南美之旅第18天 (10-1-2009 星期六)
Buenos Aires-Valparaiso Cruise on Celerity Infinity (Day 7) - At Sea
晨早打開個窗簾，嘩！好鬼大霧，好似鐵達尼咁，一路行，一路嚮安，好在附近應該無冰山啫！晏ｄ出咗太陽就清返好多啦！
嚟到第７日，早餐已經唔知食咩好，所以你哋會見到下面幅相咁奇怪嘅配搭啦！
有時我都覺得我哋幾鬼懶，瞓醒就食，食飽又返房瞓過，其實船度有好多活動搞咗俾我哋玩，無辦法懶蟲上身，今日又係食共瞓，唯一好少少嘅就係今日有去玩gym！
gym完咪又食囉！哈哈．．．
呢幾日愛上咗雪糕，日日要去整2球，肥死佢啦！
今晚係Formal dressing所以5點幾就準備換衫化妝去食飯啦！
呢個係我好鐘意嘅頭夾，用過好多次，而家都仲好鐘意！
今晚毛爸話唔打呔，扮吓形喎！哈哈．．．
我哋食飯張枱好正架，喺正個大廳中間，前後都無人坐，日日都係對住呢個無敵大海景食飯架！
←Daddy的選擇→ ←我的選擇→
今晚嘅show係Let's Rock之夜，舞勁，歌好聽，正！
吓！早餐食飯，唔係啩！
回覆刪除[版主回覆02/24/2009 22:10:00]係呀，我自製嘅菜遠牛肉飯，扮日本人吖麻！
毛爸著黑色西裝好似 007咁英~
回覆刪除[版主回覆02/24/2009 22:20:00]扮嗰隻吖麻！
回覆刪除好似碟頭飯!
[版主回覆02/24/2009 22:25:00]而家郵輪ｄ質素已經同以前差好遠啦，有碟頭飯食都唔錯啦！
回覆刪除~~~ 靚 女 ~~~~
[版主回覆02/25/2009 18:54:00]你真識貨，幾時飲茶啫！
毛爸好型仔, 毛媽都好索呀!!!!!!
回覆刪除兩位真係好襯呀!!!!!!!
****我想問一問, 我地上次係Teddy's Cafe gathering果時, 你係咪整咗個三文魚狗狗小食架?
我想要食譜呀!
Thanks
[版主回覆02/25/2009 22:41:00]你咁鬼識講嘢嘅，氹到人哋呢．．． 一齊飲茶啦！
一時間搵唔到呀，唔記得係邊本狗書影出嚟架，手寫住俾你先啦～～～
材料：新鮮三文魚，蛋白，上海雲吞皮．
1. 新鮮三文魚切細件，然後攪碎．
2. 雲吞皮面楂上蛋白，然後放上一層厚厚地攪碎咗嘅三文魚，再喺三文魚上加上一片楂上蛋白嘅雲吞皮，有蛋白嗰面向三文魚．
3. 切條，然後放落焗爐，180度，焗大概10分鐘，留意望住佢，因為都易濃架！
另外三文魚唔好買咁肥，因為焗時太肥會出油，焗出嚟唔靚又”痴”底！
只有咁簡單嘅嘢我先識整架咋！
有ｄ飄飄然，我竟然可以同你交流整嘢食心得添！
.....要等我儲錢買番件晚礼服先 ~~~~ 輸人都唔好輸陣呀
回覆刪除[版主回覆02/25/2009 22:48:00]嘩！你人同陣都唔輸啦，淨係唔夠我肥膏多啫！