狗狗道南賞櫻之旅-Day 6 (14-4-2008)

洞爺→室蘭市 →地球岬 →白老町→千歲Outlet→洞爺

今日早餐喺酒店食，食飽我地就出發去道南一個非常漂亮的海邊城市「室蘭」，尼度有個叫「地球岬」嘅地方， 「地球岬」起喺超過100米高嘅懸崖峭壁上，面向太平洋，佢喺朝日新聞社主辦嘅「北海道の自然100選」中得票係第１位，而且係日本人睇日出好熱門嘅地點添，咁你都估到佢有幾靚啦!不過我哋去嗰日落雨,所以影出嚟相麻麻地!

由我哋酒店開車到「地球岬」 ，大概45分鐘，之後就會去一間大家都去過而又好想再去嘅海鮮檔「蟹御殿」食其海鮮大餐啦!尼度D海鮮款式應有盡有。

午餐後兩個mama條shopping根發作,咁兩個papa唯有車佢哋去第一日去到人哋已經收咗舖嘅千歲Outlet醫吓啦,如果唔係今晚實無覺好瞓都似!

晚飯係酒店，食飽休息一陣，就輪到我哋D豆咪去浸溫泉啦!今晚要好好休息，因為聽日係搏剎的最後機會! Shopping Shopping Shopping.......

mama瞓多一陣得唔得呀?

我都瞓醒囉,點解papa仲末浸完個晨早溫泉嘅?

 

食早餐啦!

呢個係俾我哋D小狗浸腳仔嘅溫泉!

地球岬好靚,不過好凍,凍到小吉變咗震震狗!

又係醫肚嘅時候啦!          

食飽就要眠一眠啦,我d睡姿都唔係好奇怪啫,做咩個傻mama笑得咁開心嘅!

 

小吉你睇中邊間呀?

嗰間好似幾好喎!

mama呢度有件正嘢,快d叫姐姐攞size我試啦!

靚女做咩電我啫,我都你女仔嚟架!

呢度仲有個dog run, 不過嗰日淨係試衫都試晒d時間,無得係度玩添!

晒咗咁多力,梗係要補充吓體力啦,呢份係小狗餐,我同小吉一狗一份!

呢d係豆咪嘅!

跟住就返酒店食晚餐啦!我哋係咪好好食力呢?

食飽就梗係覺覺豬嘅時候啦,不過豆咪佢哋話大人要浸咗溫泉先瞓得,叫我同小吉瞓先喎!點解呀?都唔明嘅!         

不過唔理咁多啦,我先啦!