毛毛扮靚靚@b-DOG

今朝帶咗毛毛去b-DOG沖涼同做SPA，接返佢時個樣靚到呢.........

日本姐姓真係好心機，每次都扮到毛毛好似小公主咁交返俾我，我呢個客仔真係點都走唔甩啦～～～                          

細mo mo 生日會

今日細毛mo mo生日，成班狗街坊去咗mo mo屋企同佢慶祝，６點半就到齊啦！

wow.....海鮮餐，見到都流晒口水啦，今日細mo mo生日，點解ｄ大人咁好餸嘅？　　　　　　　

上次喺粒珠度訂嗰個生日蛋糕，ｄ小朋友嘅反應實在太好啦，今日訂個大ｄ嘅，等佢哋可以大啖大啖咁食！

首先係切蛋糕時間，mo mo祝你生日快樂，身體健康，爸媽錫晒你，同快ｄ搬返嚟MOS啦！　　

咩叫廿四孝，睇呢幅相就知啦～～～

小朋友開餐先～～～

除咗食我哋仲開埋酒，不過支酒就要３個人合力先開到，真係要搭真ｄ啦！

樓上食完，ｄ電視精話要落樓下睇”義海”喎，咁又搬晒ｄ嘢落樓下再食過～

當然要安頓好ｄ小朋友ｄ電視精先可以安安樂樂咁坐定定睇電影啦！

人食嘅蛋糕，今日訂咗三個，有紅豆天使蛋糕，豆腐戚風蛋糕同栗子奶油蛋糕，唔好問我好唔好味啦，自己睇枱面啦，我哋得11個人架咋！

開場啦，你睇吓班moli睇得幾入神，成間屋靜就係呢一刻啦～

mo mo幾時都咁好笑容嘅，你真係一位名副其實嘅好醫生！

又俾多幅廿四孝相你哋睇先～

玩到11點就散場啦，ｄ小朋友個個都習慣早瞓架～～

其實今日我仲私人喺粒珠度訂咗個NY cheese cake，諗住同毛爸聽日做下午茶，點知今日一攞咗餅就已經食咗1/4，粒珠ｄ餅真係好鬼得，睇怕呢次又肥幾磅啦～　　　　　　　

 

2011 MOS狗狗街坊春季旅行 - 準備篇2

MOS狗狗街坊福利會攪嘅春季旅行又要開工作會議啦，今日係歡歡生日，首先祝歡歡生日快樂，身體健康，年年有旅行去，日日有雞雞食！

真係唔好意思，我間屋得兩張吧椅，所以要辛苦大家企喺度傾啦～～～

傾傾吓小朋友又嚟玩試衫，不過好似ｄ大人開心過小朋友喎！

我哋都有正經傾嘢嘅時候架，今日fix咗好多嘢～～

－制服落實咗款式，顏色同用料
－租車嘅款式
－出發日出機場嘅時間同車安排
－到達日本機場後接狗同攞車嘅分工安排
－酒店等等.......

介紹吓我哋ｄ小朋友團員先，金菇，佢係來自日本嘅柴犬～～

細mo mo，因為佢年紀細過毛豬豬，所以佢係細毛，我個女係大毛，你哋唔好攪錯呀！　　　　

歡歡，最近你哋應該成日喺我個blog度見到佢啦～～～

細mo真係成日都咁嗲架～～～

最後由毛主席宣佈散會，放飯啦！

今日我哋去咗大埔Luca食意大利菜，食物同環境都好好，最緊要係佢哋對我哋ｄ小朋友好好，呢ｄ餐廳真係要嚟多幾次啦～～～

今日我哋其實食咗好多嘢，不過到最後一刻清碟嘅時候先醒起未影相，所以大家淨係睇到我哋大戰後嘅場面，ｄ靚靚餸就無得睇啦～～～

不過甜品就有影喎～～

開心又滿足嘅一餐～～～

其實我哋之前仲有ｄ準備工作做咗架，而家補返先～～～

11月3日　－　行李試裝

11人5狗嘅行李真係唔講得笑，總共有12個喼，５個飛機籠，仲有背囊，所以我哋其中一架車會租貨van，但都幾擔心ｄ行李放唔落，所以歡爸特登問朋友借咗架車返嚟俾我哋試裝～～　　　　　　

原來放晒仲有大把位，咁大家都可以放心晒～～～

男士們再研究埋點樣去固定ｄ行李，OK，車無問題啦～～～