琴日打9号風球，好驚影響到我哋今日嘅趴地，不過今日我哋得到一個意外嘅好天，藍天白雲，天公造美！不過由於我未試過搞咁多人嘅活動，所以令到呢個活動唔係咁暢順，亦都未能好好哋同每一位參加嘅朋友傾吓，真係招呼唔到，希望大家唔好介意，同埋多多包涵吖！
安安你好嗎？今天連BB都有嚟！
８月果然係好嘅月份，一共有３位朋友今日生日，有Spicy媽，Priscilla 同埋Katy!祝佢哋個個都身體健康，越嚟越靚！
今日嘅食物都幾好味，時間唔多，所以每款都係食咗一件咋！
我哋總共有３０人同堆２１隻狗狗，非常開心可以一次過見晒咁多朋友!
安安前一排病咗，今日見到佢好活潑，成日笑，應該無大阻啦，咁媽咪就唔使咁擔心啦！
涼粉影緊相嘅時候，籐條竟然嚟搶鏡喎！
Spicy原來同毛毛差唔多一樣重喎！
肥毛你真係要減肥啦!
Dee Dee，歡歡同細Mo
你哋估吓我同Katy抱住幾多隻狗呢?
今日收到一份好特別嘅禮物，就係Alice親手做俾我食嘅月餅啦，嘩！月餅係我好鍾意嘅一款應節嘅食物，最高記錄一個中秋節，我自己一個人食咗７盒月餅（係正常size，唔係迷你裝），每個月餅都有Alice嘅愛犬個名粒粒同珠珠係個餅皮度架，好靚吖，不過Alice話放多一兩日會好味ｄ，所以而家要忍忍忍啦！
多謝晒你呀Alice！得閒去Alice個廚房睇吓，不過記得食飽飯先好去喎！
http://www.wretch.cc/blog/alice0209
總括嚟講，今日我哋一家都好開心，不過真係覺得有ｄ招呼唔到囉，希望大家多多包涵吖！仲有毛爸都影唔晒毛毛ｄ朋友仔，遲ｄ係你哋個blog睇啱，可唔可以send返張俾我吖！
*另外Spicy媽幫我哋講返嚟個折扣ｄ錢就係用咗嚟買蛋糕同３位壽星女慶祝啦*
哈~哈~真係無諗過有人食月餅,會比我更瘋狂,你比我多食一盒.
回覆刪除[版主回覆08/23/2008 21:05:00]咦，同道中人喎，有無俾人鬧呀？
多謝你呀，毛毛媽！我地今日玩得好開心！！！
回覆刪除[版主回覆08/24/2008 09:37:00]我都玩得好開心吖，可以同咁多同道中人一齊玩，唔係成日有機會架，多謝賞面參加！
好熱鬧呀﹗最衰LoNickBa要返工吖﹗
回覆刪除[版主回覆08/24/2008 09:39:00]唔緊要啦，下次我哋擇星期日咪得囉！
毛毛媽,
回覆刪除小小心意, 不用客氣喇!
我地一家今日都玩得好開心呀! 我果兩隻係靜d, 珠珠仲差不多瞓咗成個鐘呀!
[版主回覆08/24/2008 09:45:00]咁真係好特別好特別嘅禮物吖麻，玩得好開心就好啦，因為人太多，真係忽略咗一ｄ朋友架，不過我估你哋個個都大人有大量唔會怪我嘅！ 祝你一路順風，玩得開心ｄ！
好開心呀 ! Thanks 毛媽 ! 多謝你寫左本書, 多謝你約埋我地成班一齊出黎分享.
回覆刪除仲有你個簽名.
[版主回覆08/24/2008 10:01:00]有無咁多多謝！ 你哋嚟係對我嘅一個好大嘅鼓勵，多謝晒！
嘩! 真係好熱鬧喎!!
回覆刪除[版主回覆08/24/2008 10:05:00]係吖，好熱鬧，３０人２１隻狗狗，我未試過搞咁大型活動架！
嘩...好熱鬧呀！ 毛毛..有無遇到靚仔木村呢....?
回覆刪除[版主回覆08/24/2008 10:10:00]係架，所以咪搞到我個傻阿媽手忙腳亂囉，好多靚仔呀，仲靚過木村，琴日我識咗咁多靚仔，而家我大把選擇，唔要木村啦！
哈哈~~~!!!今日真係好開心呀, 多謝晒你呀毛毛媽... 真係令我好驚喜呀....我下次又要簽名呀~~~!!
回覆刪除[版主回覆08/24/2008 10:13:00]最緊要玩得開心就好啦，唔使客氣啦！簽名無問題，不過我個簽名都唔值錢嘅，你都肯要吖！
全靠你，先有今日嘅party，多謝都唔知要講幾多次先至夠．．．多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝．．．．．
回覆刪除[版主回覆08/24/2008 10:17:00]我都要．．．多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝多謝．．．你哋一家三口賞面參加就真！
嘩, 好熱鬧呀!! 真係天公造美.
