大風大雨，都唔荒有街去啦，不過正當我係度釣緊魚嘅時候，突然間聽到有人話街街喎，即刻彈起，打風都可以去街街喎！
我哋首先去行返轉商場，第一件事梗係去醫肚肚先啦，唔知有無我份呢?
Daddy同媽咪都係食咖哩飯，所以我淨係分到ｄ白飯咋！
媽媽今次好醒目將我架車車泊係間餐廳嘅門口，貼住條邊泊，咁我就可以同Daddy媽咪一齊食飯啦！
你哋睇吓８号風球都有咁多人喺度行街街喎！
嘩！大減價呀，媽媽你有無興趣吖！
我就對呢ｄ公仔興趣大ｄ啦！
點解唔開門架，唔制吖，我要入去買公仔呀！
平時呢度好多人，一定影唔到相，今日影餐飽嘅！
行到咁上吓就梗係要去幫媽媽叉吓電啦，又係平時我嚟唔到嘅地方！
飲飲吓已經變咗９号風球啦，咁就拿拿聲返屋企啦！
好快就平安到步啦！
Daddy泊好車就返嚟做我個私人按摩師啦，幾好手勢架，你睇吓我個樣就知啦！
好正呀，唔好俾佢停！
錫晒你呀Daddy～～～
Daddy話我似小魔怪喎，邊似啫，我靚女嚟架麻！
打風真係好啦，又有街去，又有人陪，風風 I love you！
頭先出去順便買咗ｄ晚餐返嚟，不過我媽媽無咩新意，又係嗰味囉，淨係煮包烏冬，其他都係現成買返嚟放上去嘅，最重要係支沙拉汁，好好味架，不過都係我估咋，因為嗰碗咩都無嘅就係我架啦，另外菠菜煮熟雪凍再加沙拉汁都好好味架！
毛毛個樣真係好開心呀 ~
回覆刪除新城市廣場可以帶 99 架 ?!
[版主回覆08/22/2008 22:13:00]有街去梗係開心啦，佢哋無話唔俾喎！
我唔敢開罩呀, 原來都ok喎
回覆刪除[版主回覆08/22/2008 22:37:00]今日打８号風吖麻，平時都唔會開罩架！
毛毛, 你叫鸚鵡飛快啲啦, 快啲走啦, 我地聽日要去街街呀 ! 聽日幾點之前落風球, Teddy's Cafe 先會開返架 ? 我地好擔心呀 ~ ~ ~
回覆刪除[版主回覆08/22/2008 22:46:00]屎！ 媽媽唔記得問呢樣嘢添，無諗過阿鸚哥飛得咁慢架麻，如果聽朝起身都係８号風球，我就叫媽媽打去問然後通知你哋吓
鸚鵡飛快啲, 鸚鵡飛快啲 !
回覆刪除[版主回覆08/23/2008 00:38:00](Empty)
嘩~~~!!!毛毛你好勁呀, 9號風球都可以去街街....我哋今日寸步不出家門呀....哈哈~~~!!!! 係喇.....希望聽朝快d落喇.......
回覆刪除[版主回覆08/23/2008 00:42:00]我８号風球時去架，不過去到唔使一陣就改咗９号啦，係啦，飛快ｄ，唔好阻住我哋開party呀！
回覆刪除......後面嗰兩個哥哥係咪嚟緊捉你....
[版主回覆08/23/2008 00:46:00]嗰ｄ係我保鏢呢架，叫咗佢哋行遠ｄ架啦，都仲係唔聽話，都唔知點做嘢嘅？
可以行商場, 真係好啦! 我咁大隻, 諗都唔駛諗
回覆刪除[版主回覆08/23/2008 20:44:00]８号風球先咁架咋，平時媽咪唔會開個罩架！
momo豬.....你就好啦....我同kim哥哥佢地就忙到屎左啦~~~而+都係剛回到家jar...明早又黎過啦...
