今日係毛毛書分享會嘅日子，從早上開始已經有d緊張啦，但都唔算好緊張，因為有我個編輯做主持，佢經驗咁豐富，有佢帶住我使セ驚!
兩點鍾就到達咗會場啦，小毛毛同小吉吉嘅佈景版好靚好搶眼，見過主辦單位嘅負責人之後，就要準備開始分享會啦!
今日都有d我自己嘅朋友嚟咗，包括有小吉同佢豆咪仲帶埋啱啱渡完蜜月返嚟嘅阿四家姐一齊嚟添噃!
好忙嘅YoYo爸同YoYo媽都放抵工作同功課嚟支持我，真係無言感激啦!
呢個小妹妹就係我本書嘅畫師啦，佢嘅畫我睇過好多幅啦，但人都係第一次見咋~係咪人同畫都一樣咁靚呢
Creamy媽都嚟咗，不過爸爸就返工嚟唔到，無咗個攝影師幫我影靚相添~~
毛毛書印得咁靚就要多得左邊呢位係Wilson哥哥啦，佢係印刷公司嘅揸fit人，而右手邊嗰位就係毛毛書嘅編輯昌哥哥啦!毛毛同小吉有個咁鮮明嘅形象，都係靠佢咋!
一個小時嘅分享會好快就完咗啦，今天好彩有阿昌帶住我講，我哋事前無夾過，今日都算講得幾流暢，雖然今日小毛毛唔去得，而且坐係度聽嘅人，未必都係愛狗之人，但我相信我已經令到佢哋知道香港都有好多愛狗之人，小狗係好可愛 ，應該係受到尊重嘅!
嚫呢個機會，想多謝咁多位抽空出席嘅好朋友，畫師小妹妹，印刷公司Wilson哥哥，仲有肯幫我呢個新人搞分享會嘅出版社昌哥哥，真係無言感激!
睇黎今次既分享會十分成功呢~~恭喜恭喜
回覆刪除相信你好快又會有第2個分享會架喇~~
到時我一定要抽空出席呢
[版主回覆07/06/2008 21:46:00]都ok啦,如果可以帶埋毛毛就好啦,咁就多謝咗你先啦!
恭喜！恭喜！ Mazzini ee 好叻叻，好成功呀！
回覆刪除[版主回覆07/06/2008 21:47:00]都係d朋友俾面啫!
恭喜Mo媽晉身「才女」, 毛毛&小吉成(...全世界?)第一對「環宇風情」小狗拍檔!
回覆刪除[版主回覆07/06/2008 21:55:00]「才女」?你係咪打少咗個蠢字呀? 佢兩隻小鬼又真係幾合拍嘅!
再一次恭喜！恭喜！
回覆刪除[版主回覆07/06/2008 21:56:00]多謝晒你由咁遠嘅地方送到嘅祝賀!!
恭喜晒﹗祝大賣﹗大賣﹗大賣﹗
回覆刪除[版主回覆07/06/2008 21:57:00]多謝晒!
小狗坐飛機如果遇上氣流, 會不會很危險呢
回覆刪除雖然很多狗狗由外國入口都是坐飛機到香港...但怎樣才可以保護小狗坐飛機時遇上意外時, 主人不在旁的情況呢
[版主回覆07/06/2008 22:18:00]危險係一定有,但我哋可以做嘅就係做好預防工作,飛機籠喺牲口艙會有索帶固定係地面,就算遇到氣流都唔會被拋起,所以一個好嘅飛機籠係非常重要,大細一定要適中,如果太大遇到氣流就會好危險,太細就唔舒服,而且個籠裡面唔可以有尖角,咁樣就算遇上氣流,狗狗只會在自己個籠裡面輕微被拋起,應該唔會有咩事嘅!馬莎係咪準備起飛啦?
再一次恭喜! 祝大賣﹗x 2
回覆刪除[版主回覆07/06/2008 22:20:00]多謝晒!
再一次恭喜晒..祝銷量節節上升.........
回覆刪除[版主回覆07/07/2008 15:39:00]多謝晒! 希望成你貴言啦~~
我行左幾間書局都搵唔到本書呢.....
回覆刪除因為我都打算等我家小狗大d 就同佢一齊去旅行...
[版主回覆07/07/2008 15:43:00]大部分書局都放咗我本書去旅遊嗰d書架度呀,你去旅遊書度睇吓有無吖!真係唔好意思啦,已經同出版社反映咗架啦!
咁我祝你早日成行啦!
好成功喎 , 好多人支持呀
回覆刪除原來你本書的插畫係呢位小妹妹畫 , 好叻呀
期待你北海道之旅的新書
[版主回覆07/07/2008 15:51:00]多謝晒呀!都係d朋友俾面啫~~~
個小妹妹係一個 F.4 嘅學生嚟架,咁細個已經畫得咁靚,真係幾叻架!
一個字都未開始寫呀!
