邊隻打邊隻，但都全部飲晒！

毛爸就全部留返嚟養魚～～～

巨牛配紅酒，兩樣都"正"！

甜品係我嘅至愛”Golden Tiramisu”

最後兩個好少飲酒嘅人都買咗支汽酒返屋企再慢慢嘆！

 

毛毛懶洋洋的夏天

我毛毛怕熱大家都知，所以夏天會比較少去街，咁平日我喺屋企有咩做呢？

最愛當然就係喺露台晒太陽～～～

自得其樂～～～　　　　　

不過又唔晒得耐，熱呀麻，通常十分鐘內就抓門要反入屋嘆冷氣！

百無聊賴嘅日子，最好就係瞓同食，咁究竟係食好定瞓好呢？

想瞓又想食，瞓咗又驚起身唔見咗舊骨，點好呢，支持唔住啦.......

都係食咗先，安全ｄ麻，唔該Daddy幫我揸住吖！

好味道呀～～～

嗒真ｄ有煙肉味喎，好似仲有芝士味添噃～～～

咁我唔客氣啦，骨骨我嚟啦！

準備篇 - 那須酒店 - Pen Tel Kan Imagine Dog

”Pen Tel Kan Imagine Dog”係一間我好期待，好期待想到訪嘅民宿，我相信呢間民宿喺日本應該好受歡迎，因為佢攞咗2009日本最服歡迎與狗同住酒店嘅第四名，而上個月中我book嘅時候，十月大部份嘅星期六日已經訂滿咗，好在我哋想訂嘅日子仲有房啫！

日本人做嘢永遠都係咁認真，早前店主已經打電話同我confirm咗訂房嘅細節，亦都講咗我聽一ｄ要注意嘅事情，我見佢好似擔心我哋唔習慣住民宿，又驚同我哋溝通得唔好會待慢我哋咁，我就話咗佢聽其實我哋都已經唔係第一次帶狗狗到日本玩，民宿都好習慣同鍾意住，請佢唔使擔心，大家都用同樣有限嘅英文講咗一大輪，好開心，亦好期待住見面嘅一日～～～

今日竟然收到一封由日本那須寄出嘅信，急不及待即拆，原來係店主寄嚟同我哋confirm嘅信，仲有好多關於同狗狗遊那須嘅資料，真係一項好窩心嘅服務，睇完真係想今晚就飛吖！

民宿介紹同折扣門券～～～　　　　　　

那順周邊地圖～～～　　　　　　　　　

那順可以帶狗狗同遊嘅地方，而且仲清楚講明狗狗可唔可以入店內，要唔要入袋，大狗可唔可以同行，資料真係好詳細！

準備篇 - 買裝備

近排真係有ｄ忙到透唔到氣嘅感覺，而新blog嗰邊又有問題，搞到最近真係好少好少出blog，而家會搬返嚟Yahoo Blog先，遲ｄ揾到更好嘅先算啦！

毛婆最近身體差，經常唔舒服，上個星期仲入埋醫院，而啱啱上個星期我老細又放大假，唔可以放假照顧毛婆，所以每日都係返朝早，拿拿臨覆晒ｄurgent嘢，下午就放假陪毛婆，而家毛婆已經出咗院，身體都好咗好多，而家我可以放下心頭大石，專心寫行程，訂酒店同搞手續啦！

毛婆同我講佢好想去北海道，所以今年九月我會帶毛婆去北海道睇紅葉，其實毛婆嘅身體係我好擔心嘅一個環節，希望毛婆身體會慢慢好轉，九月就可以完成心願，今次同毛婆去嘅行程會盡量少用腳行嘅，車要到門口，車程唔太長就要有休息站，plan今次行程真係有ｄ難度～～～

而家我手頭上有四個行程要plan，第一次覺得plan行程有壓力，因為基本上都係幾有難度嘅行程，不過唔會難到我嘅，呢ｄ都係我鍾意做嘅嘢！

好啦，講返毛毛先，毛毛好怕熱，夏天去唔到街街，歡媽就喺Three Dog訂咗件Ruff Wear Swamp Cooler俾毛毛試，希望毛毛可以多ｄ街去，星期六同歡家一齊出動去試衫，件衫真係好fit身，不過都係會整濕ｄ毛毛所以都係無買，但係就認識咗一個好好嘅狗狗用品牌子

Ruff Wear Swamp Cooler

嗰件唔啱，唔緊要，仲有好多款試，嚟緊同毛毛去嘅行程會好多戶外活動，所以揀咗件雨褸俾毛毛，又係好fit毛毛身呀！

頂帽就最好，點郁都唔會走位，又唔會遮住毛毛睇嘢～～～

毛毛著咗都無反感～～～

不過無新嘅要訂咗遲ｄ先有得攞.........

毛毛：吓要等呀？.....................好啦，我等你

毛毛廁所

毛毛喱個廁所係兩款廁所加埋而成（灰色一款，黃色一款）～～～

攞開面嗰個灰色嘅下面有一個格仔廁所，尿片放喺下面再加埋面嗰塊灰色廁所，小朋友就唔可以攞ｄ尿片出嚟玩，最重要唔勾腳甲，又唔會濕腳仔！

 

http://powda.en.ec21.com/

毛毛廁所係由Yogi T2 + Yogi toilet