2013 玻利維亞+南極 - Day 7 Quetena - Potosi

2013 玻利維亞+南極 Day 7 (12 Feb 2013 Tue)

Quetena (4500m) ＝＞ Potosi (4600m)

噚晚雖然有高山反應，好在都瞓到，瞓覺呢方便我真係好強呀！

難為毛爸驚我有事，時不時走嚟睇吓我C得未，所以瞓得唔好

瞓醒都係同噚晚差唔多，唔見Ｄ高山反應減退咗，仍然好似唔夠氣咁，洗完面好Ｄ，毛爸話間房Ｄ窗唔開得，應該係間房空氣唔流通，所以叫我出去外面行吓，吸吓Ｄ新鮮空氣，希望好Ｄ喎！

旅社外貌～

William 同Gladys係喺另外一間屋住，佢哋住嘅地方有埋廚房，噚晚佢哋就係喺度煮飯我哋食～


Ｄ咁嘅地方都有可樂廣告！

行咗一陣返嚟真係好Ｄ喎，咁我幫吓手執行李啦啦！

間房門超矮，出入都要好小心！

早餐食咗兩塊餅，又要準備出發啦！



今日好好天呀！

一出車就見到駝羊！

再行咗無耐就見到個養駝羊嘅地方，好多好多駝羊，佢哋真係好鬼可愛呀!

駝羊BB

D眼睫毛好長，好靚！

Gladys去買駝羊芝士俾我哋做午餐～

好難得可以同當地人影相，佢哋大多都唔肯俾人影架！

買完lunch又繼續趕路啦，經過一個又有草有水嘅地方，Ｄ水仲係結咗冰架！

我哋就係咁過嚟架啦！

D草仲可以俾我企喺上面都得架，好神奇！

一路上嘅景色都靚到不得了！


時不時我哋都會落車影相！

其實每個山都有名架，William同Gladys都好細心咁講俾我哋知，不過真係太多山啦，我真係唔記得邊個打邊個！

佢係William，係我哋請嘅司機，佢影相好鬼窗靚，角度又攞得好，有時我會俾咗架相機佢同我影，佢真係瞓身幫我影架！

有時仲爬上車頂架！

所以我哋喺玻利維亞有好多雙人相～

呢度圍住有好多火山，相度見到Ｄ係火山爆發時噴出嚟嘅火山石～



有Ｄ石係燶咗架！

終於我哋到咗Green Lagoon，現場睇靚Ｄ，影唔到個效果出嚟...

午餐係一個可以浸溫泉嘅地方食，呢度係我哋咁多日以來見到最多人嘅地方～

呢度無地方換衫，我哋怕麻煩無浸～

中午時分呢度都幾熱，應該有廿幾度！

今日午餐好豐富，我Ｄ高山反應唔知幾時無咗，嚟到呢度無晒事！

栗米好香好好味，我食咗兩支呀！

鹽水煮嘅蠶豆同薯仔，味好濃，好好食，唔似香港食嗰Ｄ薯仔無薯仔味...

清清地嘅沙律，好新鮮！

煎雞扒同駝羊芝士，雞扒煎得好香，駝羊芝士最初我以為會好膻，原來唔係，咸咸地幾好味架！

好豐富嘅一餐，辛苦晒Gladys & William，呢餐我連高山症都唔怕，食得好飽呀！

食飽飯出發去睇噴泉，不過天氣開始變差啦...我哋係度影咗一輪相，我係完全無高山反應，第二日William 先同我講其實呢度有海拔5000米架！佢唔講我知係驚我心理影響生理，又唔舒服，不過當時我真係一Ｄ唔舒服都無喎！

仲可以行到咁近影架！

跟住再去Red lagoon，不過因為天氣唔好，影出嚟嘅色唔靚呀～

遠遠嗰邊仲落緊大雨呀

呢張叫好少少，不過都係唔出色！

行行吓仲見到隻紅鶴嘅蛋～

對面山仲落緊大雨呀！慘！

然後William再車我哋去第二邊影呢個Red lagoon，不過天氣都係一樣差！影唔到靚相...

下一個影點係Stone tree，我哋行行吓開始落雪添呀！

冒住風雪落車影咗幾張相就走啦，因為真係好鬼凍！

雪越落越大，本來我哋仲有幾個lagoons要去，不過William見天氣差話聽日先同我哋去，而家去都無意思，咁又係，所以一早就返酒店呀！喺呢Ｄ白芒芒嘅環境下，又無路標，我明William點會認得路，好嘢！

Tayka喺呢區算係幾好嘅酒店～

房間好大，而且乾淨整齊，不過房嘅窗都係睇得唔開得！

浴室

全間房唯一可以開嘅窗，我同毛爸叫佢生命之窗，點解，下一篇blog 開估!


酒店包埋晒我哋四個嘅晚餐，幾難得可以影張四個人嘅相，點知個waiter影成咁喎！激Ｃ人！


仲有湯同甜品架，幾好味，不過我好似又有Ｄ高山反應，最後William 幫我食咗一半！

如果我無記錯呢度都有成海拔45XX米架，仲有呢間酒店得三個小時(6-9pm)有電供應，所以我哋好珍惜呢幾個鍾，所有嘢攞晒出嚟差電！


Hotel Tayka in Siloli desert
Ojo de Perdiz - Potosi