Fussen (富森) → Rothenburg(羅騰堡) ***254km (2hr29min - 240km motoways)
今日早餐菇菇通粉加糖心蛋,好好味,咁大煲通粉,食到一粒都無得剩!
呢間apartment位置其實幾好架,又喺湖邊,不過呢兩日都天氣唔好,無帶兩個小朋友落去湖邊玩咋!
今朝起身覺得天氣凍咗,出露台望吓,個山全部白晒,問D人先知,原來噚晚落過雪嚟架,我哋呢班豬精瞓到咩都唔知呀!
呢座就係餐廳同reception
地下停車場出入口
離開富森去Rothenburg(羅騰堡)嘅路上會經過愛因斯坦嘅出生地Ulm
毛毛上車就瞓,學精咗啦,識得爭取時間休息!
德國嘅GPS好好用,又準又快,比日本嘅更好用~
德國公路無限時速真係好,2百幾公里話咁快就到,呢間就係我哋住嘅民宿啦!
簡單而清雅,好鐘意!
張被被仲有花花架,好靚,毛毛第一時間霸咗先!
Check-in 完,放好行李,出發去行街同揾食啦~
天陰陰,人少少,都幾凍吓~
我哋住嗰間民宿位置好好,幾分鐘就可以行到去羅騰堡最旺條大街,又得食又有得買~
毛毛都話要去shopping 呀!
毛毛:媽媽我唔鍾意呢D,我要去買嘢食!
毛毛:睇夠未,幾時先去食飯架!
行行吓,行到去城牆邊,原來外面都好靚架!
天氣凍,小朋友無晒表情!
行過人哋門口,又影!
街頭又影!
呢個係羅騰堡最出名嘅街角,一定要影啦!
羅騰堡呢度好多特色嘅cafe,行過一間見幾靚,入去醫肚啦!
好多款式,揀邊樣好呢?
等食嘅小朋友&大朋友~
D蛋糕都好大件吓,咖啡都好味,但對我嚟講係淡咗少少!
全店最受歡迎嘅飲品就係歡媽前面嗰杯熱朱古力,我見好多人叫呀,面個層鮮忌廉,好味到呢...
左手邊架係咖啡機大家都知啦,而最右手邊嗰架係打忌廉機,D忌廉新鮮打又香又滑,真係罪過罪過呀!
仲有狗狗型曲奇,不過係俾人食架!
巨型蝴蝶酥~
羅騰堡最出名嘅snowball,睇佢個樣都知佢有幾甜,影咗相就算啦!
餐廳門口上面仲種咗提子,咁都得,真係地盡其用喎!
我哋食完嘢本來想再行吓,點知突然間落雨,仲落落吓開始落雹,咁拿拿臨跑返酒店,返到酒店hea咗一輪,見個天好返,又出動啦!
呢度D街好靚,好古典,我好鍾意呢D小屋架!
睇完街,就去睇吓有咩買啦!
好多靘靚嘅聖誕裝飾,真係好想買晒佢返屋企呀!
毛毛:我就要呢個啦!
嚟到德國習慣咗早食飯,6:30就開飯~
毛毛:我哋又係陪食囉...
腸仔,預期中嘅好味,德國腸一定唔會差得去邊!
呢隻豬手超好味,又香又脆,個汁好特別!
豉油汁銀針粉,久違咗嘅豉油味,有d掛住d中餐添!
齋意式雲吞,紀忌味好夠,雲吞皮好薄,我好鍾意呢款呀~
Hotel Garni Kreuzerhof (Tel: ++49+9861/3424)
http://www.kreuzerhof-rothenburg.de
Heike & Walter Maltz, Millergasse 2-6, 91541 Rothenburg ob der Tauber
Double room 66€, Pet 3-€ , Parking 3-€ /night, with breakfast, free Wi-Fi in breakfast room
咁個GPS入location係入電話定地址? 可以用英文?
回覆刪除[版主回覆11/19/2011 11:56:55]入postal code or 地址都得,有postal code最好,可以用英文架!
未去過羅騰堡,plan吓先.
回覆刪除[版主回覆11/20/2011 17:55:17]你咁鍾意行X'max market一定要去啦!
德國腸仔..正呀
回覆刪除[版主回覆11/28/2011 12:33:25]德國腸仔真係好好食,今次我哋食得太少啦!