今日我小毛毛好忙呀，Daddy同媽咪話佢哋今日想我陪佢哋喎，見佢哋呢排都好乖，好啦，陪你哋去西貢飲茶好唔好？
我哋今朝８點去接埋爺爺同嫲嫲就向西貢出發，梗係去醫咗肚先啦！
D大人飲茶飲好耐架，等到我頸都長埋呀！媽咪幾時先可以落地玩呀？
好啦，終於輪到我玩啦，媽咪梗係唔會放過同我影相嘅機會啦！
可能因為早啦，周圍都無人，好舒服呀！
媽咪，可唔可以落去游水水呀？
食飽，玩飽就要陪媽咪去做ｄ正經嘢啦，坐車我最鍾意坐車頭，最好就開埋窗，等我可以吹吹風麻！
媽咪話今日要去辦年貨喎，好啦，我陪你啦！
媽咪，我要食奇異果！
你睇吓，人山人海咁，ｄ嘢係咪唔使錢呀？排隊俾錢都等到我瞓著覺吖！
跟住仲要去銀行，媽咪你唔係呀，銀行都要我陪你去？
又係要等，等到我瞓著啦！
夜晚仲去埋婆婆度食飯，一返到屋企已經攰到唔郁得啦，我要瞓啦，你哋唔好再搞我！
毛毛咁早想游冬泳,小心冷親.
回覆刪除[版主回覆12/24/2008 01:07:00]媽咪唔俾呀，想都無得游啦！
毛毛, 你呢一日好充實喎
回覆刪除[版主回覆12/24/2008 01:08:00]係囉，媽咪好鬼煩架，去邊度都要狗地陪！
回覆刪除毛毛....真係比你笑死我呀, 你好似好無奈咁喎~~!!!
[版主回覆12/24/2008 01:10:00]梗係無奈啦，去度度都排長龍，等完又再等，都係瞓一陣好！
Tang & Leung : 毛毛可以跟媽媽周圍去, 真幸福呀
回覆刪除[版主回覆12/24/2008 01:11:00]Tang & Leung都係啦，媽媽成日都同你哋去街玩！
毛毛媽媽要你陪佢去銀行做保鑣呀﹗
回覆刪除[版主回覆12/24/2008 01:13:00]去開兒童儲蓄戶口呀，等我ｄ利是錢唔使成日落咗媽媽袋啦！
哇, 咁快辦年貨?
回覆刪除[版主回覆12/24/2008 01:15:00]係呀，我今日出發，年２９先返呀！所以要辦定年貨囉！
近排天氣涷咗呀，毛毛游水好易冷親架～
回覆刪除[版主回覆12/24/2008 01:16:00]係囉，有得睇無得游呀！
祝毛家~聖新年快樂，身體健康！
回覆刪除仲有祝毛爸 &毛媽~旅途愉快，一路順風，滿載而歸！
[版主回覆12/24/2008 01:20:00]多謝小吉，我都祝你地聖誕快樂，預祝新年進步（又其是你媽咪隻腳腳）！
我哋會時不時update吓個blog架啦，我都好想滿載而歸呀，不過唔知毛爸俾唔俾呢?
你地明天就出發喇!
回覆刪除一路順風! 玩得開心d呀! 有時間要update吓個blog,
我地會好掛住你架!~
Alice
[版主回覆12/24/2008 01:23:00]多謝晒呀，我哋會時不時update吓個blog架啦，有人掛特別開心架啫！