回覆刪除[版主回覆08/24/2008 10:20:00]之前都好驚架，就算唔打風落大雨都好麻煩啦，所以真係天公造美，咁我哋先可以玩得開心又放心吖！
嘩,好開心呀, 下次又要黎玩~~
回覆刪除[版主回覆08/24/2008 10:21:00]咁就最好啦，下次記得一齊嚟玩啦！
昨日真的天公做美...我2隻小鬼, 不知幾咁開心, 仲有美食
回覆刪除我好期待一次的約會呢
[版主回覆08/24/2008 11:08:00]我哋真係算好好彩，咁好天氣，你2隻小鬼真係好鬼可愛，又方便抱 ，多謝你哋一家四口賞面參加就真！
噚日我地一家四口都勁開心呀! 多謝晒毛媽毛爸的努力同精心安排! 仲有個surprise party, 真係畢生難忘呀!
回覆刪除[版主回覆08/24/2008 11:17:00]第一次見Spicy同Bingo，佢哋比我想像中細隻，Spicy好乖吖，做咩成日講到人哋”無夜叉”咁啫！多謝晒你哋一家四口賞面參加吖！
我要帶chanti返學, join唔到你地個聚會, 好可惜呀.....不過我終於買到你本大作喇, 我會努力刨書架喇, 希望帶chanti去旅行呢個夢想可以快d成真啦
回覆刪除btw, 毛毛媽, 我都係月餅怪黎架, 最中意食裡面d鹹蛋黃, 試過一個中秋食左38隻蛋黃呀, 滿足到丫.....不過之後發夢中風
[版主回覆08/24/2008 19:17:00]多謝晒吖！唔緊要啦，下次一齊玩囉，努力呀！祝你夢想好快就成真！
嘩！原來有咁多同道中人架，月餅真係好好食！ 好快又可以開餐啦！
尋日遲大到，真係唔好意思喇，錯過了不少溝通的時間，食完野個活動都差唔多完了，真係匆匆來匆匆去，如果下次有機會的話，希望能跟你們多作交流
回覆刪除p.s.好開心拎到毛媽的簽名及合照~~
[版主回覆08/24/2008 21:20:00]唔好咁講啦，我都唔好意思，唔知佢哋會係開唔足３０個位，所以搞到最後你哋要兩個人坐一個位， 好怏就會有第二次活動架啦，不過要等我聽日Book咗場先可以confirm！，多謝你哋一家三口賞面參加就真！
多謝你搞呢個function, 等我阿BB呢個鄉下仔都有机會去到咁遠見識吓人多狗多嘅盛況 ......不過唔好意思.....之前冇同你講會帶佢嚟 ......
回覆刪除[版主回覆08/24/2008 21:28:00]係咪諗住俾ｄ驚喜我呢？ 好開心可以見到ｂｂ同安安，多謝晒你哋一家四口賞面參加吖！
多謝momo媽安排呢次聚會啦
回覆刪除[版主回覆08/24/2008 21:37:00]多謝你哋一家三口賞面參加就真！
毛媽毛爸, 多謝你地呀, 個party搞得非常好呀! 我地都係第一次參加呢d活動o架~不過唔好意思, 我地早走未能同你講聲"再見&多謝" , 希望下次再見到你地呀!! thank you!!
回覆刪除[版主回覆08/25/2008 13:23:00]多謝晒你哋一家三口賞面參加吖！ 仔仔好乖好斯文呀，因為我都係第一次搞咁多人嘅活動，所以有ｄ手忙腳亂，希望你哋唔好介意，希望好快可以再一齊出嚟玩吖！
恭喜順利完成
回覆刪除[版主回覆08/25/2008 13:24:00]多謝豆豆，下次預埋你一齊玩吖！
momo媽多謝安排呢個party
回覆刪除[版主回覆08/25/2008 13:25:00]多謝你哋一家三口賞面參加就真！ 希望好快就可以再一齊玩啦！
好呀! 好呀!
回覆刪除[版主回覆08/26/2008 00:49:00]應承咗架啦！
唔記得公開多謝毛豬豬爸媽搞今次活動添
回覆刪除希望快d有seminar啦
[版主回覆08/26/2008 00:47:00]咁客氣嘅馬莎 ，好快嚟緊架啦！
好熱鬧..今次個活動都搞得好成功呀.....
回覆刪除[版主回覆08/26/2008 00:45:00]3B媽，唔好笑我啦 ，嗰日雞手鴨腳咁，好在ｄ朋友俾面無投訴咋，下次都係跟你學吓嘢先得啦，你搞親都幾十人嘅活動，仲要次次都咁成功！
OKOK. 你記者通知禾喎
回覆刪除[版主回覆08/26/2008 21:21:00]唔問題，一定記得！
好熱鬧既 party呀.. congrats！
回覆刪除下次要預埋我喎~
我plan緊明年6月會帶仙太郎一齊番加拿大玩..原本想今個11月不過天氣太涷仙太郎不能飛..好期待啊。
[版主回覆08/26/2008 21:24:00]好呀，下次一齊出嚟玩吖！
同佢哋齊去旅行真係好開心，就算要等咁耐都係值得嘅！
Hello! 我想問呢間cafe 包場做狗狗party 大約幾多錢呀?
回覆刪除[版主回覆08/29/2008 11:28:00](Empty)