南美之旅第28天 (20-1-2009 星期二)
復活節島(Easter Island) - Day 3
今日我哋參加嘅local tour因為唔夠人，所以搞唔成，咁我哋今日就變成自由行啦！一早起身見到兩條彩虹，一定係好嘅預兆啦，第一次見到雙彩虹，真係好得意喎！ 
我哋由海邊開始行，離開咗酒店大概行咗20分鐘就到咗今日第一個要睇moai啦！
影影吓相見到條大骨，唔知呢條係咩魚呢？
Ahu Vai Uri 
Ahu Ko Te Riku呢個係全島唯一一個有眼睛嘅moai，但係佢對眼俾人偷咗好多次，呢對眼都係之後加上去嘅！ 
呢個島好奇怪,馬係多過人架!影影吓相，成群馬衝過嚟，嚇到我哋唔敢郁，好在佢哋都係同我哋擦身而過啫，都無踩我哋！
好難得見到有人行過，全日唯一嘅雙人相！
從來都未見過咁靚嘅墓場，企喺度真係一ｄ心寒嘅感覺都無，原來墓場可以咁靚咁浪漫！ 
成個島唯一嘅油站
消防局都係得一間，但係佢哋嘅消防車上面竟然有中文字喎！
島上唯一嘅超級市場，不過入面ｄ嘢係爛到你唔會買嘅，ｄ生果同菜仲爛過街市收檔掉出嚟嗰ｄ！ 
行咗大半日，２點幾先食午餐，因為行到好攰，就喺酒店隔離間餐廳食ｄ嘢啦，味道麻麻，並實都係貪佢近同有wifi上網啫！
食飽飯休息咗一陣就再出去行吓，諗住買ｄ手信啦，點知咩都買唔到，淨係買咗個大西瓜，島上嘅物價好貴，但呢個西瓜就好平喎，廿幾蚊港銀咋！廿幾蚊港銀喺島上只可以買到兩罐可樂！
全島有大概有十個警察，今日好彩可以見到2個！
教堂好靚！ 
呢個就係shopping mall啦，入面有好多手工藝品手信賣，不過好貴！
行完街，好熱呀，返酒店就Daddy一齊食咗半個西瓜，食完西瓜Daddy仲多咗頂好靚嘅單車帽添！哈哈．．．
曬咗兩日，隻手變咗3色雪糕咁，好痛呀！
下午食得太飽，晚餐就食咗少少零食就瞓啦！期待住明天最後一日行程呀！
Hotel : Tauraa Hotel
Address : Hanga Roa - Easter Island - Chile
Telephone : 56-32-2100463
Fax : 56-32-2551310
Price/night : $86,625 pesos chilenos = HK$1,070.00
URL : www.tauraahotel.cl
e-mail : tauraa@entelchile.net
你只係同毛爸兩個人去睇Moai咋? 無其他人喇!
回覆刪除你講果個 墓場真係好靚, 有一種好舒服既感覺.
[版主回覆05/23/2009 00:54:00]今日唔成團，所以咪無其他人囉，金融海嘯搞到旺季都無乜人去玩！
唔知點解人哋個 墓場可以搞到咁靚，我哋中國人真係要學吓，唔好搞到ｄ後人唔敢去吖麻！
矛得去旅行, 睇下你地啲旅行相都好過矛
回覆刪除[版主回覆05/23/2009 00:56:00]頂住引先啦，計劃吓帶堆豆豆一齊去啦！
回覆刪除真係好靚,如果係香港,幅地一定好貴!
[版主回覆05/23/2009 18:10:00]背山面海，風水地，香港一定用嚟 起ｄ一百幾十層嘅樓，唔會咁晒嘅！
毛媽, 你去完番黎有無肥到呀 ?有無習慣左訓午睡呀 ?毛毛爸都幾攪笑
回覆刪除[版主回覆05/23/2009 18:17:00]邊有得肥呀，朝１０晚８咁行，一日食兩餐！
喺復活節島無午睡呀，行足３日都未睇晒ｄ嘢，好攰呀嗰幾日！
個西瓜皮超涼爽，益佢啦！
呢道真係好靚好由閒，靚得嚟仲係好天然，馬匹可以隨意走來走去，簡直係人間天堂～
回覆刪除[版主回覆05/26/2009 23:33:00]復活節島所有嘢都好隨意，好天然，好鍾意佢嘅天然原始美，有機會大家真係要去一次，所有嘢都係超乎你想像架！