2012-02-05 三位大小姐香港島一天遊

難得一個陽光普照嘅星期天，一眾大小姐們準備出遊香港島，上山頂食個早餐先啦，毛爸最愛嘅翠華而家已經連室外位都唔俾帶狗啦，喺山頂真係少見嘅舉動，唔俾帶狗，Ｄ嘢留返你自己食啦，我哋去第二間！

今日我哋去咗Delifrance，不過佢杯咖啡麻麻，早知齋叫包，咖啡過隔離買！


毛毛最近乖咗肯俾人摸啦！

遇到隻好可愛又好乖嘅啡色lab，佢叫turbo...仲走去錫CoCo添呀！


今日我哋行山頂＂晨運徑＂，2,800m，希望毛毛可以行得晒！

起步啦，我個女一狗當先！


CoCo 你做咩笑得咁蠱惑？

半場休息時間，CoCo要加返Ｄ油先！

呢條＂晨運徑＂又好行，風景又靚，住山頂Ｄ人真幸福！


CoCo唔夠高影後面Ｄ景，唔怕，阿媽幫手！

三個大小姐合照～～


景完相要繼續啦，如果唔係趕唔切下一場啦！

行完山，中午去咗灣仔寵物節～

毛毛：唔好企晒喺度啦，去shopping啦！

行邊邊好呢？三位小姐一致決定，嗰邊呀！


寵物節我年年都有嚟，不過毛爸今年就係第一次陪毛毛嚟，之前放咗毛毛好多次飛機呀！

下午茶就走咗去赤柱，因為大家都唔食lunch，餓得濟，食完先記起未影相

由朝玩到晚，好攰呀，十點就上床瞓啦！