2011 毛毛歡歡德國+日本之旅 - Day 4 (16-10-2011 Sun)

Konigssee (國王湖) + Obersee(上湖)

遊湖船 Dog ticket 3€
http://www.seenschifffahrt.de/en/4Seen/uebersicht.asp?SeeKat=KoenigsseeEN
Konigssee (國王湖) + Obersee(上湖)  

一早起身見個天好多霧，今日我哋要去遊湖，天氣差會好麻煩，又怕凍嚫Ｄ小朋友，仲有今日係上湖最後一日開放，冬天上湖係唔開架，所以又唔可以改期，好擔心呀...


不過諗咁多都無用，去食早餐先啦！

雖然話係民宿，但佢間餐廳好靚架，仲有下午茶飲架～～






呢位喺老板娘隻狗狗，個樣好可愛！


食飽早餐，個天已經清返好多啦，但呢個畫面又係幾靚喎！



民宿附設嘅cafe


一陣間我哋就係坐呢Ｄ船去遊湖啦～


到我哋出發時，D霧差唔多散晒啦！






由我哋住嗰度行去碼頭大約十分鐘～


呢條路就係我哋噚日上唔到嘅位置，最後要倒頭車咁落返山，因為路太窄，毛爸揸車，歡爸落車睇位，但原來歡爸落車時，佢已經無地方落腳，架車嘅闊度就係啱啱同條路一樣闊，歡爸怕我哋驚，無出聲，只係拉住車頂個扶手落車，再慢慢扶住咁行去車尾，仲要扮無嘢，就係咁一個睇位，一個揸，都用咗唔少時間先落到山，之後歡爸講返我哋聽都一額汗呀！




話咁快就落到碼頭啦！








國王湖係德國最美的湖泊，亦都係德國境內水深最深(平均水深100m，最深處約200m)、水質最好(達到可以自然生飲)的湖泊。不過我無試飲呀！國王湖被德國第二高峰環繞著，是冰河蝕刻的湖泊。山高水深、湖水碧綠、森林環繞，充滿大自然的清新氣息。

因為怕污染呢個咁靚嘅湖，所有船舶都係用電力發動架！

買埋飛，狗狗都要買飛3€ ，上船唔洗入袋，又可以周圍行架，10:30就開船啦！


船長駛到湖中心會停抵船吹小號，因為個湖係俾Ｄ山圍住，所以可以聽到好清晰嘅回音，你睇毛毛幾專心聽！


船程大約一個鐘頭，就到達Salet 啦！如果要去Obersee(上湖)  喺呢度上岸再行大概４５分鐘就可以去到，其實Obersee原本是國王湖上游的一部分，過往的大崩塌阻塞咗上游，咁就將佢一分為二啦！


咁辛苦嚟到，一定要影返Ｄ靚相啦！












Ｄ湖水好清，


行去Obersee嘅路其實好好行，４５分鐘行吓，睇吓，影吓，一陣間就到～









毛毛影到唔耐煩，走啦！

話咁快就到咗Obersee，呢間浸喺水入面嘅屋仔係佢嘅地標，一定要影啦！







我哋嗰日仲見到有人喺度影婚紗相，真係拍戲咁呀！






影完相我哋就回程啦，無再行去湖對面影，雖然知道好靚，但見佢條唔比較難行同濕，小朋友行會濕腳仔，有機會再嚟過啦！

上返船，我哋會喺下一個站紅頂教堂(St. Bartholoma)食午餐！


唔好見張張相Ｄ小朋友都好合作影相，其實佢哋成日走佬架！




今日天氣超好，一舊雲都無，好靚嘅藍天～～～





行咗成朝，好肚餓啦，揾個位開飯啦！

好耐無飲過咁大杯嘅可樂啦！


Roast pork with gravy and white-bread dumpling

Freshly caught trout (whole) pan-fried with parsley-potatoes 呢條魚係國王湖嘅地道魚，好好味！


食飽飯就喺教堂後嘅草哋行吓！





小朋友點會放過呢片咁靚嘅草地，兩隻小鬼跑得好開心呀！


















hea完一個下午，要回程啦！毛毛攰到喺船度瞓咗～～～


當船就嚟到碼頭時，可以睇到我哋住間民宿架！


上咗岸，見市集未閂，shop吓ping先返酒店～～～






毛毛今日好叻，行咗好多路！


黃昏時間嘅國王湖真係好靚，你令我對德國嘅印象完全改觀！


今日大家都好攰，懶得出街食，咁就出動我哋由香港帶嚟嘅美食啦！



Cafe Malerwinkel (Tel : 08652 / 2533)
http://www.cafe-malerwinkel.com/index.php/en/
Malerwinkelweg 10, 83471 Schönau am Königssee. 
28€/person/night with breakfast, Pet - free