2011 毛毛歡歡德國+日本之旅 - Day 15 (27-10-2011 Thu)

Osaka (KIX) → 淡路島

LH740 (14:05 - 08:10+1) 11HR 05MIN 

準時到達日本関西機場，大家都好心急睇吓見唔見我哋件行李！

人過完移民局，就去攞行李，再喺行李帶旁邊嘅AQS攪埋小朋友嘅入境手續就走得！


真係謝天謝地，當我哋一去到行李帶，我第一個見到嘅就係我最想見到嗰個喼，原來唔係無貼label，而係一個no.印咗兩個label ,所以我哋有兩件行李係同no.所以我哋得４個baggage tag，而佢哋都只係scan到四個no.囉！好在都係虛驚一場！

但跟住落嚟就唔係虛驚啦...話說有個傻人負責book車，取車地點揀咗大板機場，但我哋飛機降落嘅係關西機場，當毛爸同歡爸去攞車時先知，又來一個驚嚇場面，咁毛爸同歡爸唯有坐車去大板機場攞咗車再返嚟接我哋，但咁又浪費咗三個鐘囉，真係對唔住囉，捱完長程機，仲要攪到個個都撲嚟撲去，我又唔係第一次book車，又唔係第一次喺關西機場攞車，但唔知點解會攪錯，真係十萬個對唔住呀！

左手邊就係鷺嚇咗我哋十幾個鐘要嚟裝飛機籠嘅喼，呢架車就係毛爸歡爸撲咗三個鐘攞返嚟嘅車，見到呢幅相，真係感動到想咸呀！


関西国際空港→ Petit Hotel Yama  (Tel : 0799-39-0228) ***(158.8KM 3時12分 6,450円 IC152.1KM) 一般道路  163.4KM 8時25分

幾經波折，終於可以向淡路島出發啦！呢個時候已經係一點幾啦，毛爸同歡爸仲未食飯呀，我同歡媽就已經喺等佢哋去攞車嘅時間食咗Ｄ嘢，希望好快有休息站可以俾佢哋食個lunch啦！

係途上我哋見到doggieman嘅office～


好唔容易走到明石海峽大橋，因為大家喺機上都瞓得唔好，開車特別辛苦，歡爸捱咗呢程苦差，我就盡咗我嘅能力（雖然已經合埋咗大半隻眼）同歡爸傾計，令到佢唔好咁眼瞓！


過咗橋無幾遠就有個休息站，真係要停一停，休息吓！


呢度可以望到全條明石海峽大橋


仲有間無敵海景嘅starbucks～


毛毛都係未瞓醒樣！

我哋而家喺地圖嘅右上角，準備開車去地圖左下角我哋住嘅酒店～


呢個休息站好大，連摩天輪都有得玩！




呢個係我哋喺關西機場買俾毛爸同歡爸食嘅lunch - cheese cake，我偷咗少少食，好好味呀！


去到酒店check-in 完，推埋行李入房，已經日落啦！


地下嘅living room


餐廳係二樓


佢叫Happy係紀州犬


高大威猛又靚仔！


仲好乖～


Table manner攞100分！


毛毛瞓咗個晏覺，精神Ｄ啦！




我最愛嘅日式晚餐，每款都係店主用心煮嘅菜式，淡路島好多魚類出產，所以今晚係食魚為主～


睇張相都已經感受到佢嘅新鮮！












每一款都好好味，為咗報答店主嘅用心，我哋張所有食物食晒，咁對廚師應該係最好嘅鼓勵！

食飽後，老板娘仲教我哋睇魚骨，呢塊魚骨係唔係好似一條魚呀，原來條條魚都有呢塊骨架，大概喺魚肚個鰭位，只係我哋城市人無留意咋，有興趣嘅下次食魚時揾吓睇吓揾唔揾到！


今日大家都好攰，早Ｄ休息，聽日就開始我哋嘅日本行程啦！



プチホテル山(Petit Hotel Yama)  (Tel : 0799-39-0228)  
http://hotelyama.com/pc/hiyou.html
〒 656-0661 兵庫県南あわじ市阿那賀1635-2
1部屋 (Room 101 & 102)：16,800円/人 ；寵物1,050円/犬 , 駐車場無料