星期五媽媽心血來潮想整 d 嘢俾Daddy食，得到我Helen ee嘅教路，就整咗呢個連我媽媽都識整嘅撈烏冬啦，Daddy話"正"，食完仲話要影底佢做紀念，唔係成日都有住家飯食喎，使唔使咁誇張呀Daddy!
食飽飯，D大人就洗吓碗，沖吓涼，
我就忙d，要上吓網去吓d朋友度傾吓"計"同覆吓d朋友仔d留言咁啦!
瞓覺前我最鍾意睇街街!
閂咗燈都要睇!
噚晚睇得夜咗d，瞓多陣得唔得呀媽媽?
不過有街去我點會起唔到身吖! 嫲嫲早晨，小毛毛陪你飲茶吓!
嫲嫲我咁乖有無d嘢食獎勵吓我吖?
因為太熱，媽媽都無俾我落地地玩，淨係坐係車車度行咗西貢碼頭一陣就返咗屋企嘆冷氣啦!
毛毛豬好中意睇街街喎
回覆刪除[版主回覆07/23/2008 16:23:00]媽媽同daddy都要返工，唔睇吓街街，d日子都唔知點過呀~~
嘩~~!!個夜景好靚呀~!!
回覆刪除[版主回覆07/23/2008 16:25:00]咪係囉，搞到我第二日差d 唔知醒陪嫲嫲去飲早茶添噃!
同埋個烏冬好正咁喎, 可唔可以下次教我整呀~~~!!!
回覆刪除[版主回覆07/23/2008 16:28:00]唔問題啦，連我媽媽都學得識整嘅嘢食，應該無人會唔識整囉!
毛毛過嘅真係名媛咁嘅生活
回覆刪除你個烏冬凍食呵 ....我都好鐘意食烏冬
話時話, BB瞓覺嘅習性同毛毛一樣.....反而阿安女仔人家, 冇厘貴格---鐘意瞓地!
[版主回覆07/23/2008 23:16:00]瞓窗台都算名媛嘅生活呀?
我同毛爸都好鐘意食烏冬，d烏冬同你d 娜手菜仲有好大嘅距離，安爸實無興趣啫! 阿安真係好有個性，等我上次仲話鬼你仲咩唔俾毛巾佢添!
嘩...啲烏冬好正喎， 毛毛...你有無分到啲烏冬食呀.....
回覆刪除嘻嘻..等我叫新任無飯主婦(阿四)過黎探吓毛毛...順便學吓嘢都好喎.....
[版主回覆07/23/2008 23:21:00]係呀，係Helen ee 教媽媽整架，有呀，分到兩條咁多多囉!
好呀，我媽媽都學得識，阿四姐姐一定無問題啦!
佢個窗台佈置得雅緻過我張床呀----正所謂高床軟枕, 香車美人, 行行企企, 食飯幾味......咁嘅生活, 幾多人恨都恨唔到呀
回覆刪除啱啦, 俾多啲烏冬啲男人食啱啦......我嗰個太快俾咗飽飯佢食, 好唔聽話呀
[版主回覆07/26/2008 11:11:00]包括我都恨唔到!
我都係咁話,無80歲都唔好俾d飽飯過d男人食吖!對佢哋好d就"支支左左"~~~
不過你有選擇,我就無啦,想俾d飽飯毛爸食都唔得~~~hehe...唔識煮!
毛毛你有個靚夜境同埋咁多玩具陪瞓, 真係幸福.
回覆刪除[版主回覆07/28/2008 23:47:00]d玩具蓄咗好多年架喇，同miu miu差唔多咁幸福啦!
毛毛仲識嘆過寶寶呀, 我隻怕高, 唔敢望街呀
回覆刪除[版主回覆07/28/2008 23:49:00]毛毛唔怕高，最怕肥，無嘢食咋！