札幌→新千歲機場→香港
唔經唔覺就嚟到第八日啦!要收拾好行李同心情準備返香港啦!我地今日所乘坐的是國泰航線第CX581號班機，在下4點40分起飛，機程大約5小時10分鐘，會於香港時間晚上8點50分抵達香港國際機場。
由我地間酒店開車到機場大約一個小時，所以8點就要開車啦，而9點要到新千歲機場嘅Quarantine Office幫小朋友做健康檢查，寫健康証明及辦理出境手續，然後貨運公司日本運通的職員在Quarantine Office接我哋去佢巳哋嘅辦公室搞手續。
搞好手續後就帶兩隻小鬼去新千歲outlet同佢地食個早D嘅午餐，同埋係個Dog run度運動吓，又係拖到最後一分鐘先將小吉和小毛毛交俾日本運通，唔想佢哋係個籠度咁耐呀麻!
我同小吉都有証架,我哋辦晒旅遊証件入境架,唔係 i i 嚟架!
呢度係新千歲機場嘅Quarantine Office,裡面好鬼熱,熱到我同小吉都除晒衫!
我哋到咗日本運通啦!變個魔術你睇啦, ma li ma li home....
登..登..登..我同小吉入咗籠啦!
呢個係個超級大磅嚟架,我同小吉而家磅緊重,前面個大鐵箱就排緊隊等磅重!
嘩!70kg 俾醫生叔叔見到實激屎怇啫!其實我同小吉加埋籠都係得25kg咋,架手推車有成45kg重架,比起出發嗰日足足輕咗3kg呀!
搞掂晒d正經嘢,我同小吉就開飯啦!
跟住mama佢哋就送返我哋返日本運通啦!做埋D最後準備工作,我同小吉就要準備上機啦! 
mama好長氣架,次次上機前都鬼咁多嘢同我講架!
我哋一家三口嘅厚衫唔使用住啦!
我哋多唔多行李呀?
呢D係大人嗰日嘅午餐!
你睇吓唔使15分鐘就變成咁啦,你話我哋d豆咪係咪好有食力呀!
mama捕咗呢個位好耐都影唔到我同小吉上機嘅情形,我哋好似d明星咁有特別通道行架麻,咁易俾你影到架咩!嘻..嘻..
你睇吓我個傻mama幾心急搞文件,好在東舅父係度咋(唔係著黑色衫嗰位,係喺mama前面著綠色衫嗰個呀),如果唔係都無咁快呀!東舅父錫晒你!
我嘅戰利品!
狗狗道南賞櫻之旅圓滿結束啦!
毛毛, 你去完旅行, 要抖幾耐先回復原氣呀!!
回覆刪除[版主回覆04/24/2008 23:06:00]瞓足3日3夜,唔係好耐啫!
嘻嘻~毛豬..你啲戰利品好似唔只咁少架喎..!
回覆刪除[版主回覆04/24/2008 23:20:00]嘻嘻,咁都俾你發現!有d未返到香港已經俾我偷食咗啦, 仲要成功"紐"到mama開咗兩個新玩具俾我係飛機度玩添!
睇完你地d相, 真係好有衝動帶佢地去旅行的.
回覆刪除[版主回覆02/06/2009 23:24:00]好好玩架，最重要係唔會俾人歧視吖麻，去啦，我做你私人顧問又點話啫！
毛毛媽,
回覆刪除我想問你住洞爺湖那酒店,在訂房時是否註明有狗狗? 因我在酒店英文版只是提到pets allowed, 但日文版就有提到竉物的特別室, 要特別預约,我已在英文版訂了房,会否是普通房間不可與狗狗同住呢?而你們是否在曰文版本那頁訂呢?同一酒店不同文字都幾令人混亂。
不過在我問緊你期間,斑斑爸爸已cancelled英文版本那間房,再响日文版面再book過了。
[版主回覆02/10/2009 21:58:00]我哋喺係日文版訂架，其實盡量都係日文版訂好ｄ，因為通常佢哋日文版嘅資料會比較詳盡！
嚟到book酒店呢一刻，應該好興奮啦！ 希望你好快收到佢哋回覆啦！
毛毛媽,我終於收到新千歲的Approval!!很開心呢!可以進行下一步。
回覆刪除我想問在書中P.147"需要文件第５點的防疫注射記錄"是指rabies還是狗狗每年打一次的防疫針呢?多謝你一直以來的幫忙!Thank U.
斑斑媽媽
[版主回覆02/14/2009 18:14:00]咁就好啦，我第一次收到嗰陣，又係開心到飛起呀！
"防疫注射記錄"是指狗狗每年打一次的防疫針卡！
唔好咁客氣啦，希望你之後嘅手續更順利～～～
毛毛媽,想請問毛毛的回程運費大约幾多錢?因為好似要俾現金,要預計換多幾多yen做運費。(這兩曰yen跌左少少呢!)
回覆刪除[版主回覆02/21/2009 00:26:00]毛毛同小吉兩個一齊去運費會平d，佢兩個加埋JPY120,000，因為可以俾一份手續費就得，而毛毛同小吉都係7kg計，運費係計體重加埋飛機籠，如果好似毛毛咁重(7kg)估計要大概8-9萬Yen.
Thank you,明天我會去漁護署取回文件,之後便去揾日本通運報價,希望繼續順利!
回覆刪除[版主回覆02/24/2009 14:37:00](Empty)