狗狗道南賞櫻之旅-Day 3 (11-4-2008)

俱知安町→大沼國定公園→函館

一早起身,食飽早餐,我哋就出發去大沼國定公園,由俱知安町開車要兩個半小時先到被選為新日本三景之一的大沼國定公園,走之前係間咁靚嘅屋仔度影返張留念相先!

兩個半小時嘅車程mama無嘢做就搵我嚟玩,擺咗我上車頭就係咁影相,mama話咁樣影相又幾方便喎,唔駛郁都影到d唔同背景嘅相!mama你真係懶到出汁呀!

去到大沼公園,點知天公唔造美落雨喎!我同小吉都無得落地玩,淨係可以係車車度影相咋!

咁我哋唯有早d返酒店check-in啦!呢度就係我哋今晚住嘅酒店"HAKODATE 男爵倶楽部 HOTEL & RESORTS"

喺露台睇落街又幾清楚喎!

我哋返到酒店見個天變到天朗氣清,就決定改行程,上函館山睇日落同夜景!

毛毛 : 點解無飛賣嘅?
吉吉 : 小朋友免費架!

嘩!又真係幾靚喎!

我同小吉係山頂度桑跑,重走咗去d泥地度玩,結果俾mama捉返,無得玩,重要俾mama捉住抺腳仔添!

由日到夜,足足係山頂玩咗3個幾鐘,七點幾先落山搵食!

影完相之後佢就變咗我哋嘅晚餐啦!

呢份蟹腳係我同小吉嘅宵夜!