第四天：河津櫻 26-2-2011 (六)
ｄ團友真係早起身，連日出都影到，呢個時間我應該仲係同周公子傾計傾得好投契嘅時侯！
估吓佢係邊個...
都係時候起身梳洗，俾毛毛霸咗個頭位添！
今日特登早咗起身，喱度咁靚，食早餐前去影吓相先啦！
點知喺我哋影相時，有個攝影師話幫毛毛影相，唔收錢，影完靚先俾錢買，唔使錢咁又無所謂喎，影咗先算啦！
不過喱隻囡，影相好唔合作呢....
你哋睇吓佢，仲”超”人哋添呀！
影動感相就要我幫吓手拋波波啦！
影狗狗真係幾辛苦架，你睇吓幾高難度！
好啦，影完佢哋就話我哋知幾時有相睇，啱嘅可以online買！
毛毛：唔知佢哋影得我靚唔靚女呢？
好啦，要去食早餐啦，當我哋經過去餐廳嘅走廊時，發現除咗有男廁，女廁，仲有狗狗專用廁所，係獨立房間，真係夠晒私隱！
好啦，介紹完可以正式開餐啦！西式早餐，其實都好好味，不過我都係鍾意日式早餐多ｄ！
喱度ｄ咖啡好好味，ｄ杯又靚，喺日本好少飲到喱個質素嘅咖啡，正！
但喱度ｄ人都唔係好識英文，所以大家溝通時會比較花時間！
食飽就喺酒店度散吓步，再影吓相先，因為呢度太靚啦！
喱條唔係通去酒店個dog run架！
大家認住啦，喱個就係有囡萬事足嘅樣啦！
影完酒店，我哋正式出發去我哋今日第一個行程”河津櫻”啦！
河津櫻 (位置於酒店附近)
http://www.kawazu-onsen.com/sakura/sakura.htm
因為今日係星期六，所以好多人好多車，好辛苦先搵到兩個非法位泊抵架車，我哋其實想泊停車場架，不過全部full晒，咁無計啦，非法位都泊住先啦，早知我行落嚟，一定快過揾位呀！
我去咗咁多次日本都係第一次睇到咁啱時候嘅櫻花，全部花都開晒，但一ｄ燶嘅花都無，真係好靚！我哋成班人都好似癲咗咁，不停咁影影影......
歡歡，花花唔食得架！
眾團友門，影相中都不忘shopping 呀！
喺河邊行已經靚到咁，一落到河更加不得了，又嚟狂影！
辛苦晒呀，各位家長！
喱度都幾大風，毛毛變咗豎耳狗！
要同小朋友影一張靚相真係容易啦，仲要有ｄ小朋友唔合作呢...
最後終於有張見得人嘅相啦！
毛毛：媽媽好曬呀，幾時先影完架？
好啦，到大合照時間，又嚟挑戰我哋個喉嚨啦！
行完河邊，我哋就去埋大噴湯，噚晚已經睇過佢個夜影，今日再嚟睇吓佢點噴先！
喺我哋睇之餘都不忘食架，買咗ｄ蛋去滾，一陣有溫泉蛋食！
放好蛋就揾位睇噴湯啦！
噴啦，噴啦，都真係噴得好高吓喎！
等食中....
攞咗蛋要浸吓凍水，咁ｄ蛋殼就好容易剝架啦！
食得啦！
大噴湯裡面仲有個足湯，行咗大半日，浸吓腳仔先～～～
咁大班人一齊浸腳都係第一次，爽！
一路玩到下午３點幾先醒起我哋未食午餐，勁呀，玩到唔使食啦，行過見有燒魚就買條頂吓肚啦，唔可以食咁多，因為我哋今晚要睇夜櫻，所以酒店安排咗我哋５點半食飯，食太多，一陣間食唔落個晚餐咪好唔抵，我忍！
當我哋回程時見到ｄ好”核突”嘅蘿蔔，好多人經過架麻，真係吖....
回程時啱啱有少少日落，又再嚟影ｄ黃昏照先！
走嗰陣都係人山人海架！
本來我哋諗住喺喱度玩半日，下午會去大室山架，不過喺呢度一直玩到唔捨得走，所以cut咗大室山個行程，不過唔緊要啦，去邊都好，最緊要大家開心就得啦！
一返到酒店，拿拿臨開飯，因為7:30酒店會有車車我哋去睇夜櫻！
唔使揸車，大家可以放心飲酒啦！
今日我哋食西式晚餐～～～
全部嘢都好好味，不過都係嗰句，我都係鍾意日式晚餐多ｄ！
小朋友都有曲奇餅食架！
個個小朋友玩咗一日，食飯時都攰到瞓晒～～～
喱間酒店仲有好多嘢賣架，等酒店車時，團友都不忘shopping呀！
第一次睇夜櫻，原來夜晚睇都幾靚架，當然唔夠日頭靚啦，不過又有另一種美啫！
影飽返酒店就到今日嘅重頭戲”狗狗浸溫泉”啦！
毛毛：媽咪．我想瞓覺多ｄ喎！
好啦，我哋都好有規矩嘅，沖咗涼先！
不過沖沖吓涼已經大混亂啦，仲開始水戰添呀，見唔見毛爸企高咗呀！
喱幾張大合照都知搞咗幾耐，最終都影唔到一張淨係狗狗嘅大合照！
最後菇菇仲出埋喱個出位造型，俾佢搶晒境啦！
小狗就去晒細池浸，大狗就喺度游溫泉水，真係嘆得佢哋吖！
原來毛毛咁瘦架咩？
好啦，阿四開工時間啦，因為得一架風機，咁就留俾大狗用，小狗返房吹啦！
超級攰嘅一日，但真係好好玩，好靚，幾攰都值得！
ホテル四季の蔵 (Tel : 0558-32-1272)
〒413-0511 静岡県賀茂郡河津町峰1169
http://www.shikinokura.com/
1部屋(2泊4食 - 連泊割引) 雙人房/37,000-39,000円/人, 三人房 42,000円/人,
寵物2,100円/犬/日 , 駐車場無料
wow sakura is really beautiful in 河津.. I like the one that Momo with flying ears so cute.
