仲有兩日５位老細就會帶同11位隨員乘坐國泰CX520號班機向日本出發，作狗狗街坊褔利事務訪問，等我同大家介紹吓我哋嘅成員吖！
MOS專業試食員&娛樂事務大臣 - 路途上嘅娛樂，沿途揾食，都係靠佢地，我哋食唔食得飽就要睇佢哋架！
你哋睇吓呢ｄ相就知點解俾個娛樂事務大臣佢做啦～
MOS首席design乸同design公 - 靚靚制服同logo就係出自佢哋手！
MOS旅遊事務大臣兼財政大臣 - 負責行程安排同５位老細嘅出入境手續，熱愛洗錢嘅我，當然樂意兼任埋財政大臣啦～
MOS通訊科主管＆專業駕駛員 - 日本路上嘅通訊靠晒佢～
MOS公關經理 - 我哋開會嘅安排，同好多細節都係靠我哋呢位歡公關架！
MOS隨團專業醫療隊 - 負責照顧我哋全團大人同小朋友嘅健康！
MOS隨團專業babysitter - 如果爸爸媽媽唔得閒，托兒服務就交俾佢哋啦！
當然最重要嘅就係５位老細啦！
介紹完工作人員，再介紹吓我哋ｄ行李配件啦～～～
手工嘢都係由我呢位打什負責嘅，各團員嘅行李牌已經ready啦！
行李牌襯埋靚靚索帶，黑色嗰ｄ就係要嚟索住個籠用嘅～～～
另外我哋重印咗唔同size嘅label，貼到毛毛成個籠都係呀！
行李都有佢自己嘅label，每家都有自己嘅logo label，一望到個label就知件行李係邊個嘅，包無送錯行李啦！
我都想搬去you個度住。
回覆刪除[版主回覆02/22/2011 22:35:00]好呀！我都想多個好鄰居～
行李牌都好 靚 喎.
回覆刪除[版主回覆02/22/2011 22:35:00]我哋有個專業design毑同design公麻！
momo媽， 多謝你回覆，有無做d旗仔，好似旅行社果d。 祝你們快樂出門，平安回家，買多多手信。 謝謝
回覆刪除[版主回覆02/22/2011 22:38:00]唔使客氣，旗仔就無，不過帶咗個有聲嘅狗狗玩具，等ｄ狗狗跟住行！
多謝晒！
真係羨慕死我蘇蘇，有咁多阿四隨團一定好嘆呀！
回覆刪除[版主回覆02/22/2011 22:39:00]蘇蘇唔使羨慕啦，佢都有專業阿四洗啦！
真係羨慕死frank豬同我喇~
回覆刪除[版主回覆02/22/2011 22:39:00]下次一齊去囉！
嘩.....你地好細心呀...
回覆刪除[版主回覆02/22/2011 22:40:00]人多係多ｄ搞作！
d Label好靚呀, 睇到我有d感動, 因為你地真係好專業好認真!
回覆刪除[版主回覆02/22/2011 22:41:00]真開心有人讚我哋玩得專業！
睇完真係不禁 : 嘩!!! 一聲ar!
回覆刪除babysitter同醫療團隊都有, 你地真係好細心ar!
連行李牌都有!真係好正ar!
越睇你地件制服就越靚ar!
連我都登你地未出發, 先興奮啦!
[版主回覆02/22/2011 22:43:00]我哋11個人分晒工架！
人多就要預備多ｄ嘢，方便大家麻！
仲有幾個鐘頭出發啦！
嘩! 正到簡直絕, 靚到無得頂
回覆刪除[版主回覆02/22/2011 22:45:00]你咁直接架！
真係勁專業呀比100個讚你地呀 玩得開心d影多d靚相同我地分享呀!
回覆刪除[版主回覆02/22/2011 22:47:00]嘩！100個讚發達啦～
知道，一定盡力影多d相，不過無冬爸ｄ咁靚架噃！
真係羨慕呀, 又飛喇, 哈哈~~玩得開心d呀~~!!
回覆刪除[版主回覆02/22/2011 22:48:00]Thanks Katy!!!
冇得頂. 你地快d成立公司, 帶團啦.
回覆刪除[版主回覆02/22/2011 22:55:00]要其他１０個團友肯做阿珍先得喎！
祝你地順順利利呀!!!! 影多啲, 食多啲, 買多啲...yeah !!!
回覆刪除[版主回覆02/22/2011 22:56:00]知道！一定盡力！
今次去幾多日呀 ??
回覆刪除[版主回覆03/04/2011 18:40:00]８日呀！
勁! 勁! 勁!
回覆刪除我老婆睇到唔得了！
[版主回覆03/04/2011 18:41:00]你嗰邊大把地方玩，唔怕啦！
洗唔洗完善得咁緊要呀??? 話時話幫我買嘢得唔得??
