2016 曼谷提貨之旅 (Day 3 - 16 May 2016 Mon)

今日中午機走，早餐後仲要去買芒果糯米食，所以要早Ｄ食～

2016 曼谷提貨之旅 (Day 2 - 15 May 2016 Sun)

今朝約咗十點去人哋屋企攞貨，早餐要食飽Ｄ！
不過呢間酒店個早餐越來越差，下次要考慮住第二間～

2016 曼谷提貨之旅 (Day 1 - 14 May 2016 Sat)

話說差不多一年前搵咗泰國畫家幫我哋Ｄ小朋友畫肖像同整有佢哋個樣嘅產品，
本來個畫家話要排３個月就到我哋，咁我哋就好耐心咁等啦...
點知發現有Ｄ排得後過我哋嘅人都已經畫好，咁就問吓個畫家點啦，
佢話就到我哋喎！好，我忍你！！！
跟住佢問我畫幾多隻小朋友，我話19隻，佢問乜咁多隻，
我都費時同佢講，cap晒之前我同佢喺line傾嘅圖俾佢睇，
本來我係話20隻架，而家19隻少咗１隻啦！
之後佢就屎屎氣幫我哋畫，但中間不斷幫其他人畫，
我哋19隻，足足畫咗成半年先畫晒，中間Ｄ勞氣嘢唔講啦，
第一次同Ｄ咁無信用又賴皮嘅人交手，唔係有咁多朋友一齊畫，
我自己嘅話一定叫佢退訂，唔幫嚫佢！

本來我舊年個泰國trip就可以順便帶返嚟，而家無啦啦又要飛一次去攞！

出發前兩星期已經通知咗佢我咩時候到曼谷，
叫咗佢我到曼谷第二日要將貨品送到我住嘅酒店，
第三日中午我就會離開曼谷，佢都話好好好，得得得！

到出發前一日我通知佢我明天到，佢就話佢有朋友結婚，
我到曼谷嘅第一，二日佢都唔喺曼谷，只可能第三日一早送去我酒店，
真係頂佢吖，你朋友結婚兩日前先通知你架！我真係唔信囉，
叫佢揾人送又話無人送喎，話我可以去佢屋企攞，佢男朋友喺屋企喎，
難道佢男朋友係傷殘人仕，唔可以送貨嘅？一個女人可以送貨，男人就唔得？

以佢咁無賴，我真係唔會信佢，第三日一早佢唔到我咪屎得，
好！我去你屋企攞，睇你仲有咩花神攪！

就係咁懷住好大嘅寃氣出發去攞貨～

今次唔坐CX，坐斯里蘭卡航空，checkin得兩個counter咁大把～