回覆刪除[版主回覆03/22/2011 21:50:00]真係無諗過河津櫻會咁靚，今次我哋喱個trip真係好好彩！
嘩～～四葉草好羨慕呢!！
回覆刪除[版主回覆03/22/2011 21:57:00](Empty)
我詁係Coco，美麗的日出，香港好難睇到架。
回覆刪除[版主回覆03/22/2011 22:00:00]俾個影你睇都估中，你對我哋ｄ小團員好了解喎！
毛毛,你著左件和服真係好可愛呀!
回覆刪除超混亂!
[版主回覆03/22/2011 22:04:00]嗰晚真混亂到暈，個個都玩到癲晒，笑到肚痛，成日唔知邊度無啦啦有水潑埋嚟，玩完成身濕晒，我哋睇返D video仲亂呀！
終於有無幫趁個photog呀？ 櫻花相影得好靚呀！ 浸溫段果度真係... 七國咁亂，裙拉褲甩
回覆刪除[版主回覆03/22/2011 22:07:00]梗係有啦，人哋咁落力，一定要鼓勵吓！
我諗你喺度應該影得仲靚～
仲有人無啦啦玩潑水，真係大混戰呀！
行程超正..睇相都知你地依日勁倦呀!但個個小朋友實訓到好甜呢
回覆刪除[版主回覆03/22/2011 22:09:00]係呀，天光玩到天黑，ｄ小朋友浸完溫泉就梗係瞓得甜啦，我哋ｄ大人就攰到ｃ咗！
毛毛：媽媽好曬呀，幾時先影完架？
回覆刪除毛毛，你好似丹麥美人魚呀
[版主回覆03/22/2011 22:25:00]喱個囡都算係咁，俾我哋影咗幾百張相都係黑咗一陣間面咋！
櫻花真係好令呀....可惜長州果個唔同顏色...(係紅色)...矛得去日本睇都可以去長州睇丫嘛...
回覆刪除[版主回覆03/22/2011 22:27:00]吓？櫻花有紅色架，我仲以為全部都係粉紅色添，咁要夾啱時間去長州睇吓啦！
回覆刪除[版主回覆03/22/2011 22:50:00]有要掛住笑，又要捉住隻女，仲要望鏡頭，真係忙到呢.....
回覆刪除兩個件衫都好靚
[版主回覆03/22/2011 22:48:00]好記性吖！
呢日真係好開心，好難忘，仲有我好掛住日本。btw,河津櫻呢個品種好似叫大寒櫻，so 幾度都會開花
回覆刪除[版主回覆03/23/2011 20:04:00]梗係難忘啦，飯都唔記得食呀！
唔使掛，我哋好怏再去！
好多櫻花，好正！
回覆刪除[版主回覆03/23/2011 20:15:00]所有連飯都唔記得食囉！
咪就係囉....可能香港 "品種"
回覆刪除[版主回覆03/23/2011 20:17:00]中國地方，連ｄ花都要係紅色？
櫻花超靚...成班狗仔一齊沖涼浸溫泉, 毛媽今次個 trip真係開心又熱鬧~
回覆刪除[版主回覆03/23/2011 20:18:00]人多狗多真係幾好玩，不過攰ｄ囉！
今次可以睇到咁靚既日夜櫻花, 真係好好運呀!
回覆刪除你地在溫泉大混戰, 好開心呀! hahahaha
[版主回覆03/23/2011 21:22:00]大混戰好好玩，下次預埋你！
真係好好玩呀....
回覆刪除[版主回覆03/25/2011 14:21:00]係呀，ｄ大人仲要玩到成身濕晒呀！
回覆刪除有腰架. HAHA
[版主回覆03/25/2011 14:22:00]我都係啱啱喺呢張相度發現咋，平時唔覺有嘅？
河津櫻真係靚到暈呀! 間酒店又正噃! 睇左d相搞到我地北海道都未去, 已經想去埋一份添啦!
回覆刪除[版主回覆03/25/2011 14:23:00]張驗血報告有效期兩年，大把時間，去幾次都得吖！
河津櫻真係好靚!
回覆刪除[版主回覆03/28/2011 17:25:00]我哋都覺得佢靚到係我哋意料之外呀！