2013 玻利維亞+南極 - Day 10 Tupiza

2013 玻利維亞+南極 Day 10 (15 Feb 2013 Fri)Tupiza (3,160 m)

Tupiza嘅山係同其他地方唔同，我哋都專登留咗一日喺度慢慢欣賞下！

今日天氣好差，陰天仲有雨！

呢個係魔鬼之門～

超好人同可愛嘅William，佢為我哋呢個旅程帶嚟唔少歡樂同美好嘅回憶！

毛毛雨再加上霧，好似喺仙境度咁！

嚟到呢個位架車唔入得啦，我哋落車行！

其實呢度都幾危險，Ｄ石好鬆，大雨Ｄ容乜易山泥傾瀉架！

大雨時毛爸站位會變成河！

呢個角度係咪睇得清楚Ｄ呢，William爬咗上山影我哋！

見到William嗎？張相嘅正中心呀！


佢爬得好高，所以我哋Ｄ相嘅角度係比人哋多架！

有人會騎馬嚟睇呢Ｄ山架，不過我同毛爸就鍾意行多Ｄ！

William爬高幫我哋影嘅全景相！

Gladys知我唔行慣山路，佢處處都好小心照顧我，今次玩得咁開心真你要多謝佢兩個！

晏Ｄ天色開始好Ｄ，雨都停咗！

呢度Ｄ山因為有好多礦物質，所以就有好多唔同嘅顏色～

嚟咗玻利維亞幾日，發現佢哋雖然窮，但人與人之間嘅關係好好，唔認識嘅都會互相幫助！
好似之前幾日我哋都見有人喺路上等順風車，好多時Ｄ車有位都唔車埋佢哋，我哋架車之前裝滿嘢所以一次都唔載過～
今日我哋放抵晒行李，有位啦，見呢倆母子喺路條等車，William問我哋介唔介意車佢哋一程，當然唔介意啦，就係咁佢哋陪咗我哋一段路呀！

呢個小朋友好乖，只係企身睇吓嘢，無扭計過！

佢哋本來想坐呢架巴士架，每日得一班車！

無耐，我哋又去到另一個山頭，風景唔同晒！

William又走去做Ｄ危險動作，嚇Ｃ我哋呀！


佢站喺Ｄ鬆嘅泥石度影相，一鬆就碌落山架啦

小牛牛呀！

小朋友都係呢度落車啦，佢都幾靚仔架，拜拜！

咁我哋繼續玩！

呢度本來係田嚟架，不過次前大雨沖爛晒，而家咩都唔種得住！

我身後棵樹好特別架！

佢Ｄ葉好香，玻利維亞Ｄ女人會放Ｄ喺帽度，佢會令你有好清爽嘅感覺，我都好鍾意佢個香味，第一次聞到呢種香味，如果要嚟整香水一定大賣呀！

小教堂～

真係見到騎馬團啦！

睇埋呢個山我哋就要返反Tupiza市啦！

Lunch又去返第一日嗰間餐廳食，原來lunch好多嘢都無得叫，叫咗個漢堡包同肉醬意粉，都係Pizza好食Ｄ！

下午就係市內觀光，今次唔洗坐車，行路得啦！

Tupiza大學，有三百個學生，得兩科，就係獸醫同會計！

警察局，見Ｄ警察都好得閒吓！

Tupiza市中心有座小山，上呢個山嘅路上有好多石碑，上面都係雕咗Ｄ聖經故事！

上到山頂有平台，可以睇到Tupiza全景！

仲有個耶穌像！

暴曬咗幾日，我有白人變咗做黑人！

行返落山時，見到仙人掌嘅果實，原來食得架喎，Gladys話我知似奇異果味喎！

跟住行咗個市集，都好大吓，好似曼谷個跳蚤市場咁，當然無曼谷咁大啦！不過Ｄ人好抗拒我哋影佢相，所以齋行無影相！

行完就返William公司，Gladys請我哋食糉，甜甜地都幾好味喎！

四點幾就完成晒我哋今日嘅行程，又唔想返Hostel住，走咗去廣場睇人哋表演～

Lunch食唔到pizza唔奮氣，夜晚再去過！

好好味嘅炭燒Pizza

好味到無朋友嘅Lasagna！

食飽返Hostal執嘢，聽日要離開玻利維亞啦！

Hostal Los Salares
Address:Zona Chajrahuasi
Tupiza, 237
Bolivia
Phone:+59126945813
E-mail:hostalsalares@hotmail.com