回覆刪除[版主回覆03/04/2011 18:42:00]你咁遲架，人地出咗發啦！
勁!勁!勁! 真係服務完善喇!!!!!!!!!!!!!
回覆刪除[版主回覆03/04/2011 18:43:00]我哋呢ｄ係一條龍服務架！
套制服真係幾靚!
回覆刪除[版主回覆03/04/2011 18:43:00]我哋個design毑同design公勁呢！
毛媽,
回覆刪除今次玩幾多日??? 真係好羨慕又緊張哦!!!
經過你的解答... 我們5人3狗鐵定呢個復活節假出發喇!! 除了等待日通回程報價,又有事要請教你喇! 除了回程日通個抬運費用( 每order計約 25000日圓外) ... 清關有什麼手續呢 ?? 會在那裡做呢?? 還是比日通代辨會好d呢?? 有勿野文件要預備?? 清關費用須多少?? 拜託....請告知 THANK!
忌廉媽
[版主回覆03/04/2011 18:52:00]我哋去８日咋！
清關有什麼手續呢 ?? 會在那裡做呢??
＝＝＞無特別，只係返香港攞咗狗，行過隔離海關俾佢睇睇同簽個名就OK!
還是比日通代辨會好d呢?? 有勿野文件要預備??
＝＝＞日通只可以幫你報關，清關要返嚟自己做，但唔係單單都要清關，要睇日通點幫你報，我哋去四次，得一次要清關，其他三次都唔使！無特別文件要交for清關～
清關費用須多少??
＝＝＞香港清關唔使錢架！
momo 媽， 我都有忌廉媽同樣的問題想向你請教，睇黎你回來後要再出多本狗狗外遊秘‘級’至得嗱。
回覆刪除[版主回覆03/04/2011 18:54:00]你哋一齊去架？
我地唔識架，blood test 上年8月已收到，我地想5月第一個星期出發去東京郊外，得兩人帶1狗狗去，昨晚收到日本approval code，他們辦事很快，旅館及機位已訂了，而家要填表囉，見到d表格覺得幾混亂，早知就跟埋你地出發啦（自己心諗，講吓詐） 。下星期至去申請許可證，希望趕得到啦！
回覆刪除[版主回覆03/05/2011 00:59:00]５月大把時間，一定趕到啦！
回程日通報我近250000日元，貴到嘔血，但不見有25000日元手續費這項在內？？？？？
回覆刪除[版主回覆03/06/2011 14:02:00]真係幾貴喎，我哋５隻狗加埋都係33萬咋，會唔會有ｄ地方大家誤會咗呀？你個籠幾大呀？
如果唔見25000日元手續費，你可以問吓佢個價錢包唔包檢疫嘅費用，如果包，你可以同佢講你自己做，問佢可以減幾多錢啦～
諗註用你地細毛果個籠既尺寸，預50公斤左右囉，未買到！狗狗自己約32公斤。 25000日元檢疫費是否指回港日幫我帶狗狗到獸醫果度檢查（即要填VC-DC1同一處）呢？？ 謝謝
回覆刪除[版主回覆03/07/2011 22:44:00]咁可能真係要啦，細毛得25KG咋！
係呀！
毛媽,
回覆刪除many thank~
* 我地而家等緊日通報價... 想問下日通早send 去係咪唔報住ga, 一個月前才報價嗎 ?? （我們4月26日起程)
[版主回覆03/07/2011 22:46:00]唔係架，佢會報咗價俾你先架，但要一個月前先可以process你個order!
我地email 左張form 去喇, 都有成個星期, 但無回音.... 我都係跟毛毛本書個address send 過去.... 方便比多一次個address我嗎, 唔過又攪錯 @-@ .thank!
回覆刪除[版主回覆03/07/2011 23:03:00]佢哋轉咗人呀，你用下面個contact啦！
日本通運株式会社 成田空港支店 国際営業第二課（輸出） ITO Nippon Express Co.,Ltd. Narita Airport Branch International Cargo Sales Dept No.2 (Exp.) Tel: +81-(0)476-32-8011 Fax: +81-(0)476-32-8009 E-Mail : nret-tyo@air.nittsu.co.jp (group)
關於2萬5代辦檢疫手續費，日通電郵回覆佢地無這項服務
回覆刪除[版主回覆03/09/2011 22:02:00]咁真係好貴呀！
仲有日通話個運費要計重量同時要計埋體積，原來我地用左個比細毛大少少既籠叫佢報價，所以咁多$$$$$$$$$$
回覆刪除[版主回覆03/09/2011 22:03:00]佢哋係睇計邊樣貴就計邊樣，回程通常係計體積會貴ｄ！