香港已經有正式嘅寵物旅行社,大家想帶寵物去旅行又怕自己攪手續嘅朋友可以如願以償啦,今年灣仔嘅寵物展佢哋有擺booth,雖然我無去寵物展,不過都有探子報料我知呀~
啱啱睇晒d資料,所有嘢都好吸引,唯獨是個價錢好嚇人,七日六夜,人要收HK$22,000-25,000,狗狗淨手續費要成萬二蚊,已經計埋discount,仲未計運費,另外再加3-4千蚊嘅團費,加加埋埋,一隻小狗(around 7kg)全費要接近HK$22,000,大狗(around 25kg)全費要接近HK$27,000,我就真係接受唔到囉,都係勤力d自己攪算!
毛爸仲笑我,叫我收平d,接咗佢哋手續嗰part嚟做,揾返d外快幫補家計喎!
接咗佢做啦.
回覆刪除[版主回覆02/20/2011 23:05:00]不如攪奧地利旅行團我做領隊,你做導遊呢....
我都係咁話,你不如開啦,我噚日都有去寵物展一睇個價錢真係嚇左我一跳我一心想返來問你小狗檢查0固part要幾錢呀!
回覆刪除[版主回覆02/20/2011 23:12:00]話開就開咩,我無EQ,d客實俾我鬧走晒,我呢d脾四唔做得服務性行業架!
實際費用好難一概而論,因為驗血費用個差價好大,不過如果佢哋包咗嚟做成本應該平好多,成本應該少過5千,已經係計無包嚟做個價~
毛媽,
回覆刪除又到您一家去旅行呀!見到您分享您所識同鄰居手望相助 ,又出發 !真的令我羨慕又渴望呀!
祝您們有一個超愉快又順利旅程 !番黎記得詳細地分享!好讓我喱d懶鬼有得參考參考 !嘻!
Enjoy!!!
[版主回覆02/20/2011 23:21:00]Ivy,
今次旅程真係好難得,11個人淨係假期都已經好難夾,人多手續又會再麻煩d,可以成行都係多得大家嘅努力,所以我都好期待出發嘅日子呀!
多謝晒啦,會啦,而家我盡量都會寫遊記,留返第日老咗可以有個回憶~
毛毛媽
嘩,搶錢咩!
回覆刪除[版主回覆02/20/2011 23:22:00]都真係幾貴!
我地真有睇過呀! 真係貴到無朋友.. 仲要日日要比導遊費, 真係無十萬都去唔到呀!
回覆刪除[版主回覆02/20/2011 23:25:00]係喎,我都未計導遊費!2人1狗去一次真係要十萬呀!自己去好過啦!
果間野食水好深喎....
回覆刪除[版主回覆02/20/2011 23:25:00]佢哋嚟自你鄉下喎!
我諗貴極都會有人跟既, 不過唔係for我地呢D庶民啦!
回覆刪除[版主回覆02/20/2011 23:28:00]你咁鍾意自由行,就算佢幾平你都唔會跟啦!
毛毛媽, 我都有去睇過, 仲有一個問題就係單張無顯示旅行社牌照號碼,即係是否可以辦團都成問題, 仲要先落5000訂.所以都係好似你咁講,辛苦d, 麻煩d, 自己搞好過 ~
回覆刪除[版主回覆02/22/2011 00:15:00]我都係咁話,而且當中嘅過程都好值得享受架!
我尋日都有去, 老實講食水真係好深, 仲有其實問佢地d staff有d野仲係好唔清楚咁, 尤其係最重要的寵物出入境果方面答到好唔清楚. 但聽聞已經成左團啦都...
回覆刪除2人1狗10萬去7日6夜, 真係去2次都得啦....
p.s. 先2日send左個email去新千歲branch問野, 而家發現抽血之前佢地只係計 PatPat打左一針, 因為2針中間有左空檔期喎! 真係晴天霹霹呀! 又怪我地自己真係唔check得清楚d先去抽血...而家如果想今年9月尾10月成日, 再補枝針同抽血都仲來得切. 但問題係又要捱多野lor....
如果今年唔去, 出年先去, 就遲d再做返同樣手續, 但再過多年, PatPat又老一點, 我又再擔心多一點...而家真係仲諗緊點好呢
[版主回覆02/22/2011 00:26:00]好似其他d朋友咁講,幾貴都有人去,不過唔係我哋囉!
你個case如果我無了解錯,PatPat應該係兩支瘋狗針中間相差超過三年,如果係咁,日本就會唔針你第一針,所以PatPat真係要起行前最少三十天前捱多針,但以我所知係唔洗再驗血架!你填日本form時,新打支針填係”採血後”嗰一欄就得!
我尋日都有去, 睇見佢個價錢表真係O晒咀, 成10萬銀真係好貴好貴, 真係唔係平民去得架!
回覆刪除[版主回覆02/22/2011 00:29:00]佢d價錢真係好誇張,如果d人睇完佢個價,再睇我個blog,一定以為我係大富豪!
I agree wtih 毛爸's suggestion!
回覆刪除[版主回覆02/22/2011 00:33:00]真係估唔到大家嘅反應,其實出書時都真係有諗過吓,不過再諗諗自己d唔激得嘅性格,開咗都應該好快執粒!
WOW!!!!!!真係好貴喎!
回覆刪除我都好讚成毛爸既講法 , YEAHHHHHH
[版主回覆02/22/2011 00:47:00]如果係呢個價,我都唔會去!
再諗諗先啦!
所以我地睇完個價錢都費事彩佢, 最後都係打算自己搞, 我一早都叫你做呢d統籌同planer架啦~~ 一定大把客
回覆刪除[版主回覆02/22/2011 00:55:00]佢個價真係幾誇張,自己搞好,中間d過程都好開心架!
再諗諗先啦!
Exactly就係過左3年呢個情況囉! 以你所知係唔係有人都試過我咁情況? 補針無問題, 如果要再抽血真係要諗清楚好唔好咁快又要抽過血囉! Anyway, 而家等緊日本果邊的回覆. 你地都早d休息啦! 後日就出發啦! 聽日仲有大把野搞架! 祝一切順利, 玩得開心, 食得盡情!
回覆刪除[版主回覆02/22/2011 01:01:00]毛毛第一次去日本時試過囉!
我同你相返諗法喎,抽血我就無問題,因為都順便驗吓有無其他病,但補針我就唔想,因為d針始終都係d細菌,最好少d打!
知道,而家去瞓啦!Thanks.
毛媽, 一於接 job 搵外快啦!
回覆刪除[版主回覆02/22/2011 22:58:00]你係咪幫我揾生意先!
凡都係咁話.... 接受唔到lor ....
回覆刪除[版主回覆03/04/2011 19:04:00]嚇c我添呀!
緊張得濟.... 嚇親打錯字... 我真係接受唔到呀...hahaha!!
回覆刪除[版主回覆03/04/2011 19:05:00]咁又真係幾嚇人嘅!