2011 毛毛歡歡德國+日本之旅 - Day 5 (17-10-2011 Mon)

Konigssee (國王湖) - Mount Jenner 

一貫嘅歐陸早餐，但Ｄ麵包已經無以前咁硬，我可以食到仲無流牙血架！




呢度有幾隻猫猫喺度住架，好痴人，見我哋準備出發就過嚟嗲先～～～


行到去廣場發現有個掉狗屎桶，不過就唔見有執屎袋喎，blog友＂噢地利＂去德國時成日都見到執屎袋，點解我成程都唔見有架，仲諗住攞返兩個做紀念品添！


仲有少少霧未清，仙景一樣！




毛毛睇鴨仔睇得好開心，左上角米黃色嗰間就係我哋住嘅民宿啦，位置超靚，完全無遮擋！






由民宿走到纜車站大概十多分鐘，經過嘅地方都好靚，仲會有牛同羊喺你旁邊食草，太寫意啦！


Mount Jenner 
纜車(車程20-30分鐘) 大人來回票20.80 EUR, Dog ticket 3.20€（有遊湖船票加纜車車票嘅package，加埋一齊買會平少少）
http://www.jennerbahn.de/jennb/live/jennb_navi/liveindex.php?jennb_navi_id=17

Ｄ纜車好細架，最多坐兩個人，我同毛爸坐咗入去，加埋兩個背囊係完全唔郁得，唔知Ｄ鬼鬼係點坐架呢？






纜車出面嘅風景好靚，雖然坐得耐Ｄ，但一Ｄ都唔會悶！


好多遊客會坐纜車上山，然後行路落山，而我哋坐纜車時都見到好多人行，呢Ｄ路都好容易行，希望有機會再嚟試吓行落山！



纜車只係去到我身後面個間屋仔，想上山頂就要自己行，我諗正常速度應該唔洗一個鐘可以上到山頂，不過我要抱住毛毛所以行得比較慢，仲要掛住影相，個幾鐘先上到山頂呀！











呢段路Ｄ梯級都幾高吓，而且係沙地，所以毛毛全程都係抱住，以免佢隻眼仔會入沙！












我哋終於到山頂啦！






嗰日好熱，毛爸到最後除淨一件長袖衫，呢個係雪山嚟架，但就一Ｄ雪都無囉...



但景色優美補償返^^



全程最落力影相係歡媽呀！






 

我哋仲喺山頂見到隻靚仔８哥！


佢真係好靘仔架！


影埋Ｄ相要落山揾食啦！

毛毛：條路咁長嘅？媽咪抱抱！




我哋喺山頂纜車站食咗個light lunch就落山啦～～～

返到民宿門口先記起住咗兩日都無影過佢相，拿拿聲補返幾張先！

民宿門口


外貌


Cafe


景觀


返到房休息一陣就去Tea啦！




我哋今朝就係睇到老板娘個蛋糕櫃，所以決定食個light lunch然後返嚟食Tea!

D蛋糕ＯＫ啦，唔係唔好食，但唔同我哋香港食開Ｄ味，但杯Irish coffee好得囉！

好好飲嘅Irish coffer，咁好味，飲完真係會醉囉...






今日下午我哋喺過豬精嘅生活，食完Tea，返房瞓晏覺，瞓醒再落山揾嘢食，哈哈...

晚餐要啤一啤先！

Ｄ食物都幾好味，又唔貴，令我哋覺得幾有驚喜呀！呢餐又飲又食，有兩碟係海鮮，仲要呢間喺一間酒店入面嘅餐廳，都係食咗40€，好抵呀！

不過小毛毛就唔係好欣賞啦，佢都係鍾意周公子多Ｄ！


一返到房就去揾佢啦！

Cafe Malerwinkel (Tel : 08652 / 2533) 
http://www.cafe-malerwinkel.com/index.php/en/
Malerwinkelweg 10, 83471 Schönau am Königssee. 
28€/person/night with breakfast, Pet - free