話說daddy同媽咪去完旅行就帶咗呢位著三點式嘅靚女返嚟俾我啦，泰國真係多靚女啦!
我都好想要套三點式呀媽咪!
喂!靚女，借套三點式我著吓得唔得呀?
唔借?唔得!你唔借俾我，我就咬你! (媽媽 : 借俾你都著唔落啦! 肥妹
)
嘻嘻，投降未，我都話你唔夠我鬥架啦!
媽媽佢投降啦，好啦，就我收你為"靚"啦...嗱你以後就跟我啦!
瞓覺都要跟實呀！
玩完一輪就開飯啦，今日daddy抱咗我上廚房張枱面食飯，是但啦，係邊度食都一樣啫，最緊要係碗入面d 嘢
！
媽媽我食晒啦，有無甜品呀?
食飽飽，媽媽就話要我開工啦，開工做咩呀?
(媽媽 : 打手印囉，你ｄ朋友仔要吖麻！）
我打完手印，媽媽就將ｄ書攞咗去當衫咁涼喎！都唔知佢搞咩！
喂！媽媽記得幫我洗返乾淨隻手仔呀～～～
親愛的作者:
回覆刪除請問點樣先可以攞到有毛毛姐姐玉掌印嘅書書呢?
讀者s
十六哥上
[版主回覆07/09/2008 23:08:00]唉！我個簽名就無人要，毛毛個就掌印就個個都爭住要，呢個係咩世界呀？想要毛毛嘅肉掌印，除非俾我簽埋個名落本書度啦!如果唔係....咪諗啦！
毛毛媽, 個食物兜係咪毛毛ba自己整架. 好fit毛毛個高度喎. 盛嘢食嗰碟喺邊度有得買呀!! 咁淺啲碟我揾咗好耐都揾唔到呀!!
回覆刪除[版主回覆07/09/2008 23:38:00]下面個壽司枱係毛毛爺爺用QQ用嗰隻防滑地墊同一件執返嚟嘅木造架,盛嘢食嗰碟你連埋個藍色嘅腳腳架,我買咗5年啦,嗰時係旺角嘅DOGOTEL買架,而家唔知仲有無喎,早排喺一田百貨見過個差不多樣嘅,呢兩日都會過去買嘢,順便幫你睇吓啦!
親愛的作者:
回覆刪除多謝你的回覆....那麽請在背頁把名字簽得小一點。
讀者s
十六哥上
[版主回覆07/10/2008 22:42:00]媽媽 :
毛毛 :
哈哈，差Ｄ俾你嚇屎呀， 幾驚..毛毛你真係咬人呀......
回覆刪除不過..話時話... 毛毛..我好似淨係得你媽媽個簽名咋喎...仲未有你個玉掌印噃...!
[版主回覆07/10/2008 22:48:00]我成日都咬人架啦!不過我識揀人嚟咬架,專咬d唔會鬧我嗰d囉,好似豆咪咁啦! 你唔見張涼衫相咩,第三行嗰本咪就係你嘅囉!
禾都想要簽名呀
回覆刪除[版主回覆07/10/2008 23:17:00]咁認真? 我係泰國買咗d書籤,打咗手印寄俾你好唔好?ok 嘅揀款鍾意嘅書籤pm個地址俾我,整好就寄俾你啦!如果唔係就要等下一次可以帶狗狗一齊嘅分享會啦!出版社搞緊但唔一定搞得成~~~
我都想要毛毛個簽名呀!
回覆刪除[版主回覆07/10/2008 23:20:00]書籤ok嗎?
我都想要呀....
回覆刪除我可唔可以貪心啲, 要毛媽, 毛爸, 小吉媽, 小吉爸, 毛毛 & 小吉 簽名呀? 呢本書可以出版, 真係一個都不能少呀 ! 當然最緊重要係毛媽, 由搵資料, 逐步伸請, 到成行上機, 真係一啲都唔容易.
點先可以攞到簽名呀?
我等你本 北海道 之旅架 !
忠實讀者上
[版主回覆07/10/2008 23:31:00]簽係書籤度ok嗎? 小吉媽, 小吉爸同小吉簽名要問過佢哋先答到你喎,問咗留言俾你吖!
