曼谷４日３夜之旅第4天 （30-06-2008）

話咁快就第四日啦，次次嚟泰國都唔捨得走，真斃家伙啦!

今日無咩特別行程，食個午餐買D手信就返香港啦~~~

呢次泰國之旅其實有一個好大嘅目的嘅，就係訓練毛爸幫我買咖啡，話說係香港通常都係我去買嘅，唔知點解今次去泰國想毛爸買俾我飲，咁我就叫佢去買啦，我話要一杯中嘅熱焦糖咖啡再加多一個shot，佢買咗杯細嘅加咗一個shot，第二日再去再叫同一樣嘢，今次佢買咗杯大嘅加咗一個shot，夜晚再去叫杯凍嘅唔要cream，佢買杯加咗cream嘅俾我!第三日再去，今次我嗰杯終於買啱咗啦，但係見到毛爸揸住杯大嘅焦糖咖啡，佢從來都唔飲大杯架，原來佢今次買錯咗佢自己嗰杯!!!最後毛爸終於係上機前係泰國機埸買啱晒啦!我而家先知道要買啱一杯咖啡真係唔容易架，今次為咗訓練毛爸，用咗唔少我飲咖啡嘅quota添!