2010年9月25日 星期六

Cool 屋遊

今次Cool 屋遊已經約咗幾個月啦,今日終於天朗氣清可以帶埋d小朋友去探吓Cool Cool間新屋啦!   


Cool屋景觀好開揚呀,喺度燒嘢食一定好嘆,涼d先啦,Cool,我哋涼d再嚟攪你!     



呢個小朋友叫發仔,阿cool話佢好識做戲架~~~


佢喺嘟女,好痴媽媽架,阿cool一入咗廚房,佢就喺門口等啦!


靚女珠珠(珠珠嗰日心情唔好,我哋影唔到佢笑嘅相,呢張相係from Alice blog)


好成功瘦身嘅粒粒(photo from Alice blog)


中段小食時間,有兩隻為食狗!


哈哈.........唔係兩隻,係3隻先啱呀!


發仔同毛毛嘅身型好似呀!


玩到攰晒嘅毛毛~~~


今日我哋無燒嘢食,仲係熱咗d,下次啦!


咁我哋就去咗附近嘅鄉村小廚食飯,叫咗好多餸,不過淨係記得影第一碟炒聖子,中間大家都係掛住食食食.....


再記起要影相時已經係生果時間啦!呢度好好service架,呢個係我喺北海道帶返嚟嘅蜜瓜,佢哋哋幫我哋去皮去子再切件,真係要俾個讚佢呀!


 


2010年9月18日 星期六

2010北海道家族之旅 (Day 8)

Tomamu→占冠村→夕張 →札幌新千歲機場→香港


就係因為呢張相我就嚟咗Tomamu啦,第一眼睇到以為係瀑布,睇真d原來係雲海,真係唔敢相信嗰d係雲,真係好似前兩年我去阿根廷睇嗰個尹瓜蘇瀑布,而且個看台今年只係開會3個幾月(19/6-11/10),啱啱好夾到我地去日本嘅時間,咁就go go go啦!


唔係日日都可以睇到雲海,要好天與唔好天之間,落雨就一定無得睇,太好天又無雲,所以睇唔睇到真係好講運氣,噚日落雨所以係睇唔到架~~~


 


今朝一早起身開電視睇,酒店話”雲海發生中”喎,咁就拿拿臨洗面出發啦,早餐都無食呀,因為纜車開5:30,遲咗去就有排先上到車架啦!


朝早5點幾喺房望出去,好大霧,幾乎連對面兩座數都睇唔到~~~


到我哋梳洗完出門口已經睇得清楚d啦~~~


Go go go 去雲海露天平台睇雲海啦~~~


嘩!周圍都好大霧.....唔知山上咩情況呢??





就嚟到我哋上車啦,好興奮呀!



要上山頂,首先要穿過一層厚厚嘅雲先!



過咗d雲,發現好好天呀!


仲睇到日出添呀!   



望返轉頭重見到我哋全間酒店(最左手邊嗰幢呀)~~~



今日太好天,d雲唔夠多,所以睇唔到張相咁嘅效果,有d失望架,不過就好過噚日咩都睇唔到囉,睇唔睇到真係要講緣份呀.........


見唔見我喺度呀!


到我哋走時仲少雲,真係散得7788啦!


坐纜車嗰張飛其實係一張post card,你寫好咗,唔洗貼郵票,放落呢個郵筒度就可以寄返屋企架啦,我呢張係寄俾毛毛架!


7點幾就返落山啦,又要穿過舊雲~~~


落到山,好好天呀!


仲見到有鹿仔喺度搵食~~~



散場lu,返酒店食埋早餐就向夕張出發啦~~~


返到酒店,d雲霧散咗好多,對面兩座酒店都睇得好清楚啦!


Tomamu Alpha Resort→夕張(Tel 0123-52-2211)***(112.8KM 3時27分 IC-27.2KM) 一般道路  95.6KM  3時20分


離開Tomamu,經過占冠,再去夕張,山長水遠去夕張係因為毛爸超愛夕張蜜瓜,不過今次好失望呀,經過幾間賣蜜瓜店舖都無得賣,仲貼埋張通告話無夕張蜜瓜賣啦,真係激C人!     


淨係得返d富良野蜜瓜,仲貴過我哋噚日買d好多呀,梗係啦喺夕張買富良野蜜瓜,唔貴就假啦,好彩噚日買咗盒咋!


最後都係夕張買咗盒富良野蜜瓜,講出嚟真係會俾人笑囉~~~


夕張→新千歲機場 (Tel : 0123-23-0100)***(60.7KM 1時34分 IC-30.2KM) 一般道路  56.7KM 1時34分


買完要起程去機場啦,當我哋就嚟到機場嘅時候,唔覺意經過一個賣新鮮蔬果嘅市場,有好多又平又靚嘅生果賣,我哋梗係唔放過,又去掃貨啦!


呢隻桃同我個女一樣名喎***黃毛毛***


最後買咗一盒日本水蜜桃,真係靚到呢.....



入埋油就要去還車啦,毛毛我哋返嚟啦!



CX 581 SAPPORO CHITOSE - HK (18:40-20:50)
 


今次班機飛得好快,早咗成個頭到,仲有毛舅父嚟接我哋機,所以今晚就可以接返毛毛啦,唔見咗7日,個傻妹仔有無肥到呢?


但係毛毛最關心唔係爸爸媽媽,而係佢d手信喎,呢個肥妹吖.......


毛毛:媽咪點解有貓貓食嘅雞雞嘅?我係狗狗嚟架!


其實d雞雞係買俾歡歡同毛毛下個月去日本旅行時食架,歡歡同毛毛每日都要食一條蒸雞架,香港揾買唔到包裝好made in Japan嘅蒸雞雞,全部都係made in China,祖國嘅出品,我係絕對唔會俾毛毛食,俾人食嘅嘢,佢哋都可以加咁多嘢落去,俾狗食嘅更難想像......所以今次好辛苦揾到made in Japan嘅蒸雞,就算係俾貓貓食都照買囉~~~                   


毛毛最大興趣唔係零食,佢係最鍾意新玩具呀!你哋睇吓佢又有目標啦...


毛毛有樣嘢都幾乖架,所有嘢如果唔係我哋俾佢,擺係度佢係唔會自己攞,最多都係睇吓同聞吓架咋~~~