經過一個星期嘅努力終於都執得七七八八，今日可以得閒影ｄ相放上嚟！
兩間睡房打通咗，而家望落好舒服，毛毛最開心，成日可以同Daddy，媽咪一齊喺地台玩”轆地沙”同”打摔角”
因為我好多衫，所以衣櫃都係加大碼嘅，共中毛爸ｄ衫只係佔兩隻門咁多嘅空間
大部份嘅什物都放晒係地台裡面，而家間屋整齊咗好多，呢個地台真係好好用呢！
睡房嘅另一邊係毛爸嘅工作間，仲差一張日式L形嘅椅未得閒去買，而家坐住地下先啦，書枱下面嘅地台面版可以打開，方面毛爸做嘢時放腳用～～～
衣櫃，小毛毛都有份，之前毛毛ｄ嘢分散晒嚟放，邊度有位就放邊度，而家集中晒，揾佢ｄ嘢就方便好多啦！
兩級樓梯都歸毛毛所有，放咗佢常用嘅毛巾同玩具～～～
毛毛仲佔用咗個大窗台！
毛毛 : 媽咪我好鍾意你張床，調轉瞓吖，我俾返個大窗台你啦！
毛毛 : 無見咁耐，你哋有無掛住我呢？
毛媽, 間屋好靚呀! 一定用左好多心機去設計, 好好呀!睇得出, 您一都好滿意呀, 毛毛最開心!
回覆刪除[版主回覆12/15/2009 13:39:00]諗咗５年架啦，一直等毛爸批budget囉，終於５年後批咗 ！
而家ｄ嘢就手咗好多，都唔錯啦～～～
毛毛梗開心啦，佢最鍾意個地台，成日當遊樂場咁，喺上面跑跑跑！
好靚呀,張床最啱毛毛上落呀.
回覆刪除[版主回覆12/15/2009 13:42:00]俾人睇穿咗添，以前張床太高佢跳唔到，成日揾人抱佢上去，而家我哋唔使煩啦，佢可以自己上落！
好靚呀!!!!!!!整得好有心思呀!
回覆刪除[版主回覆12/15/2009 13:44:00]多謝晒呀！
你返咗嚟啦，等睇相呀！
嘩, 間房好大好靚呀! 毛毛最開心啦~
回覆刪除[版主回覆12/16/2009 19:27:00]兩間細變一間大 ，而家好用好多，毛毛真係幾鍾意呢個新裝修架！
嘩~~!!!好靚呀~~~~~~~~~~~~~~~~~~~~!!!!!!!真係忍唔住一路睇一路嘩呀, 差D流晒口水呀, 如果我將來間屋都好似咁就好喇....hehe~~!!!
回覆刪除[版主回覆12/16/2009 19:41:00]有無咁嚴重呀 ，屋最緊要住得舒服，小毛毛差唔多２４小時喺間屋度，所以好多嘢都係因為毛毛而改架！
回覆刪除.....好榮幸....喺填滿呢個咁壯觀嘅衣櫃方面.....小店都略盡過綿力!
[版主回覆12/16/2009 19:43:00]你嗰ｄ都叫綿力呀？你真頭大大力支持我填滿佢啦！
毛毛個樣好滿意咁噃！嗲哋媽咪真係有心思，仲留個咁大既櫃放晒你ｄ恩物！
回覆刪除[版主回覆12/16/2009 19:47:00]佢梗滿意啦，唔出錢又有新屋住，等我喺佢ｄ利是錢度扣返ｄ先！
間房好靚呀, 小毛毛有冇半夜瞓瞓吓, 走咗落你哋張床度瞓呀?
回覆刪除[版主回覆12/27/2009 17:27:00]無.......................................就奇啦 ，又其是而家天氣凍，一上床就走嚟我哋張床度瞓啦！
讚 x 100000000000000000
回覆刪除設計好有心思，D地方好見駛!!!
[版主回覆12/27/2009 17:29:00]謝 x 100000000000000000
如果再多一間什物房就更好啦 (貪心人..................... )