2013 玻利維亞+南極 - Day 13 Buenos Aires (AEP)- Ushuaia (USH)

2013 玻利維亞+南極 Day 13 (18 Feb 2013 Mon)

Buenos Aires (AEP)->Ushuaia (USH)

Date	From	To	Flight	Departure	Arrival	Duration & distance
18-02-2013 (Mon)	Buenos Aires (AEP)	Ushuaia (USH)	LA4988	7:20	11:05	3:45 hrs (1,470 mls)

天未光就出機場，南美唔知點解咁鍾意晨咁早機架，班班機都係5,6,7點，成個機場都係人，仲旺過我哋去行花市！

今次我哋呢班係郵輪公司嘅包機，即係機上面見到嘅人將會係我哋嘅船友啦！毛爸問，點解個個都咁大年紀嘅....

超難食嘅南美飛機餐...我都寫到厭啦！

落機認好行李，再交行李俾船公司，就可以輕輕鬆鬆上旅遊車，今次我哋join咗個pre-cruise package，包機票，接送，午餐同去Ushuaia嘅國家公園玩，一次過join好方便！



今次我哋係book咗隻法國船，所以講英文嘅係少數民族！

Ushuaia 係世界嘅盡頭，呢度好靚架！

攞行李時聽到好耐無聽過嘅廣東話，原來有個香港團，Ｃ伙，嚟到呢度都撞到香港人，仲要成團！不過我哋喺架機度明明無香港人架，最後偷聽到係同我哋同一間船公司嘅另外一隻船Le Boreal，本來我都想book嗰隻，不過最後改變主意book咗而家隻L'Austral ，好彩！

不過好好笑，個香港團落咗機無車接，個領隊走去問我哋隻船Ｄ工作人員，係咪坐我哋Ｄ旅遊車去碼頭，唔係掛，落機坐咩車去碼頭都唔知，你點帶團呀，最後佢問Ｄ人佢想book架旅遊巴，可以點做，我真係好想知佢係咩公司，攪個咁貴嘅團竟然無安排車接送，個領隊又係嘅，上飛機你都要諗下落機坐咩交通工具，聯絡邊個架，最後我哋開車都未見佢哋有咩眉目！

由機場去Ushuaia市中心好快，１５分鐘就到！

不過今日天氣麻麻，陰天！

經過一陣我哋要落船嘅碼頭，有小朋友開工呀！

今日有三隻船泊咗喺碼頭，兩隻細船（可能角度問題，兩隻船其實一樣大架），後面嗰隻就係我哋坐嗰隻L'Austral～

再坐多15分鐘車就去到食午餐嘅餐廳，呢間餐廳係專食羊，我同毛爸都唔食羊，所以叫佢哋轉咗雞俾我哋！

好＂鞋＂！

試咗少少羊同薯仔，都幾好食，唔膻架喎！同枱Ｄ鬼鬼講，呢Ｄ羊肉係好靚嘅羊喎！

真真正正炭燒咖啡，連個煲都燒到好似炭咁！

好特色嘅一間餐廳！

餐廳旁邊有個狗場，養咗好多雪橇犬～

間間屋都有名牌架！

跟住就去國家公園啦！

而家係南美嘅夏天，不過呢度凍到Ｃ啦！

吹到頭都甩呀！

影影吓仲開始落大雨

公廁～

唔怕人嘅小狐狸～

最後嚟到遊客中心，呢度有國家公園個印，可以"吸"喺passport架！


終於見到少少陽光啦！

5點半就返去碼頭，我哋揸BNO見到呢個牌都好尷尬吓！

由Ushuaia距離南極1,000km, 坐船要行兩日！

大行李已經上咗船，喺房等我哋，所以今次上船好輕鬆！

上船手續超快，超流暢，５分鐘唔洗就入到房啦！抵讚呀！

浴室同洗手間係分開架，咁方便Ｄ！

L'Austral
http://en.ponant.com/Ships/L-Austral

Deluxe Staterooms (200 sq.ft. + 43 sq.ft. private balcony)

安頓好Ｄ行李就要去Theatre聽船長介紹隻船同逃難嘅程序啦！


呢位係Expedition team leader，之後我哋上岸玩就係由佢安排架啦！


人山人海！




聽完仲要去睇吓自己隻救生艇喺邊，之後就可以返房準備食晚餐啦！


細船真係好，唔洗分兩輪食飯時間，呢間餐廳可以坐晒全部乘客架！


餐具同佈置都好華麗！





餐牌上面嘅菜式，每晚都會轉！




我對法國餐嘅興趣係麻麻，希望會有Ｄ驚喜啦！








船上係可以上網架，不過好貴同好慢，所以最後我哋都係過咗16日無internet嘅生活！


今晚11點我哋就會喺Ushuaia出發，向我夢寐以求要到嘅南極出發啦！