2012 日本野沢滑雪之旅 (Day 6 - 26 Dec 2012)

第六天 : 野沢溫泉→名古屋機場→香港

今日要離開啦，好唔捨得呀，希望快Ｄ可以再嚟啦！再嚟我一定住返呢間酒店，佢哋真係好好呀，知我哋趕時間去機場，今朝餐廳特登開早半個鐘俾我哋食早餐，等我哋唔洗咁趕喎，實在太感動啦


廚師嘅心意我領會到，所以我全部食晒，一粒都無剩！

望多次個雪景，希望明年再見啦！

8點就出車啦，因為大風雪，都係早Ｄ出發...

酒店→NAGOYA JP (CHUBU CENTRAIR) (Tel : 0569-38-1123) 
356.4KM  4時24分 8,000円 IC-333.6KM

野沢呢個地方好奇怪，喺野沢好厚雪...

不過揸遠少少已經開始無乜雪

再遠ｄ，都不過係30km嘅距離到已經變成兩個世界咁

午餐又係休閒站食～

見到有Ｄ木碗，好靚，不過好貴，要幾百蚊隻，影咗當買咗啦！

咁多休息站唔停，點解停呢個呢？因為有佢囉...

食飽繼續趕路啦，經過＂小牧東－犬山＂，我d養小牧嘅狗友係咪應該要嚟呢度走一轉呢...

今個trip只係揸咗兩日車，已經行咗764km，辛苦晒毛爸

一點半已經還完車，咁就行吓機場啦，原來名古屋機場有好多好嘢食，下次要留肚啦！

好開心嘅一個滑雪假期，希望好快可以再嚟！

CX539 NAGOYA - HK (1610-1940)

2012 日本野沢滑雪之旅 (Day 5 - 25 Dec 2012)

第五天 : 野沢溫泉滑雪場

豐富嘅早餐係一天好嘅開始，食飽飽先有力玩架麻～

嚟咗咁多日都唔記得介紹吓我哋住嘅酒店添，一間傳統日式溫泉酒店，有賣土產嘅小商店～


Lobby 個影非常正～


服務台


大門


介紹完我哋就準備出發啦！


酒店一行出嚟就係溫泉街，我好愛呢Ｄ小鎮feel～


野沢呢度有好多免費溫泉，可以唔洗錢浸，不過我哋酒店個咁正，唔洗出嚟同人迫啦！


免費腳湯～


噚晚我哋就係嚟咗呢度食晚餐，今晚都係呢度食，希望好食Ｄ啦！


向山上出發啦！




今日好好天呀！


真係好在有呢條電梯，唔係真係Ｃ得！




感謝給我們一個晴天，今日要好好練習呀！




個雪山景真係靚到呢。。。


準備好，出發啦！




今日好順利，可以滑到好多轉，lunch又去咗教練介紹間餐廳食拉麵，因為佢真係好好味

日本唔可以唔食雪糕同甜品架...


有個人玩到晏晝無晒力都唔肯走，仲要玩多轉先喎，我無佢咁好氣，叫佢自己去，我喺山腳等佢！


玩到幾乎天黑先肯走，滑咗三日，今日最滿足，可惜聽日就走啦，唔係真係想滑多日呀！





都係一樣，浸個溫泉去食晚餐，今晚食sabu sabu～





返到酒店又有禮物拆，我呢幾日拆咗咁多盒呀！