帶咗毛毛去日本兩次,今次要同屋企d大細路去啦,本來我哋報咗9月28号嘅北海道團,點知間屎人縱橫遊出發前一個星期先話我哋聽唔成團,搞到我哋都唔知點好,唔去就怕d大細路會失望,所以都決定改去大阪自由行,睇吓有無機會睇到紅葉啦,今次都算好彩,有個老友幫我揾到四張去大阪嘅特價機票(仲要係早機去,夜機返嗰隻),如果唔係都去唔成!真係十萬個唔該呀!
Book 車,Book酒店,計劃行程5日內做好晒,今次又嚟挑戰我嘅極限,今次酒店最難Book,因為太遲啦,好多位置方便嘅酒店都俾人訂晒,好在今次我哋都諗住揸車,所以住遠少少都ok,我哋一行四人,今日出發啦!