回覆刪除[版主回覆08/23/2008 20:45:00]辛苦晒啦，你哋就係奧運吖麻！
毛毛你有得去新城市廣場行街街就好啦, 我frank豬只係屈左係屋企發毛咋...
回覆刪除[版主回覆08/23/2008 20:53:00]咁你做咩唔出ｄ可憐眼神，等佢哋頂唔住咪就有得去囉！
毛毛你就好啦﹗8號風球都有街街去﹗
回覆刪除[版主回覆08/23/2008 20:55:00]8號風球周圍無咁多人，ｄ商場又睇得無咁緊，所以係去街街嘅好時機嚟架！
嘩...毛豬..發達 Lu... 打大風都有得去行街街.....
回覆刪除[版主回覆08/23/2008 20:56:00]就係因為打大風先有得去，周圍無咁多人，ｄ商場又睇得無咁緊幾好吖！
麵包 : 你就好啦, 九號風球都可以去街, 我喺屋企瞓覺咋.
回覆刪除[版主回覆08/23/2008 20:58:00]我８号風球時去架，不過去到唔使一陣就改咗９号啦，咁就拿拿聲返屋企啦！
毛毛, 你真係好勇敢, 今個9號風球咁勁 你都可以同Daddy Mommy 一齊去街街; 而且返到屋企仲有Daddy 幫你按摩, 好sweet 吵~
回覆刪除[版主回覆08/23/2008 21:03:00]打風周圍無咁多人，ｄ商場又睇得無咁緊，所以係去街街嘅好時機嚟架！ 我Daddy幾好手勢架，不過佢成日要返工，好少幫我按架，打風唔使返工，梗係按摩嘅好時機啦!
我隻狗都係鍾意咁樣按摩架~~
回覆刪除[版主回覆08/23/2008 21:08:00]係呀，咁樣按摩真係好爽架！
我到依家都唔敢試比嘉嘉坐車去商場, 就算係個袋度, 我都係唔比佢個頭突出黎...
回覆刪除[版主回覆08/24/2008 09:58:00]就係因為打風先咁架咋，平時都唔會開罩架，周圍無咁多人，ｄ商場又睇得無咁緊吖麻！
咦, 原來打風可以咁去商場....等我下次又試下先, d 管理員無趕人走咩
回覆刪除毛毛話~~ 我碗烏冬無餸喎 你係咪漏左呀媽媽
[版主回覆08/26/2008 00:12:00]打風ｄ管理員都唔知去晒邊啦，所以Daddy咪帶我去行吓囉！
我講咗好多次啦，媽媽好似借咗聾耳陳隻耳咁，聽唔到，聽唔到！
毛毛, 你都鍾意KITTY架??
回覆刪除[版主回覆08/26/2008 00:13:00]其實我咩公仔都鍾意架 ，只要俾我玩就得架啦！
嘩..毛毛你都好識望鏡頭...仲有打大風都有街街去....
回覆刪除我地幾個係屋企hea咋....
[版主回覆08/26/2008 00:21:00]媽媽只要一叫ｄ食物名我就會望住佢架啦，其實我唔係望鏡頭，係望吓媽媽係唔係有嘢俾我食咋！
出咗去一個鐘到咋，一掛９号我哋就拿拿聲返屋企啦！
毛毛我見到右下角有一細碗烏冬, 嗰碗一定係你架喇~
回覆刪除我哋過新年時都會帶miu miu去新城市廣場影相, 我哋用手抱住佢架咋, 不過都冇人理我哋, 去到西田嗰邊我哋直情叫ｄ埸務職員幫手楂機, 其實我都唔知究竟狗仔入唔入得商埸, 不過可以肯定佢哋唔能夠自己落地行囉~~
[版主回覆08/28/2008 13:30:00]係囉，最細又無餸嗰碗咪係我架囉，佢哋就大魚大肉！
平時媽媽同我去都唔會俾我落地行架，佢話費事俾人話喎！