北海道 之旅要睇吓呢本買成點先決定出唔出,不過無論出唔出而家都會當遊記咁寫好咗先!
忠實讀者!!連你都玩我呀?
我都想要毛毛手印書書呀﹗
回覆刪除[版主回覆07/10/2008 23:21:00]書籤ok嗎?
哈哈, 毛毛恭喜你呀, 做咗大明星, 我都想要你個簽名呀.
回覆刪除[版主回覆07/10/2008 23:22:00]miu miu 你唔好笑狗哋啦!
書籤ok嗎? 揀邊款呀?
哇哈哈!!! 我地比你個"浪"書樣笑死! 呀毛踏住公仔一副大地在我腳下樣咁鬼得戚, 真係唔鬼抵得佢呀!
回覆刪除[版主回覆07/10/2008 23:38:00]唔係點"浪"啫? 有新玩具唔得戚就假啦!
oh..oh...oh.....我都想要毛毛既手印呀
回覆刪除毛毛你隻腳仔依家洗甩哂d 紅色未架
[版主回覆07/11/2008 23:44:00]書籤ok嗎? 甩哂啦,如果洗唔甩我實唔放過我個傻媽媽,實係佢個身度打幾個手印俾佢吖!
EE & 毛毛, 我又想要簽名同手印呀! 我地未買你本書呀, 因為之前係大埔搵過但搵唔到呀!
回覆刪除我咪咪都想帶我去日本, 但又怕帶我去唔帶婆婆去, 婆婆會呷醋, 所以仲諗緊呀!
[版主回覆07/11/2008 23:54:00]不如你問吓d店員啦,間間放嘅地方都唔同,好多人都搵唔到吖! 書籤ok嗎? ok 嘅揀款鍾意嘅書籤pm個地址俾我,整好就寄俾你啦!如果唔係就要等下一次可以帶狗狗一齊嘅分享會啦!出版社搞緊但唔一定搞得成~~~
我媽媽都好擔心呢樣,所以早兩年已經帶咗爺爺,嫲嫲,公公同婆婆去咗幾次旅行啦,所以我哋今次去佢哋都無呷醋囉!
好呀﹗好呀﹗我想要狗狗款呀﹗
回覆刪除我仲未買到本書呀﹗元朗三聯未有呀﹗
[版主回覆07/12/2008 00:00:00]咁都得,真係要同出版社反映吓先得啦!
狗狗都有三款喎,有花花狗,心心狗同 I Love U狗,你揀邊款啫? 仲有記得pm個地址俾我喎!
哈哈哈... 毛毛條靚要聞住佢個pat pat訓覺架! 毛毛呢個老大好掂喎!!
回覆刪除[版主回覆07/12/2008 17:03:00]梗係,而家我出出入入都有人傍住,幾威吖!
早兩日經過三聯, 旅遊書部搵唔到, 一問店員先知原來去咗狗書部, 不過得返一本咋....
回覆刪除[版主回覆07/13/2008 21:47:00]咁好賣,你幫我掃晒d貨吖?
毛毛媽, 我都幫啲仔女開左 blog嘞, 你得閒過黎8吓吖
回覆刪除[版主回覆07/16/2008 23:39:00]好呀!
喂毛毛...我買咗果本未有你手印喎, 點攞呀, 使唔使排隊排通宵架
回覆刪除[版主回覆07/16/2008 23:56:00]多謝晒馬莎支持! 我屋企係通宵無人排嗰隻喎, 我係泰國買咗d書籤,打咗手印寄俾你好唔好?ok 嘅揀款鍾意嘅書籤pm個地址俾我,整好就寄俾你啦!如果唔係就要等下一次可以帶狗狗一齊嘅分享會啦!出版社搞緊但唔一定搞得成~~~ 你都知啦同狗狗一齊而且要係室內嘅地方真係唔多選擇架!
毛豬豬我地又要手印呀,點樣先有得攞到的,係唔係要寫信寄去你家先得的,唉,會唔會巳經冇你親自打的手印的,早知叫媽媽一早就帶比你地整啦.我地都等左好耐呀.
回覆刪除[版主回覆07/22/2008 22:10:00]咁你鍾意書籤,定等下次分享會呀?