2010 狗狗日本東北賞楓之旅(Day 2)

第二天:  新宿→Sano Premium Outlets→日光

Hotel N.U.T.S→Sano Premium Outlets (Tel : 0283-20-5800) ***(78.6KM  1時29分 2,450円 IC-65.6KM) 一般道路  83KM  3時07分

今日本來訂咗早餐，不過酒店噚晚已經講咗我哋聽話佢哋個staff休息，我哋無早餐食，所以噚晚已經買定杯麵，今朝食咗可以早ｄ出發啦！

中途經過休息站就俾兩隻小鬼落地鬆吓，順便去個便便咁啦～～～

小朋友好交貨啦喎！

呢個休息站都好多狗狗，唔知係咪附近有ｄ狗狗玩嘅設施呢？

毛毛：媽咪咁大杯俾ｄ我食啦！

毛毛：少少都好啦，唔該！　　

估唔到休息站都有龍貓買，不過ｄ款就比較舊！

11點就到咗Sano Premium Outlets啦，本來係ｄ媽咪血拼嘅時間，不過日圓高企，9.5真係見到咩都買唔落手，真係慳返唔少呀！

毛毛：唔買都影張相吖！          

呢個小朋友好鍾意歡歡，同歡歡玩到阿媽都唔要呀～～～

小朋友咁專心望咩呢？

視線好一致喎！

咪望緊媽媽囉！                          

Sano Premium Outlets→ 日光山輪王寺･宝物殿 (Tel : 0288-54-0531)***(78.6KM  1時15分 1,800円 IC-73.8KM) 一般道路  69.1KM  2時31分

本來諗住喺outlet食埋飯先走，不過揀嚟揀去無咩好食，咁就開車去下一站啦，中途停休息站先食！

中途停咗一個休息站（唔記得叫咩名），因為先前落過雨，屋外枱濕晒，但小朋友又唔可以入屋內，我哋同ｄ職員講，佢哋即刻幫我哋抺乾晒ｄ枱櫈，真係今時今日咁嘅服務去邊度揾呀？　　　　　　

呢度ｄ嘢食又大份又好食，我呢個豬扒丼ｄ豬扒超軟呀，仲無豬嗰陣臭豬味，我差唔多食晒成碗呀！有同我食過飯嘅人都知，我唔食豬同炸粉嘅，呢個豬扒丼有齊晒我最唔鍾意嘅嘢，我都食得晒，你話佢幾好食呢！

咖哩豬扒飯件豬扒大過我塊面，好多時我哋睇餐廳ｄ介紹相通常都靚過實物，但呢度係ｄ實物靚過ｄ相好多好多，之後幾日大家都仲好回味呢個飯呀～～～

餃子定食已經有十隻餃子，仲有一碗白飯，歡爸你努力啦！不過咁好食嘅嘢又點會食唔晒吖！個個攬住個肚腩上車囉～～～

３點半就到咗日光輪王寺(世界文化遺產) http://www.rinnoji.or.jp/
呢度周圍都好靚，好可惜天氣唔好，先前落過雨，地下好，小朋友無得落地玩，不過毛毛好似唔介意，媽咪抱住唔使行，仲好咁喎！

仲有ｄ地方維修緊～～～

雖然天氣唔係幾好，但都好在無落雨，有機會希望可以好天再嚟一次慢慢睇～

本來我哋仲有ｄ地方想去，不過見陰陰天，都取消咗，早ｄ返酒店玩算啦！

兩位媽媽＆兩位小朋友一上車又瞓到pair pair full，豬人生活真係無得頂，辛苦晒啦兩位爸爸～～～

輪王寺→ 鬼怒川温泉　きぬ川国際ホテル (TEL: 0288-77-0019)***(22.2KM 45分 350円 IC-5.8KM) 一般道路  22.6KM  48分

今次住呢間係日式，毛毛就最鍾意，因為所有嘢都好接近佢嘅高度！

毛毛：媽咪枱面有咩我都睇到，你無得呃我ｄ嘢食晒啦！

你哋睇呢隻小鬼幾神氣，毛主席要準備開會啦～～～

休息咗一陣就去食飯啦，日式晚餐，我的至愛呀，有團友話未見過我食咁多嘢喎！　　　　　

可以抱住兩隻小鬼食飯，真係食咩都咁好味呀！

小朋友嘅住宿費都係包早晚餐，有雞肉同鮮奶，不過驚毛毛同歡歡唔習慣飲奶會肚仔唔舒服，所以無要鮮奶囉～

歡歡：媽咪，呢塊俾我架？

歡爸話要專心食飯，試清楚ｄ味道喎～

見唔見呀，小狗係坐ｂｂ櫈架！

有個小朋友扭計唔食飯，唯有打包返房晏ｄ食啦！

食完飯仲要去shop埋ping先，返房休息一陣先去浸溫泉，爽呀！

呢隻女返到房見人哋舖好晒ｄ床舖，佢就開心到喺ｄ被舖上面好似等兔仔咁跳跳跳，好似好好玩咁，玩完開心到佢個樣～～～

小毛毛嘅床舖，仲有公仔陪佢瞓架！

毛毛：Good night 啦各位！

鬼怒川温泉　きぬ川国際ホテル
(TEL: 0288-77-0019 ／FAX: 0288-77-0246) 
〒321-2526　栃木県日光市鬼怒川温泉滝540
http://www.kinugawakokusaihotel.co.jp/index.shtml
1部屋： 11,550円 × 2名 =  23,100円  (1泊2食)，犬 1泊2食付 2,100円