2014年1月29日 星期三

2013 玻利維亞+南極 Day 20 (25 Feb 2013 Mon)

Cruise day 8 - Cruising in the Wedell Sea (Antarctica) （原本行程）
Crusie day 8 - Gourdin Island & Brown Bluff (Antarctica)（船長送嘅）

本來今日係無得上岸，點知船長話天氣好，時間又許可，今日會俾我哋額外上多兩次岸玩，真係好驚喜，本來諗住可以上齊７次岸已經好開心，點知仲有得送咁多，真係要感恩呀！
行咗一晚船，瞓醒就到目的地，可以上岸玩，坐郵輪最好就係咁！



又一個晴天，上天真係對我哋唔錯呀！


行出露台，遠遠見到一大舊浮冰！





行近Ｄ，原來大得好得人驚架！














成個島咁呀！


梳洗完去食早餐，食飽又可以出去玩啦！


第一站Gourdin Island
10:00出發，咁樣上岸大家已經習慣咗，個個行動都好敏捷！


跟住就行上山啦！


見到Ｄ小海豹，不過都唔可以行近佢哋，雖然佢哋細，但都會有危險！










我哋嘅隨團攝影師！


呢個島最特別嘅係可以喺同一個島上面睇到三企鵝，係南極係好少有架！


唔好見咁好太陽又無乜雪，實情係又凍又大風！





呢度Ｄ山路好難行，全部係尖石路，要行得好小心唔係好易扭嚫！


準備上山啦！


幾經辛苦先行到上去，嗦晒氣！


望返落去係我哋登岸嘅地方～


有Ｄ團友已經開始落山啦，步步為營！


我哋就聽埋書同影多陣相先落！




未換好毛嘅Adelie企鵝，個樣好搞笑！


Chinstrap企鵝，好型仔！


呢張相有齊呢個島上嘅三種企鵝，Adelie，Gentto ＆Chinstrap企鵝





你哋會唔會覺得好奇怪點解我會帶副滑雪鏡去南極呢...話說我同毛爸係一人帶一副正常太陽鏡去嘅，但我又怕大風所以帶埋副雪鏡去做spare，點知去到阿根廷我先發覺唔記得幫毛爸執太陽鏡，咁咪係阿根廷買副囉，又點知去完個玻利維亞副嘢已經捱唔住爛咗，咁我就借咗我副俾毛爸，我自己就扮型用雪鏡...仲俾人以為我好得戚...其實我都唔想架！







好開心嘅一個上午，由等坐Zodiac返去食lunch啦！因為無碼頭，Ｄ工作人員安排我哋上落Zodiac都好辛苦吓，真係要同佢哋講聲多謝，唔係有佢哋我哋無玩得咁輕鬆！


拜拜啦Gourdin Island！





開快Ｄ，肚餓呀！
行咗成朝又凍又餓，換完衫就去食嘢！







呢個係我最愛嘅雪糕，每次都要食兩球！


下午３點又出發，今次目的地係Brown Bluff ～


因為呢度都幾大風，隻隻企鵝都背住個海企，好似面壁思過咁







今次我哋隻船泊得好遠吓，可以因為多大舊浮冰...






喺岸邊影咗好耐企鵝，佢哋真係好可愛！
搵食中嘅企鵝游得好開心咁呀！
做人阿媽唔容易，有片為証架！陸地都一樣追！不停咁追...hahahaha....





我哋行到海灘盡頭再行過一Ｄ山路去島嘅另一面睇吓有無嘢睇！


 有Ｄ灰濛濛，睇唔到Ｄ咩！


























影吓相又回頭啦！















呢度黃昏影色好靚，有Ｄ唔捨得走添！






Ｄ船員搵Ｄ舊心形石同我哋分享，佢哋真係好好人！


 又一日，返去啦！



返到上船仲要聽埋聽日個expedition briefing先去得食飯，散晒！

 美味晚餐！











張貼者： 於

沒有留言:

張貼留言

訂閱： 張貼留言 (Atom)