毛毛的成長日子

第100篇blog，一定係寫毛毛啦!

毛毛今年5歲啦，佢兩個月大就嚟到我哋屋企!肥嘟嘟好可愛

仲好鍾意瞓覺，連影相都瞓!

喺爸爸手上，好似一隻毛公仔!

喺媽媽手上，好似一位小公主!

第一次學去厠所，發脾氣唔肯去!

細細個已經識"蝦"daddy啦~~~

呢張床佢而家都仲瞓緊，小毛毛好長情,唔肯俾我掉佢呢張床仔!買咗好多張新床俾佢都唔肯瞓，呢張床仔爛咗都唔知點算...

BB到而家都好鍾意喺厨房等我整嘢俾佢食~~~

好景不常，返屋企2個禮拜就開始病，一病就半年,見到佢小小嘅身體要受咁多苦，每日仲要迫佢食藥,真係好心痛...

最瘦時嘅毛毛，一d肉都無，皮包骨咁嘅樣真係好可憐~~~

每個星期要沖2次涼，仲要d藥水係個身度停留10分鐘，嗰陣已經近冬天，每次同佢沖涼都好辛苦，要不停咁"卒"，如果唔係會凍嚫小毛毛~~~

痛苦嘅日子終於過去啦，小毛毛又變返健康又靚靚啦!

為咗毛毛我哋決定搬屋，希望毛毛以後唔使再做黑市居民，由於新屋未入得伙，舊屋又要交俾人，小毛毛就同Daddy媽咪係酒店住咗5個月，佢好乖無吠過，所以住咗咁耐都無俾酒店發現!!        

我哋住嘅係apartment形式嘅酒店，有厨房，可以整嘢俾小毛毛食~~~

而毛毛都好鍾意住酒店架

係酒店浴缸游水兼沖涼!

一歲時做絕育手術,個喇叭淨係帶咗一分鐘，見佢咁可憐就除咗個喇叭，咩都唔做，淨係坐係度睇住佢囉~~~

一歲嘅生日禮物!

新屋入伙，毛毛嘅好姊妹creamy嚟探佢，毛毛就係我陪creamy媽去買creamy時唔覺意買咗返屋企架啦，佢兩個返咗我哋屋企之後就各有各病，好彩大家都養得大咋!　　　

第一次去彭福公園玩~~~

兩歲生日會~~~

第一次游水水~~~

3歲生日會~~~

一個休閒嘅星期天，陪小毛毛去游水...

小毛毛陪媽媽去燒嘢食，俾人整蠱...

4歲生日會~~~

遊柏麗灣...     

第一次去日本伊豆，而且幫媽媽完成咗心願~~~

第2次去日本北海道同過5歲生日~~~

小毛毛帶俾我同毛爸好多好多嘅快樂，但願小毛毛永遠健康快樂!!