201-12-16/17 南丫島兩天遊 - Day 2

噚晚影咗夜景，今朝補返幾張日景相，日夜都一樣靚呀！

早餐係包埋架！

早餐又選擇架，有中有西，都幾好味！

食飽早餐同毛毛行吓沙灘～

但個百厭妹唔知仲咩，係要去衝浪，拉都唔願走！

Ｃ都要衝...

最後都濕咗脚仔...=.="

濕咗都唔願走，激Ｃ人...

俾Daddy捉走個樣幾咁唔滿意！

毛毛：我未玩夠，唔走呀！

行完沙灘，返房幫隻傻妹洗乾淨腳仔，check埋out就向索罟灣出發啦！

毛毛有四個阿四照顧，行得幾咁輕鬆！

攝影師同搬運工人耐唔時會換吓位～

但領犬員就一直都無轉過～

中途有地方就會休息吓，嫲嫲爺爺年紀大，行晒全程都好叻架啦！

呢架係隨團行李車...

到山頂啦，跟住落斜就行得舒服Ｄ啦！

今日天氣好好，行得好舒服！

有無人知呢Ｄ係咩品種？

毛毛好叻，差唔多行晒全程，不過最後都係要扭抱，無手抱佢，架車又無位，坐車頂啦！

行咗一個鐘頭多Ｄ，望見終點啦！

毛毛：我今次好叻，差唔多行晒全程呀！

食埋海鮮就坐船返屋企啦！

毛毛落船就瞓到不醒人事～

兩日行程，輕鬆自在，嫲嫲爺爺都玩得好開心，等我得閒再搵吓有無Ｄ新地方玩先！

201-12-16/17 南丫島兩天遊 - Day 1

2011年尾，毛爸仲有半日假，唔好嘥，邀請埋爺爺嫲嫲一齊去南丫島玩兩天，星期五食完lunch就出發啦！

去到碼頭2:30架船啱啱開咗，咁我哋影吓相先囉～


毛毛好乖，陪爺爺嫲嫲等船，我就去咗對面IFC買咖啡飲...hehehe...

今日班船好少人，我哋坐晒成行位！

毛毛：我瞓陣先，上岸就叫我啦！

一落船Ｄ人發現毛毛唔係BB，係隻狗仔，個個都話要影佢喎！

同爺爺嫲嫲影返張合照先～

起步啦，我哋今日會由榕機灣行去洪聖爺灣，住一晚，然後再行去索罟灣～

行吓睇吓買吓，差唔多一個小時就到咗今晚我哋會入住位於洪聖爺灣嘅Concerfo Inn
http://www.concertoinn.com.hk/

只有Garden room可以帶埋狗狗一齊住，花園有張好大嘅梳化～

 

房間佈置好有地中海feel～


不過張床同間房嘅size都細咗Ｄ，夜晚瞓覺好驚跌落床 -_-"

放低晒Ｄ行李，去海灘行吓，啱啱日落時候，好靓～～

行一陣又坐吓，毛毛有嫲嫲陪玩幾開心！

毛毛：嫲嫲你今日行得好攰呀？hahaha....

坐喺度睇日落，好正呀！

呢張全家福我好鍾意呀！

見無救生員喺度，帶咗毛毛去個灘中間影相～

毛毛：都好大浪吓喎，會唔會整濕我架？

呢Ｄ天氣行吓沙灘好舒服，唔會一身汗！

毛毛都玩到伸晒脷！

毛毛最愛同嫲嫲影相～

７點鍾就開飯啦！

有Ｄ兩個人位，可以對住個海食燭光晚餐，好浪漫呀～

餐廳環境唔錯架！

Ｄ嘢味道OK啦，不是可惜我哋想食嘅都無，最後都係叫咗幾個炒粉麵飯食～

呢度佈置得好有聖誕氣氛，影相幾好架！