恭喜毛媽...本書一定大賣 ! 我已經睇完本書嘞, 好好睇呀 !!!!
回覆刪除[版主回覆07/08/2008 15:15:00]多謝晒呀! 大賣? 咁就要麻煩各位朋友幫我做吓宣傳啦,靠晒你哋啦!
毛媽...我等緊你本 北海道之旅呀 ! 加油 !
回覆刪除如果可以, 下次去陽光+海灘 o既地方就好嘞
[版主回覆07/09/2008 19:59:00]真係要加油喇，就嚟セ都唔記得晒啦!
而家都諗緊下次去嘅目的地，陽光+海灘?咁咪要去泰國囉...諗諗佢先
雖然我去唔到你既新書分享會, 但係依家睇番你既報導都好開心wor!
回覆刪除恭喜恭喜哂, 我都等緊你既北海道書架
[版主回覆07/11/2008 23:10:00]多謝晒Dee Dee! 嗰日都幾開心架~~~
北海道之旅? 唉!仲未開始吖~~~
恭喜~~!!恭喜~~!!我好開心搵到你個blog呀, 我前幾日仲買咗你本書添, 其實我都好想好似你哋咁, 可以帶埋佢哋去旅行架, 所以我由而家開始努力儲錢先, 同埋我諗我會好多問題想問你架, 首先我想知道旅費貴唔貴呀?一般人可唔可以支付得起呢?因為我唔知要預幾多錢先可以帶埋佢哋去旅行呀, 我仲想帶兩隻架, 我隻松鼠仔又係叫小吉呀~~!!! 我都等緊你本北海道之旅呀~!!!hehe.....
回覆刪除[版主回覆07/11/2008 23:24:00]多謝你買我本書吖! 我都係因為每次去旅行都唔捨得小毛毛 ， 所以先帶埋佢一齊去囉! 以毛毛體重7kg計 ， 全程包括所有費用(不過唔包shopping)大概9千5蚊到啦，你嗰兩位小朋友輕d ， 應該會平d喎。而大人7日計就大概15,000到啦! (當然係唔包shopping)
隻松鼠仔叫小吉 ， 咁隻poodle係咪叫毛毛呀?
北海道之旅? 唉!仲未開始吖~~~
哈哈~~!!!我隻poodle叫紅豆呀, 不過佢都唔輕架, 都有成5kg架, 不過小吉就輕好多, 佢只係得2kg咋....嘩~!!!不過真係唔平喎, 我諗如果我二人二狗的話, 再包埋shopping, 應該都要預六萬左右先得喇....真係要努力先得呀~~!! 我今日終於睇晒本書喇, 真係令人好興奮呀, 而家仲搞到我日日夜夜都掛住日本之旅添.... 哦....原來你仲未去北海道架?咁幾時會向北海道出發呀~~~~大家都等住你嘅推介架......
回覆刪除[版主回覆07/12/2008 20:34:00]我都啱啱係你嗰blog睇緊呀!
嘩!你兩個小朋友夾埋都係得毛毛咁重咋~~~
係呀,我而家講起都仲興奮緊呀,咁你要努力揾$$啦!
我哋去咗北海道啦,係今年4月去架,我寫好咗伊豆之旅就交咗俾出版社搞,自己就帶咗毛毛去北海道玩啦!
嘩~~!!!真係好羨慕毛毛呀~~!! 其實我都好想去北海道架, 咁你要加倍努力, 快d出版埋北海道之旅先得喇, 我哋個個都等得好心急呀~~!! 等我儲夠$, 到時可能要請教你好多問題架, hehe.......真係唔該晒你呀~~!!!
回覆刪除[版主回覆07/13/2008 15:24:00]呢排好鬼懶,仲未開始寫吖, 真係要開始發奮啦!有問題留言俾我啦,大家一齊研究吓囉!
真係多謝晒你呀~~~!!!
回覆刪除[版主回覆07/13/2008 22:56:00]客咩氣吖!
我都要買番本支持下先~
回覆刪除加油呀~~
[版主回覆07/16/2008 15:24:00]多謝晒! 唔係等埋"八哥街市"一齊買!
毛毛媽~~恭喜恭喜 ! 我同Mami 都好期待你本 <北海道之旅> ! 到時一定會買番本支持下. 加油呀 ~~
回覆刪除[版主回覆07/17/2008 00:06:00]多謝晒Jumbo! 大家都好似對 <北海道之旅> 好有興趣咁噃!
恭喜晒呀, 好偶然機會下搵到你個blog....果隻小吉係唔係dr.pet黎架, 係我都識佢架喎..hehe
回覆刪除等我放工去書局搵下你本書先~期待你本北海道之旅..因我下年會去, 可以既話我都想帶埋我隻frank豬去呀
[版主回覆07/29/2008 11:19:00]多謝晒呀! 係呀,小吉係我老友同埋dr.pet嚟架~~~
好吖!帶埋frank豬去玩一定好開心架,好玩過自己去好多架!