毛毛:今日風大雨大,Daddy媽咪話帶我去游水喎,唔係化,想凍c狗咩?
毛毛:姨.....呢度唔係沙灘喎!
其實今次係同毛毛去Dogaroo試佢個游水堂,哥哥洗完救生衣就輪到毛毛上堂啦!
毛毛:哥哥好似大咗d喎,我著開加細碼架!
有兩個父母好緊張喎~
好啦,準備落水啦!
毛毛:媽咪你唔嚟嘅?你賣我豬仔呀?
毛毛開頭都有d緊張,游吓游吓就好d啦!
游咗一陣有第2隻狗仔嚟一齊游,毛毛就開始搞事啦.....
毛毛搞事連環睇:
毛毛:無呀,我無搞事呀!
著住救生衣warm up完,就開始除咗佢自己游啦~
都一樣得,仲游得好快添!
半場休息!
哥哥好好心機教毛毛游水,今次毛毛d泳姿改進唔少~
到下半場,毛毛已經輕鬆咗好多~~~
游咗差唔多50分鐘毛毛攰到軟晒~
今日要落堂啦,毛毛你鍾意嘅下次再帶你嚟玩啦!
呢度最好就係游完水有人幫毛毛沖身同吹毛,唔使自己返去做餐c吖麻!
毛毛唔鍾意吹毛,又見唔到Daddy媽咪,個樣幾唔高興!
唔覺意俾個傻妹見到我偷影佢,佢就笑晒咁.....
沖完涼就可以返屋企啦,今日帶毛毛嚟上游水堂,好似d父母帶小朋友去上d興趣班咁,好奇怪嘅感覺呀!