2011 毛毛歡歡德國+日本之旅 - Day 14 (26-10-2011 Wed)

Frankfurt (FRA) → Osaka (KIX)
 
LH740 (14:05 - 08:10+1) 11HR 05MIN

喺德國嘅日子真係過得好快，今日我哋要去日本啦！

因為唔熟小朋友Ｄ出境手續，雖然兩點機，不過我哋食完早餐就出機場啦！

毛爸同歡爸去還車，我哋就看行李！




毛毛細細粒好方便，放佢喺行李車就唔洗理～


毛毛：Daddy你返嚟啦，我等到瞓咗覺啦！


去寄行李啦！


毛毛：Ｄ姐姐手腳好慢，仲要等幾耐呀？


磅好行李，輪到毛毛磅重啦！


嘩！連埋袋7kg，輕咗好多呀，呢個小朋友成日扭計唔食糧嘅後果...


終於攪掂，去退稅啦！


德國退稅好麻煩，要去check-in counter磅晒Ｄ行李先，如果有要退稅嘅物品嘅行李磅完就要拎埋去退稅嗰個counter攪退稅～


完成後就將Ｄ喼放喺退稅counter旁邊呢Ｄ行李車度，滿咗就會有人嚟收！我哋總共有５個喼，四個裝我哋Ｄ日用品同戰利品，一個裝毛毛同歡歡個飛機籠同裝備，所以磅完行李後就寄咗毛毛同歡歡個喼先，另外四個就喺呢架車上面！


當我哋諗住攪掂晒Ｄ嘢，可以去食大餐嘅時間，頭先幫我哋做check-in 嗰位姐姐跑到索晒氣咁走嚟話我哋聽，先前我哋寄嗰件行李未貼label就運咗入去，咁就真係Ｃ得啦，無label，邊有人知你件行李去邊，上邊架機，係邊個嘅，個姐姐話佢會幫我哋處理，上機前會俾返個新嘅baggage tag我哋，叫我哋入咗閘先喎！

點解呢個trip次次坐飛機都有Ｄ驚嚇嘢架，嗰個係我哋最重要嘅行李，所有喼都可以唔見，就係唔可以唔見嗰個就唔見咗，如果無咗飛機籠，毛毛同歡歡點返屋企呀？我哋喺個counter度攪咗好耐，但都無結果，咁唯有入閘先啦！

毛毛等到瞓咗覺，小朋友真好，無嘢需要擔心，一切問題就交俾爸爸媽媽啦！



今朝本來諗住早Ｄ到機場check完in就去食大餐，而家攪成咁，無時間食大餐，就買咗Ｄ麵包，腸仔同pizza充饑，係我哋喺德國食嘅最難食嘅一餐，真係唔食好過呀！


毛爸超級擔心，不繼追問Ｄ地勤人員搵唔搵到我哋件行李，但次次嘅結果都係...未知... =.=""


毛爸繼續等，我哋就陪歡爸去duty free再入Ｄ酒嘅貨～






今日有兩Group日本學生團同我哋同機，所以機位全部爆滿，佢哋嘅紀律真係令我哋知道點解日本人做嘢可以咁認真，從小開始嘅教育真係好重要！呢班日本學生對老師嘅服從同尊重好比軍人對軍官服從同尊重，香港學生呢輩子都唔會學到！佢哋仲怕影響其他人，全部人係最後上機，最後落機！


我同毛爸準備等消息等到機門閂上前先上機，歡爸同歡媽上機安頓好我哋D行李先～


但結果都係揾唔到，佢叫我哋落機睇吓有無，無就claim德航喎！我真係激氣到Ｃ呀，而家唔係claim唔claim 你嘅問題，係我兩個小朋友返唔返到屋企嘅問題呀大嬸！


帶住十萬個擔心離開德國，航程上不繼同毛爸商量如果真係唔見咗可以去邊度買返兩個飛機籠同Ｄ配件，呢11個鐘好難過...

毛毛就啋你都傻，瞓覺緊要Ｄ啦！




今程機Ｄ空姐無上一程咁好，起飛，開餐同降落時要我哋放返毛毛落地下，不過都ＯＫ嘅，安全Ｄ喎！


呢個爛瞓毛毛，瞓到返晒肚！


偷影俾毛毛發現添 : P


都醒咗囉，咁就開燈影啦！




希望落機有好消息啦...