小鄉姑ee同uncle姑爺有遠遊，就將兩位愛女Creamy & Cola帶咗嚟我屋企寄宿啦，一到步先嚟個complimentary massage先，你睇吓我兩個老友幾咁enjoy！Daddy幾時到我吖?
而家做massage要排３個，真係有排等吖，Daddy變咗紅牌阿爸添～～～
初初嚟到都有掛住ee同uncle架，成日望住個門口，不過．．．．
唔使好耐已經適應咗啦，各自各攞玩具玩，玩得攰就揾個好位瞓，Creamy好鍾意我個飛機籠，入咗去都唔願出嚟，ｅｅ你喺日本買個返嚟俾Creamy啦！
Cola : 家姐，我諗媽媽唔會唔要我哋卦?
Creamy : 梗係唔會啦，我係ｅｅ度住咗好多次架啦，我哋嚟渡假架咋，住幾日就返屋企架啦！
夜晚瞓瞓吓覺，媽咪出去偷影佢哋瞓覺個樣，點知搞醒晒佢哋，媽媽你唔好咁衰啦！
噚晚雖然俾媽媽搞醒咗，但係我兩個朋友仔，今朝都早過我起身！
大家都好無聊，因為我哋都係等緊個爛瞓媽媽起身整早餐俾我哋食~~~~
喂，Creamy，平時你哋媽媽會唔會咁晏都唔起身架?
好嘢，終於都開餐啦！
好開心呀, 有朋友仔陪你玩~
回覆刪除[版主回覆08/31/2008 21:43:00]係吖，仲一次過有兩個添噃！
咁好, 一次過有二個朋友仔一齊反
回覆刪除[版主回覆08/31/2008 21:44:00]一年得一兩次機會架咋！
唔 ~ 呢間 Mo Hotel招呼都唔錯......阿安安都想嚟渡吓假......有冇啲抵食夾大件嘅package呀?
回覆刪除[版主回覆08/31/2008 22:05:00]呢間唔係Hotel，照設施嚟計 ，最多都可以算係一間"毛tel" ，阿安姐肯俾面嚟住吓，邊個夠膽收佢錢吖！
真好, 毛毛久唔久就有朋友仔黎同你一齊玩. 請問呢間 毛毛 hotel 係點收費架呢?
回覆刪除[版主回覆08/31/2008 22:08:00]佢哋兩個成年都無嚟過陪我玩啦，今次等咗成年啦，呢間"毛tel"唔收錢，但淨係招呼小朋友，唔招呼大人架！
咁我哋去瑞士，可唔可以將Mo Mo寄宿喺你度？等大細Mo團聚，哈哈哈．．．
回覆刪除[版主回覆08/31/2008 22:12:00]咁可唔可以叫埋MoMo婆婆一齊嚟呀？
這間Mo Hotel好正Wor!
回覆刪除唔知粒珠有冇機會過來渡吓假呢?
[版主回覆08/31/2008 22:20:00]粒珠肯嚟渡吓假求之不得啦，不過記得叫媽咪整定餐盒帶嚟喎，我阿媽唔識整嘢食，怕你哋食慣呢度ｄ快餐喎！
這間Mo Hotel好正....我可唔可以黎玩下呀
回覆刪除[版主回覆08/31/2008 22:22:00]梗係得，嚟住吓都得呀！
嗯, 我在小j的blog內看到你們呢. 最近在無線 J2 台入面見到一個叫 "寵物大本營" 的日本節目, 相信你會有興趣呢.
回覆刪除[版主回覆08/31/2008 22:29:00]Hi，多謝到訪，你ｄ貓咪好可愛吖，多謝介紹，不過我哋未換高清睇唔到呀！
毛毛你就好啦﹗有兩個朋友仔同你一齊玩﹗佢哋好乖喎﹗
回覆刪除[版主回覆08/31/2008 22:37:00]佢哋一年會嚟陪我住幾日架，等我都試吓有狗陪嘅生活吖麻 ！佢哋係我老友，梗係乖啦！
毛毛, 開心屎你啦. 有朋友仔黎探你
回覆刪除[版主回覆08/31/2008 22:41:00]係架，一年得幾日咋！
毛毛真乖乖, 同朋友仔分享玩具又唔呷醋, 大家一齊玩~~
回覆刪除[版主回覆09/02/2008 13:35:00]我從來都唔爭食同玩具架，所以媽媽一直都唔敢養多一隻，佢怕我會俾人蝦喎！
Mo Hotel full 左未呀, 我又想幫 Tang & Leung 報名喎
回覆刪除[版主回覆09/02/2008 13:36:00]Tang & Leung 咁fit訂一間房得啦！
嘩~!!!!唔好少咗我小吉同紅豆嗰份呀, 我哋又要去5星級享受呀........
回覆刪除[版主回覆09/07/2008 18:21:00]小吉紅豆，你哋捱唔捱得肚餓架，呢間酒店１０點幾先有早餐食架！
毛毛，唔該哂你幫我照顧Creamy & Cola 呀! 雖然佢地入住 momo hotel，我好放心。不過全程都好掛住佢地。去度d好靚好舒服嘅地方，就會諗：如果小狗都係度就好嘞!點解日本d狗咁幸福嘅?香港幾時先文明d?學會尊重生命?
回覆刪除[版主回覆09/07/2008 18:28:00]唔使客氣啦ee，多謝你買咁多手信俾我哋，媽媽話下次唔準買咁多喎！ 呢幾個都係媽咪次次去旅行時問Daddy嘅問題嚟架！
我哋平時冇早餐食架......
回覆刪除[版主回覆09/08/2008 22:28:00]早餐都無得食？你哋一日一餐呀，咁你哋媽媽咪好鬼方便囉！
Cola 張大頭相好可愛呀！
回覆刪除[版主回覆09/09/2008 21:16:00]ｄ相相俾返Helen ｅｅ啦，使唔使叫ｅｅ曬返幅８R俾你吖！