毛毛：今日風大雨大，Daddy媽咪話帶我去游水喎，唔係化，想凍ｃ狗咩？
毛毛：姨.....呢度唔係沙灘喎！
其實今次係同毛毛去Dogaroo試佢個游水堂，哥哥洗完救生衣就輪到毛毛上堂啦！
毛毛：哥哥好似大咗ｄ喎，我著開加細碼架！
有兩個父母好緊張喎～
好啦，準備落水啦！
毛毛：媽咪你唔嚟嘅？你賣我豬仔呀？
毛毛開頭都有ｄ緊張，游吓游吓就好ｄ啦！
游咗一陣有第２隻狗仔嚟一齊游，毛毛就開始搞事啦.....
毛毛搞事連環睇：
毛毛：無呀，我無搞事呀！
著住救生衣warm up完，就開始除咗佢自己游啦～
都一樣得，仲游得好快添！
半場休息！
哥哥好好心機教毛毛游水，今次毛毛ｄ泳姿改進唔少～
到下半場，毛毛已經輕鬆咗好多～～～
游咗差唔多50分鐘毛毛攰到軟晒～
今日要落堂啦，毛毛你鍾意嘅下次再帶你嚟玩啦！
呢度最好就係游完水有人幫毛毛沖身同吹毛，唔使自己返去做餐ｃ吖麻！
毛毛唔鍾意吹毛，又見唔到Daddy媽咪，個樣幾唔高興！
唔覺意俾個傻妹見到我偷影佢，佢就笑晒咁.....
沖完涼就可以返屋企啦，今日帶毛毛嚟上游水堂，好似ｄ父母帶小朋友去上ｄ興趣班咁，好奇怪嘅感覺呀！
每年買禮物俾毛毛都好頭痛，今年好ｄ，因為有目標！
不過呢款嘢香港好似得一兩間寵物店有得賣，仲好似喺對面海嗰邊，咁諗住send email問佢哋有無先過去買啦，點鬼知佢唔覆，巴鬼閉，我最多咪喺美國訂佢返嚟，唔係一定要求你嘅！
毛毛：咩嚟架，咁大盒嘅？
毛毛：我份生日禮物？做乜淨係得ｄ膠紙架！媽咪，你咁無誠意架！
毛毛：姨....唔係噃，有ｄ嘢喎！
遠遠喺美國訂返嘅飯兜set同玩具～
裝好咗個樣好靚架！
不過我度個架嘅高度時，唔記得計埋隻碗邊，所以毛毛用就高咗ｄ，不過唔怕有毛爸喺度，叫佢拎咗返工場改，改返矮一吋咪得囉！
改完就真係fit晒～希望毛毛以後餐餐都食得舒舒服服！
其實毛毛BB時已經用開呢個牌子嘅碗碗，好好用，佢舊嗰隻用咗７年半，咁耐先換隻新嘅都唔過份啫！舊嗰隻會留返去旅行用!
2011年4月9日係毛毛嘅8歲生日，今日幫毛毛約咗佢ｄ朋友仔一齊食飯慶祝生日，未食飯前，去城門河行吓先～～～
今日天氣比較熱，行咗一陣小朋友就要補充水份啦，frank豬隻私家杯幾靚！
睇吓frank豬同毛毛條脷仔就知佢哋有幾熱啦！
人哋影相，等我做吓磁石人先！
雖然未齊狗，都影住小合照先啦！
最後都搞唔掂，都係同主人一齊影～
回程時撞返粒珠～
今次影咗好多小朋友相！（有ｄ喺係ｄ朋友度偷嘅
）
豆豆
粒粒&珠珠～～
毛毛&frank frank 豬
粒粒
豆豆同珠珠講咩呢？
Cola
毛毛好姊妹Creamy
無奈嘅粒粒～～～
6:30朋友仔就到齊準備開飯啦～～～
毛毛&蕃茄
毛家&Co 家
你睇毛毛個樣就知個蛋糕有幾好食啦！
夜間呢度其實幾靚架！
等食中又影吓ｄ小朋友先～～～
小吉
CoCo
歡歡
蘇蘇
菇菇
小吉等到瞓咗～～
毛毛有Joey姐妹送俾佢最鍾意嘅龜龜做生日禮物！
