毛毛生日會

因為今年毛毛正日生日嘅日子就係我哋出發去北海道嘅日子,所以毛毛今年生日會喺飛機上面過,本來唔想小毛毛生日咁慘被困係牲口艙過,已經專登訂4月10日嘅機票,點知國泰話要重組飛機時間而取消咗我哋班機喎!最終揀嚟揀去,度嚟度去都淨係得4月9号可以,所以小毛毛今年嘅生日會喺飛機上面過啦!

於是我哋就約埋一班好朋友提早同小毛毛係3月30日開咗個生日會,小毛毛每年嘅生日會都會同佢嘅好姊妹creamy一齊搞,而今年亦都唔例外,生日會係creamy屋企開,所有安排都好好,大家都玩同食得好開心!其實每年小毛毛生日我都會好開心,好興奮,不過唔知點解今年毛毛生日我有一種無奈嘅感覺,可能唔經唔覺毛毛已經5歲啦!