出發第一天已經遇到兩個大考驗,有D覺得出師不利,但係都平安渡過!
其實由出發到係千歲機場接返兩位小朋友都算順利,但係到去TOYOTA攞車就非常之麻煩,佢哋俾咗一架有GPS,但係個GPS入唔到電話,只可以入日文字嘅車俾我哋,話個GPS有英文提示喎,我都唔識日文點入呀阿姐?
咁佢就話幫我哋入喎,咁仲激死我,阿姐你係咪跟我一齊玩8日呀!我哋就要求要換返一部個GPS可以入電話嘅車,終於搞咗成個幾鐘頭,仲要我哋試範俾佢哋睇我哋係識用嘅,佢哋先肯換俾我哋咋,所以我哋第一個shopping嘅行程就無咗啦,仲要連飯都無得食,因為去到千歲outlet已經全部close晒啦!
咁就諗住揸車去到D休息站先食啦,真你人算不如天算,我哋去一個地方竟然遇到兩次因為雪崩而封咗路,而且每次遇到封路,我哋就要兜一個大圈,搵過晒d新路先得,但係我哋揾到新路又唔知條路有無封喎,終於尋尋覓覓之下,揾到第三條路先去到我哋第一晚住嘅酒店,但時間已經係夜晚12點,我哋係不停咁揸咗6個鐘頭車,遊晒成個道央先去到酒店!
真係辛苦晒吉爸同毛爸啦!
唔好咁啦﹗少少事啫﹗之後就會係一個開心愉快難忘嘅旅程﹗玩得開心啲呀﹗
回覆刪除[版主回覆04/12/2008 17:08:00]係呀!之後幾日都幾好,不過今日就落雨,下午同唔到D小朋友去公園玩,咁我哋D大人就去咗shopping!
唔怕唔怕, 先苦後甜, 之後會好順利的喇!!!
回覆刪除[版主回覆04/12/2008 17:11:00]多得D朋友仔嘅支持,之後幾日真係好好多啦!!多謝晒!
少少考驗啫, 千祈唔好灰心, 明天會更好嘛!!
回覆刪除[版主回覆04/17/2008 22:49:00]係呀!真係成你貴言呀,跟住都順利好多啦!
辛苦了2位爸爸大人啦~~
回覆刪除[版主回覆04/17/2008 22:54:00]係呀佢哋嗰日真係幾辛苦架!好在我哋2個papa都係揸慣車同有方向感咋,如果唔係都唔知幾時先搵到間酒店呀!
返黎啦, 呢兩星期狗地屋企都發生左大事，見到面再詳談啦!
回覆刪除幾時有相睇呀?
[版主回覆04/17/2008 23:01:00]有咩大事呀?多咗個細佬定細妹呀? mama好似好努力咁,應該好快有相睇架啦!