毛毛：媽咪著到鬼五馬綠咁去邊呀？
我哋約咗你ｄ朋友仔去帝都 1+1 餐廳食飯慶祝Halloween囉！
＊＊＊＊＊＊＊＊＊＊＊＊＊＊＊＊＊＊＊＊＊＊
今日呢一餐真係十分把鬼嘅一餐，呢間真係一間把鬼餐廳，無論食物、環境、服務等等............都係差到無人有！
首先我哋訂枱時已經講明有狗，但去到時，隔離枱ｄ客即時變面，但我唔怪嗰ｄ人，因為如果酒店安排好ｄ就唔會發生ｄ咁嘅事！
跟住ｄwaiter就搬ｄ植物出嚟間開我哋，叫我哋唔好俾ｄ狗行出去，咁都算啦，但嗰枱客仲唔滿意，又話要轉枱，又話要去食環處投訴，咁ｄ waiter又再搬過ｄ植物再間開ｄ，又要搬我哋ｄ枱，攪嚟攪去，淨係搬枱都搬咗成個鐘，咁仲使唔使食嘢呀？
ｄ食物就更差，得ｄ燒雞翼同腸仔，炒麵又係斷晒，總之無樣好食，都要收百幾二百蚊一位，真係不知所謂！
我係一定唔會再去呢間不知所謂又唔識尊重人嘅餐廳，等執啦你哋！
＊＊＊＊＊＊＊＊＊＊＊＊＊＊＊＊＊＊＊＊＊＊
雖然係咁，我哋都識得自得其樂嘅，你有你嘈，我哋有我哋玩，你奈得我哋何咩！
呢兩件係我哋喺日本買返嚟俾細毛同CoCo架，佢哋兩個著得好靚呀！
毛毛：我今日呢個造型嚇唔嚇人呀？
大合照時間，不過地方太細，狗太多，最終都影唔晒所有狗狗～～～
小朋友同小狗係可以共存架～～～
全晚最好食嘅就係歡爸帶嚟嘅日本蜜瓜～～～
毛毛..你個造型笑C我喇
回覆刪除[版主回覆11/17/2010 13:54:00]毛毛：咩呀，唔係嚇ｃ你咩？
個個小朋友都咁Q o既??!!!
回覆刪除[版主回覆11/17/2010 13:55:00]咪係囉，個個小朋友都咁Q，有幾得人驚啫，ｄ人真係呀....
毛毛好 kawaii 呀！不過似牛牛多ｄ
回覆刪除[版主回覆11/17/2010 22:04:00]毛毛：唏！我今日呢個裝係嚇人架麻，攪咩你哋個個都笑狗哋架！
毛毛，你個做型真係好勁呀，好驚呀
回覆刪除d人冇家教，咪鬼教精佢.....
[版主回覆11/17/2010 22:07:00]算你啦，我諗而家嘟嘟見到都唔敢吠我啦！
真頭以後都唔去啦！
毛毛個LOOK好正呀! 好恐怖呀! WAKAKAKAK
回覆刪除毛毛真係乖, 肯比你帶個頭COOL, 仲要笑, 我D女真係唔會理我呀!
隔離枱D人真好無品呀!!!
[版主回覆11/17/2010 22:11:00]毛毛：Alice姐姐呀，好恐怖，你做咩仲笑得咁開心呀！
毛毛影完相就已經fing甩咗啦！
ｄ waiter都一樣咁差呀～
毛毛, 你個look實在太太太太太......過癮喇~
回覆刪除[版主回覆11/17/2010 22:12:00]frank豬，你係咪驚得好過癮呀？
Very cute...
回覆刪除[版主回覆11/17/2010 22:13:00]毛毛：我個樣唔嚇人咩？
香港教育吾好...d人見到狗好似見到猛獸.
回覆刪除[版主回覆11/17/2010 22:15:00]咪就係囉，我哋已經安排ｄ大狗坐裡面ｄ位，小狗先坐開面，咁都仲要嘈，都唔知想點?
回覆刪除毛毛, 你幾時都咁可愛既!
毛媽, 咁你地平時可以帶埋毛毛去既飯堂係邊間呀?我唔記得左tim!
[版主回覆11/17/2010 22:20:00]毛毛：蕃茄，我今次諗住嚇你哋架，你唔驚呀？
我哋成日去嗰間係沙田麗豪呀，好過呢間十萬九千陪呀！
佢真係等執粒嘞 !
回覆刪除[版主回覆11/17/2010 22:22:00]仲要快ｄ執添呀，我會努力幫佢宣傳架啦！
一群咁可愛的狗仔, D人都喺度 "阿之阿咗", 簡直係無知兼冇腦, 狗仔們都是主人的心肝寶貝, 有專人(牠們的爸媽)貼身侍候, 絕對係矜貴過果班冇腦人!!!
回覆刪除[版主回覆11/17/2010 22:31:00]我哋唔出聲同忍讓，唔係因為我哋低人一等，亦唔係ｄ狗狗低人一等，係因為我哋尊重每個人有自己嘅喜好，遷就一下，希望大家可以喺一個和諧嘅環境下一齊生活，但呢班人就真係得寸進呎，不知所謂囉～～～
毛毛好得呀. 仲帶住頭cool行. 俾我的狗已經fing nut佢.
回覆刪除[版主回覆11/17/2010 22:33:00]咁你驚唔驚先！
一影完相就fing甩咗啦～～～
吓?? 百幾二百蚊食d咁嘅嘢?? 呢間嘢真係越嚟越差啦!! 不如下次等我帶你去個私房菜狗仔地頭啦!! 佢地d嘢食真係好好味架~~
回覆刪除[版主回覆11/17/2010 22:39:00]係呀，差到ｃ呀，快ｄ幫佢賣多ｄ廣告啦，有狗無狗都唔好再去幫襯佢呀！
你間私房菜係咪喺荃彎呀？
唉, 我想話我地呢十幾隻玩開嘅狗狗(except SoSo)咁耐都冇打過交冇出過亂子，真係隻隻可以做dr pet ；俾佢見到d一落地就打嘅狗狗報警都有之
回覆刪除連幾隻狗都容納唔到 ，香港人會有幾包容同幾和諧呀
[版主回覆11/17/2010 22:45:00]所以咪要出走日本囉！
嗰日直頭係由天堂真落地獄呀，點解香港有ｄ咁嘅人架?
又好掛住日本嘅自由空間
回覆刪除[版主回覆11/17/2010 22:46:00]好快啦，仲有幾個月啫！
醒目! 就係荃灣啦! D嘢食真係好正架~ 下次一齊去吖~~
回覆刪除[版主回覆11/19/2010 19:47:00]好呀，不過佢都好full，要早book先得喎！
唉~~~咁真係好唔掂呀, 不過d人都係呀, 好心喇, 又冇騷擾到你, 駛乜咁呀, 點解唔可以你有你食, 我哋有我哋食, 點解成日要趕絕我哋養狗嘅人喎~~
回覆刪除[版主回覆11/19/2010 19:50:00]咪就係囉，ｄ waiter又係咁，咁你就咪鬼俾我哋book啦，真係嬲到我呀，嗰日如果麗豪有位，我真係拉隊走架！