狗狗道南賞櫻之旅-點點滴滴

今次北海道之旅雖然由開始搞時已經好多阻滯,出發日期己改咗3次,機票改咗3次,酒店非常難book,出發前papa病咗,係北海道遇到雪崩封路,行程中落咗幾日雨,但係我哋全團人同狗都好積極面對,最終都係玩得非常開心!

今次我去日本都有一個目的架,就係要買飲衫啦!阿四姐姐六月就結婚啦,第一次有人請我去觀禮,梗係要執正d啦,所以mama幫我揀咗條吊帶裙,阿四姐姐我好有誠意,你記得寫帖嗰陣時要寫闔府統請呀!仲有多謝你嗰晚煮雞肉通粉俾我食,係架機度餓咗咁耐,如果唔係得你嗰兜咁好味嘅雞肉通粉實聽餓死都得啦!

狗狗道南賞櫻之旅-Day 8 (16-4-2008)

札幌→新千歲機場→香港

唔經唔覺就嚟到第八日啦!要收拾好行李同心情準備返香港啦!我地今日所乘坐的是國泰航線第CX581號班機，在下4點40分起飛，機程大約5小時10分鐘，會於香港時間晚上8點50分抵達香港國際機場。
由我地間酒店開車到機場大約一個小時，所以8點就要開車啦，而9點要到新千歲機場嘅Quarantine Office幫小朋友做健康檢查，寫健康証明及辦理出境手續，然後貨運公司日本運通的職員在Quarantine Office接我哋去佢巳哋嘅辦公室搞手續。

搞好手續後就帶兩隻小鬼去新千歲outlet同佢地食個早D嘅午餐，同埋係個Dog run度運動吓，又係拖到最後一分鐘先將小吉和小毛毛交俾日本運通，唔想佢哋係個籠度咁耐呀麻!

 

我同小吉都有証架,我哋辦晒旅遊証件入境架,唔係 i i 嚟架!

呢度係新千歲機場嘅Quarantine Office,裡面好鬼熱,熱到我同小吉都除晒衫!

我哋到咗日本運通啦!變個魔術你睇啦, ma li ma li home....

 

登..登..登..我同小吉入咗籠啦!

呢個係個超級大磅嚟架,我同小吉而家磅緊重,前面個大鐵箱就排緊隊等磅重!

嘩!70kg 俾醫生叔叔見到實激屎怇啫!其實我同小吉加埋籠都係得25kg咋,架手推車有成45kg重架,比起出發嗰日足足輕咗3kg呀!

搞掂晒d正經嘢,我同小吉就開飯啦!

跟住mama佢哋就送返我哋返日本運通啦!做埋D最後準備工作,我同小吉就要準備上機啦!         

mama好長氣架,次次上機前都鬼咁多嘢同我講架!

我哋一家三口嘅厚衫唔使用住啦!

我哋多唔多行李呀?

呢D係大人嗰日嘅午餐!

你睇吓唔使15分鐘就變成咁啦,你話我哋d豆咪係咪好有食力呀!

mama捕咗呢個位好耐都影唔到我同小吉上機嘅情形,我哋好似d明星咁有特別通道行架麻,咁易俾你影到架咩!嘻..嘻..

你睇吓我個傻mama幾心急搞文件,好在東舅父係度咋(唔係著黑色衫嗰位,係喺mama前面著綠色衫嗰個呀),如果唔係都無咁快呀!東舅父錫晒你!

我嘅戰利品!

狗狗道南賞櫻之旅圓滿結束啦!

狗狗道南賞櫻之旅-Day 7 (15-4-2008)

洞爺→札幌

今日早餐喺酒店食，食飽我地就出發去札幌市啦!車程大概要2個小時，去到札幌就梗係要去大通公園跑吓草草追吓雀仔先啦!跟住就係家長嘅午飯時間啦，今日係一間樓高9層嘅貓狗樂園度食午餐，跟住唔使講都知又係Shopping嘅時間啦!
今日係Shopping，Shopping ，再 Shopping ，晚餐就去咗食鐵板燒!

今日mama好神心,早餐前同我落去洞爺湖邊行吓!

港日小朋友交流!  

又有得交流啦!

小吉係日本都有fans架!

影完呢張相之後,兩個mama就發力啦!所以今日得咁少相咋!