2014 英國巴庫＋冰島＋日本東京 DAY 3 (19 SEP 2014 FRI)

2014 英國巴庫＋冰島＋日本東京 DAY 3 (19 SEP 2014 fri)

Bath University + Downtown Bath

早餐喺酒店食，餐廳細細好優雅～

有少量自選嘅食品可以自己攞，熱嘅食物係order架～

呢個奄列好好味...可惜第二朝趕飛機無得再食！

毛爸個早餐都好正呀！

今日先記得影返酒店個d樣，都好靚架！

令人相當懷念嘅郵筒～

噚日酒店老板娘話我哋知，每朝10:30有免費遊Bath嘅tour可以參加，所以食飽早餐就出發去join啦，每次入城都要經過呢條Pulteney Bridge (普爾特尼橋)，噚晚落大雨，今日好滿水呀！

一過咗橋就見到呢間餐廳，就係毛爸以前做part time嘅地方，不過已經唔同晒啦，所以都無入去囉～

早咗出嚟，未夠鐘，又周圍行吓先～

行過呢間好嘢，入去買咗幾支hand cream，好用呀！

跟住就大穫了，見到8哥手套即刻掃咗十對，諗住5對做手信，5對放上網義賣幫Ｄ毛小孩籌款，初初仲擔心賣唔晒，因為我都賣得貴架，兩英鎊，我賣HK$50，點知一放上網，唔洗一分鐘賣晒，仲要好多人排住話要買，反應好到真係嚇Ｃ我！最後返去補咗兩次貨，兩大袋，不過到最後都係唔夠貨分俾Ｄ善長，真係唔好意思！

掛住買嘢攪到遲咗join唔到免費tour，咁唯有自己行啦！Bath周圍都好多呢Ｄ地圖，搵景點好方便，讚！

The circus

 Royal Crescent

一見到呢Ｄ場面我就好想鬧香港政府！好嘢唔見佢學吓喎！

好似返咗古時歐洲咁～

Lunch去咗一間幾出名嘅餐廳食Fish & Chips

叫咗個牛肉批同fish & chips, 兩樣都超難食！

TripAdvisor D 評語唔可以盡信～

食飽返酒店放抵Ｄ戰利品，然後開車去Bath University俾毛爸尋找吓佢Ｄ童年回憶～

 其實佢個校園幾似中大～

懷緬過去...XDDD

毛爸話多咗好多建築物，已經唔認得邊度打邊度=.="，以十足中大咁！

圖書館，見到就想走！

最後終於有返記憶，搵到自己住宿舍時間房，不過而家出入口都鎖咗，無得入去房門口影添～

跟住就去食晚餐，因為呢間係米芝蓮1星餐廳，所以出發先已經訂好咗枱，地點較遠，開車去時遇到塞車，好在唔係塞好耐～

Menu Gordon Jones

http://www.menugordonjones.co.uk/index.php/home/

餐廳無地方停車，只好停係附近嘅橫街度～

餐廳地方好細，只有十幾個位～

呢間嘢d食物味道好一般，無特別又無驚喜，仲要食到一肚氣！又信錯TripAdvisor！

話說佢晚餐係7-9pm，食物無得揀，嗰日個廚整咩你就食咩，我訂7點，去到就俾咗支水我哋，當時只有我哋同另一枱兩個鬼佬客，然後等咗半個鐘就上麵包，其間陸陸續續有客到，再等多半個鐘，就俾碗湯你飲吓，等到8點，差不多坐滿人d上菜速度開始快啦，8點嚟嗰d人同我哋同一時間食主菜，我就火都嚟，我無義務等你d客架，佢哋唔嚟我係咪唔洗食呀，我唔洗俾錢架，叫個waiter嚟叫佢上菜快d，佢話控制唔到，鬧完佢一毫子貼士都唔俾就走，嗰餐食到9:30pm，我哋訂7點就係想早d食完早d瞓架麻，聽朝8點要開車呀！

返到間靚靚酒店心情先好返d～

幾眼瞓都要影埋d收穫先瞓...XDD