南美之旅第15天 (7-1-2009 星期三)
Buenos Aires-Valparaiso Cruise on Celerity Infinity (Day 4) - Puerto Madryn, Argentina
今日我哋可以上岸玩，呢站就喺Puerto Madryn啦！當然要喺船度食咗早餐先上岸啦！
今日我哋特登等晏ｄ先上岸玩，又無諗住有ｄ咩特別地方想去，費事排隊啦，９點幾隻船已經無晒人咁濟啦！
呢度好奇怪架，沙灘上面好多爛船無人理，而且個沙灘仲會生青苔架喎，真係第一次見呀！
呢個小港口，無咩行，好多人會喺度跟local tour去睇鯨魚同企鵝，我哋無去，所以一陣間就行晒啦！
當我哋行過一個公園時，聽到ｄ好好聽嘅音樂，即時俾佢吸引咗入去啦，原來有一位應該係紅番嘅樂手喺度表演，佢用ｄ竹同吹ｄ音出嚟，好原始又好特別，圍滿晒人，原來仲有CD賣，US$5一隻，即買啦，真係好好聽架！
小朋友瞓得幾開心同安心！
呢間嘢兩杯咖啡收我哋HK$50，俾ｄ淡過水嘅咖啡俾我哋，好在有wifi上網咋，如果唔係，呢兩杯嘢就真係貴囉！
呢位哥哥架車好特別喎，呢ｄ車都楂得出街嘅咩！
呢度ｄ個海灘又長又平真係好鬼靚！
呢棵樹又係好鬼正，打平咗都生到喎！
行咗差唔多３個鍾我哋就返上船食午餐啦!
午餐唔係食咗好多嘢，跟住梗係午睡時間啦，瞓醒就去食晚餐，真係豬一樣嘅生活呀！
今日我同Daddy嘅口味好似，沙律同主菜都一樣，因為大家都仲驚緊牛囉！
Daddy的前菜，沙律，主菜及甜品！Daddy話件朱古力蛋糕好好味喎！Daddy平時唔食甜品，今次話好食都應該幾好，不過我唔食朱古力蛋糕嘅，所以領略唔到啦！
我的前菜，湯同甜品！
跟住嘅節目就梗係睇show啦，今晚係我好鍾意嘅根肉人表演！完全係力嘅表現，力再加舞蹈，原來可以好好睇架！
回覆刪除情人節快樂!
祝你和你honey永遠都甜甜蜜蜜
[版主回覆02/16/2009 22:39:00]多謝晒，你都係呀，成日都好似你整ｄ甜品咁，甜甜蜜蜜！
你鍾意睇根肉人.......我真係要重新估計你嘅品味
回覆刪除咁你駛唔駛我搭我大姑奶 (TVB staff)幫你撲張2009港男show入場卷呀 ?
[版主回覆02/16/2009 22:49:00]我ｄ品味一向都好特別架啦，見我揀阿毛毛就知啦！
無計啦，隔離嗰個ｄ咁多肉都無，唯有睇吓人哋嗰ｄ囉～
有又唔好晒喎，你去唔去呀？
筋肉人表演, 係唔係好似索拉奇藝坊嗰d呢, 係既話就真係好好睇!
回覆刪除[版主回覆02/16/2009 22:57:00]類似啦，不過無咁勁同咁大型囉！我未喺現場睇過索拉奇藝坊表演呀，都幾想去睇返次！
藍天白雲, 個沙灘好靚呀.
回覆刪除d相影得好有postcard feel.
[版主回覆02/16/2009 23:04:00]藍天白雲，個沙灘好靚，仲好曬添！ 嗰ｄ係出自毛爸架大機，嗰ｄ鬆郁蒙嘅相就係我影架啦！