2015 南德滑雪之旅 (Day 8 - 20 Dec 2015 Sun)

Garmisch-Partenkirchen - Partnach Gorge

本來預咗滑三日雪，噚日上山見咁嘅樣，決定今日唔去啦，改去行山啦！

出發前食返個飽嘅早餐先～

呢間酒店其實真係幾靚架～

房個露台係可以望到雪山架～

上網搵吓呢度附近有咩地方行啦，Search度呢個Partnach-Gorge，好似幾得意，今日就去呢度啦～

http://www.gapa.de/Garmisch-Partenkirchen_Sights_Partnach_Gorge

維基百科介紹～

帕特納赫谷[編輯]

維基百科，自由的百科全書

帕特納赫谷

帕特納赫谷（德語：Partnachklamm）是一座長702米，深80米的峽谷，位於德國巴伐利亞州加爾米施-帕滕基興附近。它是由帕特納赫河在岩石中刻劃出來的。1912年它被設立為天然紀念物。

地理和形成[編輯]

約2.4億年前在三疊紀中期今天的帕特納赫谷還是一個淺海的海底，在這裡逐漸沉澱下深灰色的、比較硬的殼灰岩層。今天在這個岩層里依然經常會發現當時海底動物的爬行痕跡。約500萬年後在同一海底上沉積下比較軟的泥灰岩層。今天當地的這層泥灰岩層被稱為「帕特納赫層」。

後來在阿爾卑斯山脈摺疊造山過程中這些岩層被抬高。源於楚格峰上的冰川的帕特納赫河很快就把軟岩層風化掉了，並逐漸削入硬的殼灰岩層里。因此在當地的阿爾卑斯山脈里在硬岩層里形成了帕特納赫谷這樣的峽谷，而在軟岩層里則形成了比較寬的河谷。

經濟意義[編輯]

約1900年的帕特納赫谷

冬季的帕特納赫谷

早在18世紀的時候當地的居民就已經有人進入這個峽谷了。當時的居民冒著生命危險使用帕特納赫河把山上的木頭編成木筏運到帕滕基興。從19世紀到1960年代內帕特納赫谷上始終有木筏運輸。春季標有主人的木頭會被投入河谷中讓融水把它們運到山下去。

從1912年開始帕特納赫谷也被旅遊業開發。峽谷終年可以進入，但是需要買門票，只有在春季化雪的時候可能會短期關閉。

其它峽谷[編輯]

同樣在加爾米施-帕滕基興縣的米滕瓦爾德附近奧地利邊境上還有一個比較小的峽谷。這個峽谷直到2006年5月24日才開放。

車要泊外圍，再行入嚟～

再沿住呢d馬路行差不多半小時先入到峽谷口～

呢度無落雪，不過好鬼凍，仲凍過雪山頂！

見到呢d咁靚嘅河水就差不多到啦～

入口處有指示～

亦有介紹，以前d人會用呢條峽谷嚟運木材架～

門票係4歐，如果你有係Garmisch-Partenkirchen嘅住宿証明可以平少少，唔記得平0.5定1歐～

一行入去就見到好綠嘅河水～

我上網睇到d有冰掛嘅相好靚，可惜今年唔凍，一粒冰都無...

沿住山邊呢d棧道行，大概半個鐘頭多d就行晒，路好好行，一d都唔辛苦～

重見光明啦～

好多人帶埋狗仔一齊行，羨慕C人！

我哋就係右手邊個山洞出嚟～

因為車泊咗喺入口嗰邊，所以要沿路行返轉頭～

連木頭都可以排得咁整齊，德國人真係好嘢！

行完出嚟鬼咪咁肚餓，又上網搵吓有咩食，見呢間意大利餐廳都幾好口碑，仲好近，就去試吓你啦～

行返出去攞車時，又見到好多狗仔，德國真係養狗人嘅天堂！

經過奧林匹克跳台，真係幾鬼高，都唔明d人點會有膽跳落嚟...

鬼鬼真係勁鍾意飲酒，睇吓，齋賣酒嘅地方都咁大！

十幾分鐘車程就到，餐廳喺大街，好易搵～

我哋坐抵咗係窗邊嘅一張枱，冬天有少少陽光曬住食午餐，感覺好幸福！

呢支一定係好出名嘅意大利水啦，我去泰國，香港同德個嘅意大利餐廳都係俾呢隻水我嘅...

洋蔥湯，唔似法國嘅煮法，但一樣咁好味！

層芝士厚到呢，好彩我同毛爸都係愛芝士人～

仲有勁多嘅洋蔥粒，煮熟咗嘅洋蔥好甜好好食！

呢個我最愛嘅AOP意粉，超級好味，意粉炒嘅硬度啱啱好，蒜味又夠！

再加多盤又新鮮又肥美嘅青口～

呢個角度影先睇到嗰盤青口有幾多～

慢慢嘆個午餐，食飽已經成兩點幾啦，餐廳剩抵無幾個人～

已經好幾日無食甜品，叫咗我最愛嘅tiramisu，太邪惡！

呢餐食咗咁多嘢都唔洗30歐，真係抵到爛，所以我哋決定今晚再嚟過...XDDD

食飽真係要行吓先得啦，途中見到好多毛小孩，好開心！

今日可以好好行吓呢個雙子城～

呢度係呢個城最旺嘅地方，好多嘢食，好多嘢買～

好似開始天黑咁，其實係3點幾咋～

德國人真係好鍾意溜冰，個個城都有一個架喎！

好溫馨嘅場面～

呢度d屋都好靚～

呢個小朋友應該未見過亞洲人，對我好有興趣，不斷同我講嘢，可惜我唔識德文喎！


呢度都有個Christmas Market，不過好細，都去行吓啦～

一眼睇晒咁大囉～

行過d舖頭見到好多好靚嘅餐具，好想買，但我都唔煮飯，都唔知買嚟做乜...XDDD

杯又靚，毛爸話好彩今日星期日，全部都無開，只可以window shopping!

行完街返酒店瞓個晏覺，夜晚7點半先再出嚟食飯，酒店行去餐廳大概20分鐘，唔太遠決定行過去，唔揸車～

經過晒晏晝行過嘅店舖～

又係呢支水囉....XDDD

下晝食過呢個沙律好好味，再叫！

今次唔太肚餓，改咗叫什菜湯~

一樣咁足料，好飲！

呢條唔記得叫咩魚，係德國一個湖出產嘅魚，好滑好鮮味！

忍唔住再叫呢個AOP，正到無朋友！

見到呢條tiramisu就流晒口水，不過一日食兩次好似太過份，忍吓口啦！

呢個見到就唔開胃，對我嚟講呢兩個甜品真係天堂同地獄之分！

最後同毛爸兩份食杯雪糕就算啦～

食飽行返酒店，順便消化吓～

Reindl's Partenkirchner Hof

Bahnhofstrasse 15, D - 82467 Garmisch-Partenkirchen Telefon: +49 08821 94387 - 0, E-Mail: info@reindls.de

5 course dinner menu in the restaurant for Euro 28.00

http://www.reindls.de/en/hotel_reindls_partenkirchner_hof_garmisch-partenkirchen