溫情爆笑喜劇《點解手牽狗》

噚晚去睇咗一套好溫馨嘅舞台劇《點解手牽狗》，作為狗主真係會睇到會心微笑，原來我哋平時成日做嘅嘢，放咗上舞台原來咁好笑，四位演員嘅演出都係無械可擊，精彩絕倫！內容我唔想寫太多，大家自己去欣賞啦！

噚晚係第一場，跟住仲有９場，快Ｄ去睇啦！

榮獲香港舞台劇獎 2010十大最受歡迎製作

李鎮洲及彭秀慧並獲 最佳男、女主角提名 
首演六場  瞬間爆滿

2011年6月23日起 香港藝術中心壽臣劇院 載譽重演！！

一條流浪狗　 公園裡獲救
找到歸宿後　 從此住洋樓
生活本無憂     點知愛過頭

夫妻現鴻溝     直頭掛風球

老公堅持要收留  老婆密謀踢佢走！

 

彭秀慧繼《29+1》七次方後，將再度監製美國劇作家A.R.Gurney著名溫馨喜劇作品Sylvia -《點解手牽狗》，此劇去年六月首演瞬間爆滿，笑聲不絕，今年決定人狗情未了，繼續笑住感動你！

故事關於中年男子亞球面臨中年危機，竟然在妻子亞芝激烈反對下收養了流浪狗 Sylvia。有了 Sylvia 的亞球在枯燥刻板的生活裡找到了樂趣，每天和 Sylvia 相伴，天文地理無所不談，但另一方面，與妻子的距離漸遠，二人的關係漸趨破裂……衝突中卻爆出連番笑話。

《點解手牽狗》由李鎮洲及盧智燊聯合導演，聯同三位獲獎無數，本地極具號召力的星級演員李鎮洲、劉雅麗及林澤群，破天荒攜手傾力演出；彭秀慧以人代狗，飾演小狗Sylvia，惹人憐愛！

2011年6月23日起 香港藝術中心壽臣劇院載譽重演 

大鄉理出城之山頂遊

話說毛家兩老，平時都鍾意賴喺屋企，好少出街，每次出街通常都係為咗食，只有呢個皇帝女先可以令我哋喺Ｄ咁熱辣辣嘅天時離開間冷氣房，遠征山頂，毛毛咁大個女第一次上山頂，晨早８點幾就出發，毛毛好似好開心咁喎！

多得蘇蘇好介紹，山頂廣場12點前有免費泊車，頭100位仲有兩張38蚊早餐券送！唔使錢泊車，又有免費早餐，真係抵到爛呀！

泊抵架車，同毛毛影吓Ｄ招牌相先！

等埋蘇蘇我哋就開餐呀！

兩個肥妹仔，坐埋一張櫈好似有Ｄ迫喎～～～

蘇蘇：個肥pat係邊個架？

最後都係一狗一張櫈算啦！

你睇佢兩個幾咁嘆！

食飽早餐，周圍行吓，影吓相～

蘇爸一抱住蘇蘇就會有Ｄ咁滿足嘅笑容架啦！

兩位靚女今日心情超好，合照當然無問題啦！

今日大滿足，行到11點幾就返屋企瞓晏覺啦！

寵物寶寶娛樂城 Pets Park

夏日淡淡，小朋友都係無咩好做，咁繼續去游水啦！

今日約咗蘇蘇同frank豬一齊去試下個５星級嘅狗狗游泳池～～

真係５星級架，個池喺豪宅鹿茵山莊嘅商場1樓，淨係個地點都夠晒豪啦！

蘇蘇今次係第一次游水，一去到蘇蘇竟然自己跳落水，嚇到我哋屎屎吓，個個諗住飛撲去救佢時，佢已經拍拍吓咁游返埋岸邊，真係俾蘇蘇嚇屎吓！

蘇蘇：我此諗住表演Ｄ跳水花式俾大家睇啫，嚇嚫大家真係唔好意思！

毛毛：蘇蘇你咁傻嘅，游水唔好玩，我就屎都唔落水架啦！

蘇蘇：毛毛嚟啦，好玩架！

蘇蘇：你唔落嚟，我上岸捉你架！

毛毛：都係呢度好玩Ｄ，游水有咩好玩啫！

毛毛：攪咗咁耐，媽咪都未捉到我落水，媽咪你老啦，手腳慢呀！

呢度有＂sir＂滑梯玩添架！　　

蘇蘇：呢個老豆好鬼煩架啫，影夠未?我要去游水呀！

原來毛毛同蘇蘇都好多嘢傾架!

(copy from 蘇蘇 blog)

frank豬做熱身，不過佢做咗好耐，擺明同毛毛一樣，唔想落水啦！

(copy from frank豬 blog)  　　　　　　　               

游完去食飯，返到屋企，人狗都攰到屎咗咁！

呢個池環境好好，池夠大亦唔太深水，大細狗都啱游，對大人嚟講，好正，夏天唔使曬又有冷氣，但對狗狗嚟講氣溫低咗Ｄ，如果佢哋唔游水，係岸上會凍，如果室溫可以高返兩三度會好Ｄ，大人可能熱少少，不過咁樣狗狗無咁易冷嚫麻！

有興趣去試嘅去呢度睇吓啦：http://www.petspark.hk/ 

 

2011 毛毛歡歡德國+日本之旅 - 準備篇(三) 狗狗機票

今次我哋嘅旅程揀咗坐德國漢莎航空同國泰航空，揀德航係因為佢對小狗坐客艙嘅體重限制係最寬鬆，連袋計只要唔超過8kg就OK，好多航空公司都係6kg架咋，毛毛同歡歡都係7kg到，所以德航係我哋必然嘅選擇！

本身去程毛毛佢哋係可以坐客艙架（因為德國政府俾），不過回程香港政府唔俾，咁我哋就由德國飛日本，德國同日本政府都係俾狗狗可以當手提行李咁帶上機，去到日本我哋就會用貨運方式咁運佢哋返嚟，咁就唔洗咁長時間一個毛小孩自己喺牲口艙啦！又可以順便玩埋日本，不過咁就會令Ｄ手續煩覆好多囉！

 

今次我哋好好彩，德航喺6月改行超額李收費，本來毛毛佢哋單程每kg要收EUR30，而家改咗計件數，一程唔使8舊水，好抵呀！仲平過去日本好多呀，CX真係食水太深啦！

 

Effective from 01Jun2011, there is also a change for animal charges.
 
For cat or dog within 8kg in the cabin will be charged USD100 from HKG to MUC, and EUR70 will be charged for your return flight from FRA to KIX.
 
All payment need to be done at the airport with local currency.

 

另外我想介紹吓德航嘅Frankfurt Animal Lounge，佢係而家世界最現代化的動物機場設施，所以想帶大狗去歐洲旅行嘅朋友都可以諗諗德國吖！

 

http://lufthansa-cargo.com/en_de/mainnav/products/livetd/webspecial-frankfurt-animal-lounge/